الثالثة
رويدة: ............
فارس: خيرك سكتي شن رايك في الموضوع؟؟؟
رويدة خدت العصير وقعدت تشرب تقول تبي تبرد علي قلبها....ولااراديا نزلت دمعة من عينها...
فارس: دودوة علاش تبكي؟؟؟
رويدة مسحت دمعتها: ههههههه لا لا شي فرحانة بخويا انه اخيرا بيتزوج ولقي بنت وحبها
فارس: يعني يادودة نتوكل علي ربي ونكلم خالي ع الموضوع
رويدة شادة روحها بالسيف: اي توكل علي الله
فارس: ربي يخليك ليا يادودة...قلت نشوفك انتي قبل اي حد لاني مانقدر ندير شي بدون مانشاورك...
رويدة نزلت راسها بغصة: اي عارفة...ورفعت راسها وهي تتصنع الابتسامة: هيا توا نوض رجعني لشغلي
فارس: حاضر يادودة نوضي...
ركبت رويدة مع فارس بيرجعها لشغلها وكانت تقول جثة من غير روح...مقعمزة معاه بس عقلها في عالم ثاني...وصلت للشركة نزلت وامشت لمكتبها وسكرت الباب بالمفتاح وارتمت علي مكتبها وقعدت تبكي بهستيرية
اريج: بسم الله الكريم رويدة خيرك شن صار؟؟؟
رويدة كانت تبكي وحاطة ايديها علي قلبها وتتنفس بصعوبة تقول في حد قلع قلبها من مكانه
اريح: رويدة حبيبتي شن في بالله عليك شن في؟؟؟ العيلة فيها شي؟؟؟ فارس فيه شي؟؟؟
رويدة وكان صوتها مبحوح من البكي:: فارس يحب اميرة ياروجي وبيتزوجها...اااااه ااااه
اريج انصدمت: شنوووو؟؟؟؟ صح كانت رويزة تخبي في حبها لفارس بس اريج صديقتها كانت متأكدة من حبها ليه...
رويدة تبكي وتتكلم في كلمات متقاطعة: قاااالي... نح نح نحبها...ويب ويب ويبي يتقدملها.....اااااه ياقلبي اااااه حاسة بنار ياروجي نار معقولة يحب اختي كيف ندير كيف نتصرف
اريج مدتلها طاسة المية: غير هاك اشربي واهدي خلي نفهم منك
حكت رويدة لاريج كل شي واعترفتلها انها تحب فارس...كانت تحساب روحها تعتبره زي خوها بس اكتشفت انها مع الوقت تحبه خصوصا بعد خشت اميرة ع الخط حست بغيرة منها علي فارس وعرفت ان شعورها اتجاه مستحيلة تكون غير حب
&&&&&&&&&&&&&&&&
اميرة مروحة من الجامعة مع صاحبتها خشت للحوش وسكرت الباب لقت حسان في الجنان...
حسان: هلا هلا وين قعدنا نشوفو فيك زي هلال العيد في العام مرة
اميرة: اهلين استاذ حسان
حسان: نبي فلوس.... نبي تقريبا 150 تصرفي وجيبيهم
اميرة: والله شن تحسابني قاعدتلك علي بنك
حسان: عارفك انتي امكحتة زي حالاتي...كلمي هاذاكا اللي مانبيش نذكر أسمه يعطيك
اميرة: عييت من الطلبة منه...باه هالمرة بشنو بنتسبل
حسان: اممممممم قوليله عيد ميلاد صاحبتي وبنشريلها هدية
اميرة: معقولة ب 150 هدية
حسان: ايح علينا عاد دبري راسك
اميرة: الا وخلاص ساد بننهيها هاللعبة كبدي درهت
حسان: تنهي عمك....مازال مادرنا شي احني اللي حصلناه منه فتفت زايد
اميرة: مالياش علاقة ساد تحملت بما فيه الكفاية ونساير فيه ونعامل فيه فوق من نفس عييت راه
حسان: خلاص معناها لحلحي روحك وجيبلنا منه مبلغ كويس وفوتيه
اميرة: خطط بروحك واني طلعني منها...وامشت بتركب لحوشهم شدها حسان من ايدها ولصقها ع الحيط وقرب،منها
اميرة ارتبكت وخافت اول مرة يكون حسان قريب منها هكي: حسان بعد عليا
حسان زاد قرب منها ومعاش عرف يتكلم قعد مركز في عيونها وهي كذلك وقعدو علي هالحالة لين سمعو صوت.....
انتصار: اميرة يااميرة...تي وينها هالبنت توا شفتها خاشة من البوابة
اميرة دفاته: حي ماما وركبت تجري
حسان قعد امبلم شويا زي المسبوه بعدين طلع دخانه خدي سبسي وطلع ركب في سيارته وامشي
&&&&&&&&&&&&&&&&
