جمره كلبي

مشهد تعريفي

هـلو اسـمي فـله عمري 17 من بغداد ادرس صف خامس اعدادي طبعاا حوصفلكم شكلي لون بشرتي حنطاويه ع بيضه طولي 158 وزني 68 يعني وسط عيوني كبار ورموشي كثيفه حيل وطويله احبهم حيل عيوني لونهم اسود ع عسلي حلكي صغير بس شفايفي شوي كبار عندي غمازه بحنجي وغمازه خفيفه بخدي شعري لخصري ولونه بني نوعي اضحك ع كولشي تافه جان ابسط شي تلكوني مسنكره ضحك وعصبيه وجريئه وماستحي وبنفس الوقت خجوله حيل طبعا لهجتي متنوعه اني لتتفاجئون وان شاء الله بعدين تعرفون ليش

انولدت بنص عائله حلوه ومحلوه ثنينهم تعالو نعرفكم ع اهلي

بابا : اسمه سند عمره 45 سنه موضف بالكهرباء يحبنه هوايه اني واختي لان بأتخصار يحب البنات كولش حباب ولطيف وحنون بس مرات يصير قاسي ويضلمنه هوايه بس نتحمله

ماما : اسمها فضه هيه وبابا نفس العمر اصير بت خال بابا حبو بعض 10 سنوات من الطفوله وازوجو بعمر ال 19 طولها 155 وبيضه وعيونها صغار وعسليه مدحدحه ههههه شكلها صغير مو كد عمرها صح متعوبه هواي بس رغم هل شي جميله حيل

اني عندي ثنين اخوه واني واختي وحده

ايهاب (اخويه الجبير) : عسكري عمره 25 سنه طوله 175 شويه ضخم وضعيف مو مكرش ميحب المدرسه ابداً

أدم (اخويه الثاني) : متخرج تربيه انكليزيه عمره 23 سنه وابيض ضخم هوايه وطوله 180 (حبيب قلب الماما) هاذا كولش حباب بس خبيث

ميامين (اختي الصغيره) : اصغر مني عمرها 15 تدرس ثالث اني اكون المشرفه عليها دائما بدراسه وغسر شي اريدها اصير صاحبة شخصيه قويه وذيبه هيه وسط طولها 162 سمره وعيونها كبار اسود لونهم ورموشهاا ضيم ع بابا طالعه كثيفه حيل وطوال حلكها صغيروني شعرها لمتنها هيه تكصو دائما متحبو طويل وزنها 60 ضعيفه هيه شكلياً بس رشيقه احسن من سمينه

اني عندي 2 عمات (حيايه)
وعندي 4 عمام

عمه الجبيره : انصار عمرها 67 سنه عدها 2 بنات ولد واحد

عمه الوسطانيه : رجاء دكتوره نسائيه عمرهاا 60 سنه وعدها 2 بنات وخمس ولد

عمي الجبير : اياد عمرو 55 سنه عندو بنيه وثلاث ولد

عمي الوسطاني : عامر عمرو 52 سنه عندو ولد واحد وبنيه وحده

عمي اصغر من الوسطاني : سيف عمرو 50 سنه وعندو ثنين بنات ولد واحد

وبابا اخير شي وفوك تعريفه

……………………………………………………

عندي خوال ثنين وخاله وحده وي ماما

خالو جبير : ثامر واكثر واحد احبو وكائنو بابا كولش حباب ولطيف يجنن وعمره 56 وعسكري وعندو ثنين بنات الي احسبهم اخواتي كولش احبهن ( مريم „ حنين )

مريم : عمرها 18 اكبر مني بسنه سمره كصيره هوايه تبين اصغرنه طولها 150 وزنها 47 شعرها جوا خصوها واسود يجنن اختها هم لان امهن هيج بس كصته لركبته شكلها حلو هوايه وناعمه تدرس سادس اعدادي

حنين : اصغر وحده بينه عمرها 15 بس كلنه نفس الكصه بس مريم اصغر مبينه من عدنه طولها 155 سمره وزنها 50 وشعرها لحد خصرها بالثالث متوسط محبوبه وملامحها كولش حلوه ومحبوبه وكولش حبابات احبهن بمحبت اختي

خاله سرئ : اصغر وحده بخوالي عمرها 40 طولها 164 وبيضه وشعرها كصير وعدها ثنين ولد وبنيه ابنها حسين وبنتهاا روئ  خالتي كولش حبابه ع ماما صح ميشابهن بس كولش حبابه

روئ : رفيق العمر عمرها 17 بكدي فرق اشهر بيناتنه طولها 160 سمره شعرها كصير ملامحها هادئه وحلوه متدرس تاركه بسبب اهل ابوها ضالمين حيل واحنه خمسه سوه دائما ( فـله „ ميامين „ مريم „ حنين „ روئ)  كولش نحب بعض

معلومه ( خوالي بالنجف وبابا بغداد) 
………………………………………………………

ولهنا يخلص البارت التعريفي

برئيكم القصه شحتكون حلوه لولا …؟

يلا بــاي انتـضركم بالـبارت الثاني