ဂန္တဝင်ဂိုဏ်းချုပ် အတွဲ(၅) End (Unicode)

၁၂၅၁-၁၂၅၂

စာစဥ် ၆၅ : အပိုင်း ၁

အပိုင်း ၁၂၅၁ : မူလကောင်းကင် ကမ္ဘာ တစ်ခုလုံးကို လှုပ်ခါခြင်း

မူလရွှေခွက် အပေါ်မှ အနက်ရောင် ပုံစံများ၏ ဆန့်တန်းမှုများသည် ယခုအချိန်တွင် ရပ်တန့်သွားကြပြီ ဖြစ်သည်။ ထိုမှော်သင်္ကေတသည် ယခုအချိန်တွင် ပြီးဆုံးသွားပြီ ဖြစ်၏။

ထူးခြားဆန်းပြားသော ဤမှော်သင်္ကေတသည် မူလရွှေခွက်၏ မျက်နှာပြင်နှင့်အတူ တုန်ခါနေလေ၏။

လင်းဖုန်း၏ အမူအရာများသည် ထိုမှော်သင်္ကေတအား ကြည့်နေရင်း အနည်းငယ် လေးနက်လာခဲ့သည်။ သူသည် သူ့အာရုံ အချို့ကို ထိုမှော်သင်္ကေတ အပေါ်တွင် ခွဲဝေထားကာ ကျန်သော အာရုံများကို ပုံရိပ်ယောင်နေမင်း ဟေးဒီးစ်နှင့် တိုက်ပွဲအပေါ်တွင် ထားထားသည်။ သူသည် ပို၍ပို၍ အောက်စည်းသို့ ရောက်လာနေသည်။

သို့သော်လည်း ပုံရိပ်ယောင်နေမင်း ဟေးဒီးစ် အနေဖြင့် ပို၍ပို၍ မတည်မငြိမ် ဖြစ်လာသည်။ အစောပိုင်းတွင် သူ့ထံမှ ယူသွားခဲ့သော ဟေးဒီးစ်တို့၏ အန္တိမ ထူးခြားဆန်းကြယ်သော စွမ်းအင်သည် သူနှင့် ဆက်သွယ်မှု အနည်းငယ် ရှိနေသေး၏။

သို့သော်လည်း ထိုအနက်ရောင် သင်္ကေတကို အပြည့်အဝ ဖော်ဆောင်ပြီးအသွားတွင် ပုံရိပ်ယောင်နေမင်း ဟေးဒီးစ်သည် မူလရွှေခွက်၏ လှုပ်ရှားမှုနှင့် ဟေးဒီးစ်တို့၏ အန္တိမ ထူးခြားဆန်းကြယ်သော စွမ်းအင်တို့ကို လုံးဝ အာရုံခံနိုင်စွမ်း မရှိတော့ပေ။

သူ့ထံမှ စုပ်ယူသွားခဲ့သော ဟေးဒီးစ်တို့၏ အန္တိမ ထူးခြားဆန်းကြယ်သော စွမ်းအင်သည် လုံးဝ ပျောက်ကွယ်သွားသကဲ့သို့ ဖြစ်နေသည်။

လင်းဖုန်းသည် သူ့အား ကျင့်ကြံခဲ့သည်နှင့်လည်း မတူပဲ ထိုစွမ်းအင်များသည် ဘာသဲလွန်စမှ ချန်မထားခဲ့ပဲ ဤအတိုင်းသာ ပျောက်ကွယ်သွားခဲ့သည်။

ပုံရိပ်ယောင်နေမင်း ဟေးဒီးစ်က တုန်လှုပ်သွား၏။ လင်းဖုန်းသည် သူ၏ စွမ်းအားများကို အဝေးသို့ ယူဆောင်သွားခဲ့ကာ ပစ္စည်းတစ်မျိုးကို အားဖြည့်ပေးခဲ့သည်ဟု တွေးမိလိုက်သည်။