" ဂျယ်မင်း မင်းအမေက မင်းကိုဘာလို့မွေးခဲ့တာလဲသိလား "
" ဘယ်လိုလုပ်သိမှာလဲ "
" ငါနဲ့ ရည်းစားဖြစ်ဖို့လေ ခိခိခိ "
မျက်မှန်အဝိုင်းကလေးကို လက်တစ်ဖက်က ပင့်တင်ရင်း ဂျယ်မင်းက လက်ထဲက ဘောပင်နဲ့ ဂျဲနိုရဲ့ နဖူးကို တိန်ခနဲ မြည်အောင် ခေါက်ပစ်လိုက်တယ် ။
အီဂျဲနိုက သူငယ်ချင်းကောင်းပါ ။
တကယ်ကို သူငယ်ဂျင်းကောင်း ။
တစ်ချိန်လုံး အေးအေးချမ်းချမ်းသူငယ်ချင်းဖြစ်လာပြီး လွန်ခဲ့တဲ့တစ်လက ရုတ်တရက် ငါကမင်းကိုကြိုက်တယ်ဆိုတဲ့ စကားတစ်ခွန်းကနေ စလိုက်တာ တစ်နေ့တစ်နေ့ ဘယ်ကဘယ်လိုတတ်လာမှန်းမသိတဲ့ အီစီကလီစကားတွေကို နေ့တိုင်းကို နာဂျယ်မင်းက နားထောင်နေရတော့တယ် ။
တစ်ချိန်လုံးဆိုတာက တကယ်တော့ တစ်ချိန်လုံးမဟုတ်ဘူး ။
သူတို့နှစ်ယောက်က အထက်တန်းနောက်ဆုံးနှစ်မှ ကျောင်းတူတာ ။ အခုက တက္ကသိုလ်ပထမနှစ်ပြီးခါနီးဆိုတော့ နှစ်နှစ်ကျော်ရုံလောက်ကလေး ရှိသေးတယ် ။
ထားပါ အဲ့တာတွေ ။
ပြောတဲ့အတိုင်း တက္ကသိုလ်ပထမနှစ်က ပြီးခါနီးလေ ။
တစ်နှစ်လုံး စာမလုပ်ထားတော့ စာမေးပွဲအတွက် ဖင်ထောင်ပြီးစာလုပ်ရင်တောင် မလုံလောက်တာကို ဂျဲနိုက တစ်နေ့တစ်နေ့ နာဂျယ်မင်းရဲ့ သမာဓိအားတွေကို လာလာစမ်းနိုင်လွန်းတော့တာပဲ ။
" စာလုပ်စမ်းပါ ဟေ့ကောင် ။
ထပ်ပြီး အာချောင်နေမယ်ဆို အိမ်ပေါ်ကဆင်းတော့ "
" ဒါက ငါ့အိမ်လေ "
" ..... "
" ..... "
ပြောစရာစကားတွေ ခဏပျောက်သွားသလိုမျိုး ဂျယ်မင်းက ဂျဲနိုကိုကြည့်တယ် ။
ဂျဲနိုက ဂျယ်မင်းကိုပြန်ကြည့်တယ် ။
တဖြည်းဖြည်းနဲ့ နာဂျယ်မင်းရဲ့ မျက်နှာက ဒေါသကြောင့် ခရမ်းချဉ်သီး .... သီး .. သီးး
" အီ ဂျဲ နို !! "
စကားမှားသွားမှန်းသိတော့ ဂျဲနိုက လက်အုပ်ကလေးချီပြီး ဂျယ်မင်းရှေ့မှာ ဒူးကလေးထောက်လို့ ။
အဲ့လိုဆိုတော့ ထူးထူးဆန်းဆန်းလည်းမဟုတ်ဘူး သူတို့ကနှစ်ယောက်လုံး ကြမ်းခင်းပေါ် စာထိုင်လုပ်နေတာဖြစ်ပြီး ဂျဲနိုက ခြေထောက်ညောင်းလို့ဆိုရင်း ဒူးထောက်ထိုင်နေတာ ခုနကတည်းက ။
အခုမှသာ ဂျယ်မင်းရှေ့ ရောက်လာတာ ။
YOU ARE READING
Hey Stupid , I LOVE YOU !! || NoMin
Fanfiction" တစ်နဲ့တစ်ပေါင်းရင် နှစ် ရတယ် ။ မင်းနဲ့ငါပေါင်းရင် အချစ် ရတယ် " " အရူး " LEE JENO X NA JAEMIN [ One Shot ] Birthday present for my @kacylee23 ❤️
