عشقي الضائع 💔

التكملة 🍬

مر شهر على مالك وكان عصيب للغايه كان عقله لا يتوقف عن التفكير كيف ان يحدث ذلك هل يعقل بان يوجد اثنين بنفس الشكل بالضبط وبنفس الملامح دون اي اختلاف فكان لا يصدق فكرة بان ملك هي مجرد وجه او شخص مشابه لعشق حتى التوام المتماثل يوجد بينهم اختلاف ايضا
اخذ يذهب ويدور ويدور وعقله يجول حتى تذكر يوم دفنة عشق حيث قال له جده بأن عائله المحمدي اخذت جثة عشق و اصرت على دفنها في مقابرها ومنعت اي احد من عائله الصاوي من دفنها او حضور جنازتها يقرر الذهاب الى مدفن عائله المحمدي ويقوم بزيارتها لانه احس ان حل ذلك اللغز يكمن في تلك المقبره
*******************************************
في مدافن عائله المحمدي
ذهب مالك الى تلك المدافن على امل ان يجد حل لتلك المعضله ويتاكد بان ملك هي عشق ام هي ملك فعلا ليذهب الى تلك المقابر ولكن لاحظ عدم وجود قبر يحمل اسم عشق بل وجد ان كل المقابر تحمل اسماء عائله المحمدي والدها والدتها التي هي عمته جدها لكن لم يكن موجود في تلك المقابر حتى ياتي له الترابي" في حاجه يا استاذ"
مالك: ايوه لو سمحت انا عايز قبر عشق المحمدي انا جاي ازورها بس مش لاقي القبر بتاعها
التربي: ايوه يا بيه مش هتلاقيها هنا عشان هي اندفنت في المقابر عندكم
مالك: انت بتقول ايه
التربي: ايوه يا باشا زي ما باقول لك كده صحيح شوكت باشا بعد ما عارف ان عشق هانم الله يرحمها ماتت طلب مني ان افتح القبر واجهزه بس شريف بيه ابن عم حضرتك جه لشوكت باشا الله يرحمه وقال له ان جده قال له انه يخبر شوكت بيه بان عشق هانم هتندفن في مقابر عائله الصاوي
مالك: انت متاكد من اللي انت بتقوله ده
التربي: اه والله يا باشا متاكد حتى بردك شوكت بيه بعد ما سمع الخبر ده   تعب ودخل المستشفى وهو ده سبب موته ان بنته الله يرحمها ما اتدفنتش في المقابر عندهم
ليخرج من المقابر وهو تاكد بانها عشق وان تلك ليست ملك تلك هي عشق لانه يعلم جيدا بان مقابر عائله الصاوي لم تفتح في ذلك اليوم لانه كان هناك في ذلك اليوم منتظر قدوم الجثه لكي تاتي لياتي خبر عائله المحمدي واصرارهم على دفن عشق في مقابرهم
*******************************************
في بيت ملك
تفتح ملك باب الشقه وتدخل وهي تنادي على عمر الذي من المفترض ان يكون ابيها لتظل تنادي وتنادي وتنادي ولا تجد رد حتى تقرر الدخول الى غرفته وتجده ملقى على الارض فاقد الوعي
*******************************************
في المستشفي🏥
كانت تزرع الممر  ذهابا وايابا ودموعها لا تكف عن النزول وبجانبها رانيا صديقتها تواسيها وتطمنها بان عم عمر سيكون بخير يقطع ذلك خروج الطبيب من غرفه عم عمر ويخبر ملك بان حالته متدهوره للغايه وانه الان يحتضر وطلب منها الدخول اليه لانه سال عنها وقال بانه يريدها في امر مهم
بيدخل ملك الي وتمسك يده اخذت تقبلها وهي تقول"بابا"
عمر بصوت مختنق: ملك اسمعي اللي انا هاقول لك عليه.......... ومش تقاطعيني .......وسامحيني يا بنتي.... بصي يا ملك انت مش بنتي ومش اسمك ملك
ملك : بابا...
عمر: اسمعيني انا مش هاعرف احكي لك الحكايه كلها دلوقت..... بس كل اللي اقدر اقوله لك..... انك لو عايزه تعرفي حياتك من اولها لاخرها ........روحي بيت الصاوي.
ليفارق بعدها عمر الحياه وملك لا تصدق الكلام فكيف لا تكون ابنته واذا كانت ليست ابنته وليس اسمها ملك فما اسمها طالما ظل هذا اللغز يشغل تفكيرها فهي لا تتذكر سوا خمسه سنين فقط انما قبل ذلك فلا تتذكره ابدا وعندما سالت عمر عن حياتها السابقه قال بانها قامت بحادثه وبعدها فقدت الذاكره ولكنه هو والدها وانا تلك الحادثه حصلت عندما كانت في الخليج معه فقط
*******************************************
قصر الصاوي🏰
يدخل مالك الى القصر غاضبا وهو يصيح بصوت جهور ينادي على جده" قاسم باشااااااا......  انت فين"
قاسم بغضب: في ايه يا مالك ايه الشغل العربجيه اللي انت بتعمله ده
مالك بعيونه غاضبه ومحمره وعروق بارزه من شده الغضب والغيظ: فين عشق
قاسم: لا انت شكلك اتجننت انت مجنون يا ابني ماهي ماتت من خمس سنين
مالك بغضب: انت كذاب واكيد انت مخبيها عني زي ما كنت مخبيها عني السنين اللي فاتت عشق مش مدفونه في مقابر عيله المحمدي زي ما انت قلت لي واكيد مش مدفونه في مقابر عيلتنا لاني مقابر عيلتنا ما اتفتحتش من ساعه موت امي فهي فين
ليضيف بسخرية" ولا تكون لحد دلوقتي لسه في المشرحه بتتعفن في الثلاجه هناك"
قاسم بحيرة: يا ابني انت مين قال لك الكلام ده
مالك: التربي التربي بتاع عيله المحمدي قال لي ان شوكت المحمدي عدوك فتح القبر عشان يجهزه عشان يدفنوا فيه عشق وحضرتك بعت شريف علشان يقول لهم ان عشق مش هتدفن غير في مقابر عيلتنا انو دا سبب موته يعني انت موته بحسرته انا بقى اللي عايزه افهم انت ليه قلت لهم ليه كده وعشق ليه ما اتدفنتش في مقابرنا رد .....عليا فين عشق
قاسم: كذب انا فعلا بعت لهم شريف وقلت لهم اني عشق هتدفن في المقابر بتاعتنا علشان حسيت بالذنب من اللي حصل لها وقلت اكفر عن ذنبي باني ادفنها في المقابر بتاعتنا وخلاص اعتبرها واحده من عيلتنا حتى وهي ميته بس يا ابني هم بعتوا ليا شريف وقالوا ليا انه هم  مصرين ان عشق تندفن عندهم
ليحس قاسم بنغز شديد مكان قلبه وان قدرته علي التنفس بدأت تقل ليري مالك ذلك ويقول بتوجس"جدي"
قاسم بصوت مختنق: م... ال. الح.. قن. ني( مالك الحقني)
ليقع بعدها علي الارض ليصرخ مالك للحرس ليأتوا ويأخذوا جد مالك الي المشفي ومالك معه حتي وصلوا للمشفي
*******************************************
في المشفي 🏥
كان مالك قلق علي جده بالرغم من غضبه منه ولكن هو جده الذي احبه وفضله علي حفيده الاخر في كل شئ لتخرج الممرضة من الغرفة" ممكن حضرتك تتكلم معاه بس مش كتير لأنه تعبان جدا والراحة ليه افضل"
ليدخل مالك الغرفة ويجد جده ممدد علي الفراش لا حول له ولا قوة ليجلس مالك علي كرسي قريب من سرير جده ويمسك يده ليبستم له جده
قاسم بتعب: سامحني يا مالك.... صدقني يا ابني انا مش مخبي عنك عشق انا زيي زيك مفكرها ماتت
انما انت لو لقيت حاجة تقول انها عايشة فامسك فيها دور علي عشق ورجعها ليا ولو مت وانت لقيتها قولها تسامحني
مالك بعيون دامعه: مش تقول كدا ربنا يخليك لينا... ارتاح انت بس
ليظل معه حتي ينام ليخرج من الغرفه ويجلس في كافيتريا المشفي وهو يفكر اذا كان جده ليس له يد في اختفاء عشق يا تري من
ليتذكر ان اسم شريف تتكرر اكثر من مرة اثناء حديث التربي وكذبه عل العائلتين لتحمر عيناه بلهب الانتقام ويقول" عارف يا شريف لو طلع ليك يد في اللي حصل مش هسمي عليك وانا بدبح"
*******************************************
في سيارة شريف 🚗
شريف وهو يتحدث في الهاتف" يعني ايه......  كل دا حصل....... متعرفش عرف الحاجات ديه منين.... طب اقفل"
ليغلق الهاتف مع الحارس ويتصل بنيڤين" الو يا نيڤين بصي واسمعي اللي هقولك عليه انتي تروحي لبيت الصاوي وتخدي اي ورق مهم محدش هيقولك حاجة انتي مديرة اعماله.....  ماااالك عرف كل حاجة وابواب جهنم هتتفتح علينا فروحي ونفذي اللي هقولك عليه"
ليغلق معه الخط ويتذكر تلك اليلة
فلاش بااااااااك
يقف هو أمام سريرها بعد اصطدام السيارة بها لتفيق عشق وهي تنظر لشريف " اااااه.....  انت مين؟"
شريف: انا مين ايه انتي مش فاكراني
الطبيب : اللي كنت خايف منه حصل
شريف: بالعكس دي فرصه وجات لحد عندي بص انت تديها الحقنه دي حقنه دي بتوقف اعضاء الجسم لمده معينه بس مش بتموته اديها لها لازم عشق في تموت النهارده
لينفذ الطبيب ما امر به شريف بعدها يتصل شريف بالشرطي يخبره بانه وجد عشق ولكن وجدها جثه هامده وانه من المفترض بان تكون في ثلاجه الموتى وبالفعل قام الشرطي ما امر به شريف ولكن ليس اتفاقا معه ولكن على حسب كلامه فانه استطاع ان يجد عشق ولكن  ميته وبالفعل اتصل الشرطي بمالك يخبره بانه وجد عشق بعد اختفائها لمده ثلاثه ايام ولذلك مالك ذلك قام بابلاغ الشرطة التي وكلت بالبحث عنها حتى اتصال شريف بها وذهاب مالك الى المشرحه وتعرفه عليها
بعد الحادث ب3ايام
جلس شريف مع عمر السيد
شريف: بص يا عم عمر عشان ندخل في الكلام على طول انت عارف كل حاجه عن موضوع الحادثه ده كل اللي انت هتعمله ان احنا هنكتب  البنت دي باسمك بس مش باسمها هيبقى اسمها ملك عمر السيد وهتعيش معاك على أساس انها بنتك وهي كده كده فقدت الذاكره ولما تيجي تسالك عن الماضي قل لها ان هي عملت حادثه فعلا بس و انت معاها في الخليج ومن ساعتها هي فقدت الذاكره بس انت في نظرها ابوها واللي انت عايزه هتاخذه
يوافق عمر بما طلب منه شريف ويوافق على ان تكتب عشق باسمه ولكن باسم ملك عمر السيد ويبتسم شريف بخبث وهو يقول" سلام يا عشق ويا اهلا بحسرتك  يا مالك باشا"
باااااك
شريف" ماشي يا مالك المرة اللي فاتت كانت هزار بس المرادي هخليك تعيط بجد"
*******************************************
في منزل ملك
رانيا: بس هو ايه الكلام دا
ملك: معرفش اللي اعرفه اني مش اسمي ملك عمر السيد وانو عمر دا مش ابويا وانو الحل في بيت الصاوي
رانيا: وانتي عارفة بيت الصاوي فين
ملك : ايوه عم عمر سابلي العنوان
رانيا : خلاص روحي
ملك: هتحرك بكرة
رانيا: دلوقتي يلا روحي هناك واعرفي انتي مين
لتوافقها ملك الرأي وتذهب الي حيث العنوان وجهها
لتقف بالتاكسي امام القصر وكان خالي من الحرس لتدخل من بوابة القصر ومن القصر نفسه تجد بابه مفتوح وهو خالي من البشر واحست انه رأته من قبل وكأنها اتته من قبل وان هذه ليست المرة الأولي لها
ليأتيها صوت من الخلف : انتي مين
لتنظر لها ملك لتتفاجأ نيڤين وهي تقول " عشق"
احست انها سمعت من قبل ذلك الاسم ليقطع شرودها لتجري ملك وراءها وتمسكها وتقول " انتي مين "
لتقاومها نيڤين واثناء مقاومتها تسقط ملك علي السلالم الخارجية للقصر لتغرق ملك في سحابه سوداء لتنصدم نيڤين من المنظر وتجري الي سيارتها وتديرها وتخرج هاربه ليراها مالك وهو عائد بسيارته واحس ان هناك شئ ما خاطئ
ليسير بسرعة اعلي الي القصر ويقف عندما يجد جسد انثي ملقي الارض وغارق في دمائه ليخرج من السيارة ويتجه اليها ليجدها هي ملك ليهرع اليها ويرفع رأسها ويقول" عشق "
ليزيل يديه ويجد الدماء تملؤه ليحملها ويتجه الي المشفي وعندما وصل الي هناك امر بعمل تحليل DNAبينها هي وجدها فهذا سيكون الفاصل لتظهر نتيجة التحليل وبالفعل علم انها عشق وان ملك مجرد وهم وان عشق ما زالت علي قيد الحياة
ستووووووب🌸
( كدا بيكون اسم ملك دا انتهي خلاص احنا دلوقتي اتأكدنا ان ملك هي عشق وعرفنا ازاي فمن هنا ورايح اسم البطلة هيكون عشق)🌺
اما عن عشق مازالت غارقة في تلك السحابة تتذكر
ماحدث في ايامها السابقة
فلاش باك
بعد خروجها من منزل عائله الصاوي وحديث مالك البشع معها خرجت والدموع تملا عينيها ولن تدرك ان هناك سياره تكاد تصدمها وبالفعل صدمتها لتغرق بعد ذلك في دمائها ويعلم بذلك الحادث شريف ليخبئها عنده وتظل في غيبوبه لمده ثلاثه ايام تلك الفتره التي كان مالك يبحث عنها وعندما استيقظت وكانت فاقدة الذاكره استغلها شريف ذلك كما علمنا مسبقا
بااااك