كرونيك هل_انا_من_املاك_الزعيم (باللهجة تونسية)

جزء 35

طلعت شهرزاد لبيت ميرال دقت الباب وكي سمعت صوت يقلها أدخل حلت الباب ودخلت-ميرال حبيت نقلك إنو زعيم قلك تحضر روحك بعدين فما حفله باش تحضروها مع بعضكم وتو هو يبعثلك اللبسه. -قداكش رخيسه -سامحني؟؟ -شنو ماسمعتش قداكش رخيسه كيفاش تحضر عرس راجل كنت لبارح إنتي وياه .... (منجمتش تكمل) -اها... يعني شفتنا -مصح رقعتك من غير ماتخمم إنك باش تساعديني بتحضيرات العرس -الزعيم طلب مني نساعدك وقت يقلي هو متساعدش وقتها منسعدكش غير هاك غدو باش نجي ونتفقو على حاجات بخصوص العرس وتو سامحني لازم نمشي. جات باش تخرج حلت الباب ودارت لميرال-ماتوثقش في أي حاجه تشوفها بعينيك ساعات لازمك توثق بشخص أكثر من إلى تشوفو دخلت دوش عملت كريمات ايجى ساعتين وهي في الدوش خرجت لقت فوق السرير روبه عملت مكياجها ريقلت شعرها وهزت الروبه لبستها جات تهبل مستحيل حد يشوفها وميقعدش يشوفلها من كثر ماجت تهبل.قعدت على السرير تستنا في صقر. بعد ربع ساعه دخل صقر للبيت وكان على أساس انو باش يعطيها بايها بمعاملتها بطريقه هاذيكا أما وقت شافها نسا نسا حتا إسمه موش عملتها بركا قامت هي من السرير طبست رأسها ودور في رأسها في البيت الكل إلا صقر قدملها وشدلها ايدها-محلاك.... محلا... قدم باش يبوسها بعدت رأسها دوراته لجيها أخرى مازالت منستش إلى شافته-شبيك؟ -مكياجي تيفسد وانا ليا ساعتين وانا نريقل فيه -هههه باهي ميسالش نشبع بيك بعد السهريه باسها من جبينها ودخل لدوش يدوش وبعدين لبس كوستيم جات تفتق على بدنه مصنوعه خصيصا ليه هو.صقر خرج وميرال بقت شافاته بقت تذبت فيه حاب تمشي تحضنه وتقله راك ليا انا بدنك روحك قلبك ليا لوحدي ومانحب حد يشاركني فيك. لبس منقالته عمل برفا وخرج هو و ميرال.وصلو لبلاصة الحفله دخلو العينين لكل ولت عليهم أكبر رئيس عصابة ومعاه طفله تهبل بالزين وجديده موش شايفينها من قبل أكيد باش يجذبو الأنظار لكل، بدأ يقدملها في الناس إلى موجوده إلى يوَتوتْ عليها كيفاش رئيس عصابة كبير يعرس بوحده عاديه ماتدخلش لعقل عباد تفكيرهم الكل كان في المصالح. عرفها على مراء إسمها زينب فرحت لأنها لقت حد تونسي هزتها معاه تعرف فاها على بنات وصقر مشاء يتكلم مع رجال.بقت عيناها على صقر موش حاب تغفل عليه وكأنو باش يهرب اما جذبت انتباها مراء توري في وشم على كتفها وكانت فخورة برشا إنها عملته اما شنو سبب تكلمت من غير قصد وبتلقائيا-هاي وشم حاجه عاديه شنو المميز ضحكو لبنات على كلامها وفي نفس الوقت مصدومين-مفهمتش شنو إلى يضحك؟! جاوبتها زينب-عزيزتي ميرال الوشم موش حاجه عاديه كل عصابة وليها وشم خاص بيها انو لمراء تعمل وشم خاص بالمافيا إلى هي فاها أهم برشا حتا إنها تعرس برئيس عصابه أي حد يحاول يقربلها كي يشوف الوشم يعرف انو هي من ممتلكات الزعيم ياخي الزعيم مقلكش تعمل وشم قبل متعرسو؟؟! -لا.... ل... لا مقليش الأفكار إلى كانت دور في رأسها معنتها النساء عند المافيا كيفها كيف الكرهبه، دار،..... حاجات يقمروها سألت روحها عليش صقر مطلبش منها تعمل وشم ولا هو ميفكرش كيفهم. هزت روحا ومشت خرجت تحب تشم شوي هواء. هزت نفس بصوت عالي حست بيدين حوطتها من تالي أما موش صقر دارت بزربه ودزاته وتكلمت بصدمة كي شافت شكون-ي. يعقوب -ميرال -شنو تعمل هوني؟ -جيت باش نهزك نهربك ونخبيك من المجرم صقر -يعقوب امشي منحبش نعمل مشاكل متخفش عليا انا لاباس-ميرال مانيش ماشي غير وانتي معايا صقر إنسان مريض مانجمش نخليك معاه جبدها وحضنها حاب يدخلها في قلبه ويسكر علاها بعد ثواني بعداته بشوي-يعقوب على خاطري امشيودخلت تجري حاب يلحق علاها أما مينجمش هز رواه ومشاء.ميرال دخلت تجري تضربت في بدن ورجعت لتالي تكلمت بخوف وصدمه-صقر -علاش تجري فما حاجه -لا.. لا.... أما ضيعت الطريق -باهي هايا نروحو -ساكي لداخل نمشي نجيبو شدها من ايدها وبدأ يمشي باها وتكلم-تو نقول لحد يجبهولك تكلمت ميرال مع روح"-زعما شاف يعقوب ياربي ميكونش شافه لا لا اكيد ماشفوش اذا شافو أكيد باش يقلي موش باش يحشم مني مثلا "ركبو الكرهبه جابولها ساكها ومشو. كان الهدوء سيد المكان تسمع كان في صوت الكرهبه تكلم صقر-علاش ساكتا؟ -شي ماعندي مانقول قرص صقر على قرص بجنبه يفصلهم على السائق خزرت ميرال كيفاش البلار لسود كيفاش يطلع أما مهتمتش دورت رأسها لشبيك صقر عمل حركه سريعه خلت ميرال تموت من الخوف ايد مدورها على خصرها وايد ضغط باها على خدودها-شكون إلى كان معاك من شوي؟ -ماكان معايا حد -يعقوب شنو عنده يعمل معاك شمجيبه. -عرف إنا باش نكونو في الحفله.... جاء باش يهزني معاه -وشنو كان جوابك -قتلو لا مانجمش نمشي معاك -علاش؟ -قتلو اني ملكك ضهرت ابتسامة متع خبث وبعدين في ثواني اختفت زاد قرصلها على خدودها لين ولا فمها محلول شوي-علاش خليته يقربلك كي انتي عارفه إنك ملكي حاولت تنحيله ايده على خاتر معادش تنجم تتحمل الوجيعه إلى حست باها كي منجمتش تفلت روحا تكلمت-صقر سيبني.... سيبني وجعتني -علاش خليتو يقربلك جاوباته وهي متغشا-علخاتر منجمتش معنديش القدره باش نبعده وبحركه مخذتش منه ثواني جابها قاعده في حجره متحملش الاثاره إلى قدامه وهو يشوف في وجها البرئ مع عينين مليانين خوف وغش في نفس الوقت...