لينا : اسمع اللي هقولك عليه يا مينا و نفذه بالحرف
خلي الراجل صاحب الأرض يتصل بسليم و يتفق معاها علي الساعة سبعة في مكتبه بس بعد ما يكلمه خلينا نتقابل في المكان اللي هقولك عليه
و كملت عوم في البسين
و لسه هتطلع لقت حد بيمد أيده ليها ، بصت لصاحب الايد كان احمد لينا مدت أيدها و طلعت
احمد : هااا... مش عايزة تقولي حاجة
لينا بابتسامة : حاجة زي ايه
احمد : حاجة زي اللي خلتك تنزلي البسين بهدومك في الوقت دا
لينا : مفيش حاجة بس شوية تفكير
احمد : اطلعي غيري هدومك عشان متتعبيش و كمان بقالنا كتير متكلمناش يلا روحي و أنا هستناكي
لينا طلعت غيرت هدومها و نزلت لاحمد
احمد : اسألي و قولي كل اللي انتي عايزاه
لينا : ازاي اعرف ان اللي انا عايزة اعمله صح ولا غلط
احمد : الصح و الغلط بيكون حسب الدين و تفكير الشخص و تربيته الصح بالنسبة ليكي ممكن يبقي غلط بالنسبة لحد تاني و العكس ، الفكرة هنا في انك شايفة اللي هتعمليه ازاي ، و اللي هتعمليه هيضر حد ولا لأ ، بس اللي لازم تتعلميه الشغل بالعقل مش بالقلب لازم تاخدي حقك عشان محدش يتجرأ و يفكر مجرد تفكير أنه يأذيكي انتي لو سكتي هتبقي مستباحة للكل و ايا كان القرار اللي هتاخديه انا معاكي و في ضهرك
لينا حضنته ربنا يخليك ليا
احمد بحب : و يخليكي ليا ، يلا اطلعي نامي عشان انتي صاحية من بدري
لينا سابته و طلعت
و اتصلت علي فهد
لينا : عمي و عم عيالي يا فهد ياخويا
فهد بضحك : لينا حبيبتي عاملة ايه وحشتيني
لينا : و انت كمان يا فهد بس عايزة منك خدمة
فهد بدراما :و انا بقول البت متصلة تتطمن عليا ، قولي عايزة ايه
لينا بجدية : عايزة اعرف شركة حراسة كويسة من ترشيحك انت
فهد : ليه عشان ايه الشركة
لينا بكدب : اه عشان انت عارف موضوع ضرب النار و عايزة حراسه و كدا
فهد : خلاص هبعتلك حد من صحابي كان فاتح شركة حراسة هو اكتر واحد انا واثق فيه
لينا : تسلم يا رجولة كنت عارفة انك هتحل الموضوع دا
فهد بضحك : رجولة .. شكرا يا لينا ياختي
لينا : متبقاش قفوش كدا يا فهد ، اسيبك بقي عشان شكلك مش فاضي
تاني يوم الصبح في الشركة
طارق خبط و دخل
طارق : يا استاذة في واحد اسمه هاشم المنياوي مستني برا
لينا : دخله يا طارق
لينا بعد ما شافت هاشم ايه دا كل دا هو فهد باعت فندام ولا ايه ، ما صحيح فهد هيجيب ايه دولاب زيه بالظبط
لينا : اتفضل يا استاذ هاشم ، انا لينا .. لينا السويفي
هاشم : شكرا ، انا هاشم المنياوي
لينا : تشرفنا تحب تشرب ايه
هاشم : قهوة مظبوط
لينا : طارق هات اتنين قهوة مظبوط و مش عايزة مكالمات ولا ايه حاجة
لينا : مش عارفة فهد قال لحضرتك ولا لأ موضوع أن في الشركة اتضرب علينا نار ، انا عايزة حراسة ليا انا و للشركة و الاهم من دول حراسة لفيلا لوالدي
هاشم : لابراهيم بيه
لينا : لا لاحمد الدسوقي ابويا ، انا عايزة حراسة علي اعلي مستوي و ياريت يبقوا مع ابويا زي ضله اهم حاجة الفيلا
هاشم : احنا كدا اتفقنا تحبي نبدأ امتي
لينا بصت علي الموبايل بتاعها لقت رسالة من مينا
لينا : ياريت من دلوقتي
هاشم : خلاص اتفقنا انا هكلم الرجالة ، في مكان هنا ممكن اتكلم فيه
لينا : خليك هنا في المكتب و انا هاخد لفة في الشركة و ارجعلك
لينا خرجت و اتكلمت مع مينا
مينا : بصي يا رياسة الراجل عايز يتكلم معاكي الاول
لينا :خلاص يا مينا انا هتكلم معاه الاول ، انت حاسس أنه بيلف و يدور ولا ايه
مينا : مظنش يا رياسة هو شكله عايز يطمن بس
لينا : خلاص انا هقولك علي عنوان تجيبوا و أنا هقابلكوا ، مينا من غير ما حد يعرف
لينا قفلت و راحت لهاشم
هاشم : لينا هانم الحراسة راحت عالفيلا و أنا و حسان مع حضرتك
لينا : طيب تمام انا خارجة دلوقتي
هاشم : تمام يلا بينا
لينا : يلا بينا فين
هاشم : معاكي
لينا لنفسها : انا اللي جيبت كل دا لنفسي يلا يا هاشم
ووصلت المكان اللي اتفقت عليه مع مينا
لينا دخلت المطعم و لقت مينا و صاحب الأرض
لينا : مساء الخير ، لينا .... لينا السويفي
الراجل : اتشرفت ، الحاج رفعت
لينا : تشرفت ، بص يا حج رفعت انا مش بحب اللف و الدوران انا عايزة اشتري الأرض بتاعتك ، شوف عايز كام و أنا شارية
رفعت : بس الأرض ملهاش لازمة بعد ما سليم الدسوقي صاحب الأرض اللي حواليها و انا الصراحة مش عايز ابيع
لينا بذكاء : بص يا حج رفعت زي ما قولت سليم اشتري كل الأراضي اللي حواليك و كدا الأرض بتاعتك مش هتجيب ربع تمنها ، و أنا عارفة أن حضرتك عايز تضايق سليم عشان جابرك عالسعر و صدقني محدش هيعرف هيضايقه زيي ها قولت ايه ، لينا لاحظت تأثير كلامها علي الراجل فكملت انا فرصة بالنسبة ليك منها هتاخد تمن الأرض و منها هتضايق سليم
رفعت وافق و مضوا العقود و لينا كلمت حد عشان يسجل البيع و الشراء في الشهر العقاري
رفعت : مبروك عليكي الأرض و تليفونه رن و كان سليم
لينا : اخر طلب يا حج وافق علي اي حاجة يقولها
رفعت كلم سليم و وافق أنه يبيع الأرض لسليم
لينا : شكرا ليك يا حج رفعت كل المطلوب منك انك تروح في المعاد و الباقي عليا
في المكان اللي سليم و رفعت اتفقوا عليه و اللي هو الأرض بتاعت لينا
سليم و رفعت وصلوا
سليم بسخرية : كنت متاكد انك هتوافق مفيش حل غيري قدامك ، امضي عالورق و الشيك اهو
سمعت صوت لينا
لينا : غلط يا سليم كان في حل غيرك و اللي هو انا
سليم : للاسف يا لينا جيتي متأخر أصله بيبيع الأرض و هيمضي العقد
لينا قربت منه و بصوت واطي : ازاي هيبيع حاجة مش بتاعته كملت اصل انا مقولتش لك أن انا اشتريت الأرض
سليم بصدمة : ااا...ازاي
لينا : انا اقولك كل حاجة كانت مرسومة هنا و شاورت علي دماغها حتي واقفتنا هناو كنت مستنياك تتحرك بس كنت متوقعة منك اي حاجة غير انك تضرب عليا نار لا و تسرق شغلي
بس معلش الوقت جه حقي و هاخده حالا
سليم : قصدك ايه
لينا : بصراحة يا سليم طول الطريق و أنا جاية حسان و سعد عمالين يحلفوني أن كل واحد منهم يضربك الاول ، بس انا اخترت بص حسان شكله بيعرف يضرب كويس فخلينا نتفرج كدا و فعلا رجالة لينا كانت بتضرب سليم ماعدا هاشم اللي واقف معاها
سليم كان واقع عالأرض لينا قربت منه
لينا بجمود : الأرض تمن الصفقة اللي سرقتها كمان اللي انت فيه دا عشان ضربت نار عليا ، اه لو فكرت تبلغ أنه هعمل فيك محضر أن انت كنت جايب ناس في الأرض بتاعتي
لينا : يلا يا هاشم
لينا رجعت عالفيلا بتاعت احمد
لينا : يا باااابا ... يا احماااااد
لقت احمد نازل عالسلم
لينا بتصفير: ايه الشياكة و الحلاوة دي رايح فين
احمد بضحك : يابت بطلي بكش بقي و عالعموم يا ستي انا رايح اتمشي شوية بالعربية زهقت من القاعدة في البيت و تليفونه رن
احمد : ايه بتقول ايه انا طيب انا جاي
لينا و خمنت أن الاتصال ليه علاقة بسليم
لينا بخبث : خير يا احمد في ايه
احمد : دا سليم ابن عمك في ناس ضربته و أنا رايح المستشفي اشوفه
لينا : يا خبر مين اللي عمل في كدا ، لا دا احنا لازم نروح نشوفه
و وصلوا المستشفي و لينا اشترت ورد و شكولاته ( حنينة اوى )
دخلوا لسليم
لينا : الف سلامة عليك يا سليم مين اللي عمل فيك كدا و بصت لقت احمد بيكلم عمها كملت بصوت واطي ايه دا حسان أيده تقيلة بس و الله تسلم ايده ابقي فكرني اديله مكافأة عاللوحة الفنية دي
احمد : متعرفش يا سليم مين اللي عمل كدا
لينا : اصل ولاد الحلال مخلوش لولاد الحرام حاجة ، خد يا سليم الشكولاته دي
و لينا مشيت هي و احمد
تاني يوم في الشركة
لينا كانت قاعدة في المكتب مع هاشم
لقت حد دخل المكتب بزعيق
.... : انتي ازاي تعملي كدا
يا تري مين اللي كلم لينا ؟؟
يارب البارت يعجبكم 💙
أنت تقرأ
أحبها و انتهي الأمر
Romantikهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
