غياهب القدر

البارت التاسع

يل تبوك عيونج
من الليل كل لذة سواده

عريان السيد خلف

مهيب..مادري شنو البيه يخليني صاير احب اعاين عليهه صرت احب اركز بملامحهه اكثر خصوصا بعد اخر كلام دار بيناا حسيتهه صدك طفله وكلبهه ابيض ماريد ااذيهه بعد صرت احس صارن عندي بنيات اثنين صرت احسب احسابهه وي غزل حته بالحلويات

رهام ..مرت اليومين الفاتت هدوء نوعا ما اني بغرفتي لان مريضه وجسمي جان كلش متاذي كله مشطب ازرك ومهيب من اخر مره حجه وياي تغير صار يطب يضحك ويسولف وممقصر وياي وي بنته يوميه يحير شيجيب النه حته نتونس واني بديت استلطفه بيوم نزلت العصر ختنكت من غرفه ضجت نزلت ولاكيت بيت عمهم جايين البنات والام وكلهم متجمعين ونفس البت ام شعر الاحمر موجوده
رهام..السلام عليكم اكو رد السلام واكو لا
كعدت يم تهاني
تهاني..هاا يالحليوه هلا بعروستنه
رهام..اخوج خلا بيهه عروسه سكتي فدوه
تهاني..هههههه ضرب الحبيب مثل اكل الزبيب
رهام..تهااني لا حصلت حبيب ولا زبيب غير الكتل من اخوج ماكو
تهاني..هههههه والله عليج سوالف ولا جن محموسه اول امس
اسراء..تهاااني ضحكونه وياكم
تهاني ..سلامتج حبيبه شغله خاصه بيهه
اسراء..شكد عمرج رهام
رهام..18
اسراء..ياااع شني شكدوتج على مهيب
تهاني..خايبه بالعكس احلى احلى هالكدامج انه وحازم انه 20وحازم 33 يعني 13سنه بينا وانتي هيام تقريبا 15سنه بينكم
اسراء..جا هو لو مزوج من وكت بته بكدج
تهاني ..جاا هي هم يعتبرهه بنته اكثر ما مرته
اسراء..ييي هالشوفهه شابعه كتل واهاين هههههههه
شو هذني الكاعدات كلهن ضحكن ختنكن بضحك اصلا
صراحه اني نهضمت ختنكت بس ماريد انزل دمعتي كدامهم  عفتهم وداطلع مهيب صار بوجهي هنا خانتني الدمعه ونزلت وهو شافني ابجي نصدم عفته وصعدت
مهيب..خير بويه شبيهه رهام تبجي
تهااني..الما يستحن يعيرنهه بكتلته ويتضاحكن عليهه وهي سوده عليه كلمه ما حجت نهضمت وبلعته
نعيمه .يااع شني خلوج محامي عليهه يو شني تهاني
تهاني ..خاله جا شني غير احجي الحق
مهيب..بسسسكم منهوو حجه
تهاني..اسراء خويه
اسراء..لا عيووني ابو غزل جنت اتشاقه وياهه دالطف الجو وهي زعلت
مهيب. .اسمعو حرمتي خط احمر محد يكرب صوبهه خوووش هذا الحجي موجه للكل
اسراء..ابو غزل انه
مهيب..انتي سهمج الراحه خويه عفتهم وصعدت
لكيت رهام بالحمام تغسل وجهه طلعت من الحمام
رهام..من شفته رجعت دموعي تنزل
مهيب..لا تبجين بويه محد راح يتجرا يحجي وياج كلمه بعد بسج يباا
رهام..يعيروني بالاثار مال ضربك
مهيب..يولو لا تبجين عساهه يدي بالكسر
رهام..ابجي واكوله لااا اسم الله والله كلتهه لا ارادي
مهيب..هههه يولو حجاياتج تخبل بنت بغداد
رهام..خجلني بكلامه تبسمت ودنكت
مهيب.. يووول لا تبسمين جداامي ترااه كلبي رهيف
رهام..هههههههه
مهيب..اول مره اشوف عيونج حلوه من تضحك
رهام..يحجي وياي واني بوووخت اول مره يصير هالقرب مني اني دوروني مااكو طبيت بهدوومي من الخجل قدم تلفون كدامي وكال هاج التلفون اتصلي باهلج
رهام..احس روحي داتحلم كتله شنوووووو
مهيب..اهددي وهذا رقم والدج خابريهم وسلمي عليهم انه طالع من تخلصين تلفون خلي عالشاحن كرص خدي ونزل
رهام ..لكيتت رقم ابو رائد دست اتصال رن رن رن ورد عليه ابوي الوووو
رهام..بابا وشهكت ببجيتي
ابو رائد..رهووم باباتي شلونج
رهام..باباا اني ابجي وهو يبجي
ابو رائد..عيون ابوج رهومتي دلوعه ابوج ياكلب بابا
رهام..راح دلعك بابا ودلالك شلون عفتني هيج ومسالت عليه بابا
ابو رائد.. بابا انتي كسرتيني اكثر من اخوج اخوج راح بشر اعماله انتي احس ضلمتج بابا
رهام..اشهك وابجي ومداكدر احجي بابا وين امي
ابو رائد ..هسه بابا راح اوصل للبيت ضلي وياي خل احس بوجودج
رهام..حبيبي بابا شكد مشتاقه لحضنك وريحتك حنيتك بابا وين الكه منهه
ابو رائد..وج ام رائد هاذي رهام عالخط تعاااااي
الام..يمه رهومتي
رهام..يممممممممه وج يمممممه
الام..بعد امج وكلبهه يا فركتج كسرت ضهورنه
رهام..يمه محتاجتج يوووم تعاي شوفي حالي يمه
ابو سعد..وين رايحه يامره خل نحجي وياهه
الام..اصبر سعد خل احجي وياهه
الام..شبيج رهومه يمه احجيلي متعذبه ماذيج رجلج موزين وياج بس اسكتي وحجيلي
رهام..ماما تعذبت ونهانيت ونضربت حتاجيتج هوااااي وردت حضنج
الام..يمه دلوعتنه هيج صار بيج كليلي عيالج ياذوج رجلج شلونه وياج
رهام..بالبدايه عذبني يمااا محد ياذيني كلهم زينين وياي اله هو جان يعيرني بفيصل بس هسه لاا كلش زين وياي
الام..متااكده يمه كولي
رهام..والله ماما صح اذاني حيلل بس تغير هسه
الام..الله يهدي عليج بنتي بحق النبي
رهام..يمه اخوتي شلونهم مشتاقتلهم حييل اريد لمتنه وكعدتنه وحته مشاكلي وي فيصل احن الهه قابله يضربني بس خل نرجع
الام ..اااخ يمه شيرجعهه بعدد بيتنه فرغ مابيه كل روح عبالك شلتو البيت وياكم من رحتو سوده عليه فيصل صاير عنده سكر زرنا مره وثاني مره راحو ابوج ورائد  الندم ماكله وليدي
رهاام..ضيع نفسه وضيعناا وياه
الام..والله بنتي ورائد داريد اخطبله بت عمج بطه حته يصير حس بالبيت
رهاام..يي يمه خطبيله هو يحبهه خطيه بلكي شوي يفرح كلبه سوده عليه ورحمن شلونه
الام..رحمن بلياج مثل المضيع تكه
رهاام....هههه يمه اريد ارجع بنصكم اضحك واكمز والعب ورجعت بجيت
الام..رهوم ماما سمعيني اذا بيج خير كسبي رجلج ترا المراه اذا كسبت رجلهه وخلته جوا جناحهه راح تعيش ملكه
رهام..ماما طباعه صعبه ماعرف شنو شخصيته يوميه لون
الام..انتي طاوعي وسمعي كلمته وخدمي هو راح يبقه بلون واحد وياج حبيبتي ماماتي صيري سباعيه اريد اطمئن عليج وهذا ابوج يفتر وراي ههههه هاج
الاب..باباتي رهومه محتاجه شيء ادزلج شيء
رهام ..لا بابا ممحتاجه زوجي ممقصر وياي ومداريني
الاب..الله يهدي عليج ويطمن كلبي عليج
رهام ..حبيبي بابا سلملي على اخوتي وعلى الكل
الاب.. بالسلامه بابا لتكطعين ويانه
رهام..انشالله بابا بوساتي
سديت التلفون وتذكرت ايامي هناك وبدت دموعي تنزل واني استرجع ذكريات بيت اهلي وناسي مسحت دموعي وخليت تلفون مهيب عالشحن وعزلت المجرات احب كللشي مرتب والله هاي سوالف امي علمتني عالتسفيط  لهيت روحي ونزلت احضر العشا وياهم ذولي بيت عمهم بعدهم داشتغل بلمطبخ وطب مهيب شايل غزوله بس شو غزوله مو على عادتهه  كتله شبيج بنوتي الحلوه هزت راسهه بالنفي كلت يحوز نعسانه كملنا العشا وصبينا جدو كال صبولنا وياكم ماكو احد غريب صبينا ووزعنا بيت عمهم جاي رياض وامه وخواته ونوب اجه ابوهم كملنا السفره رحت اجيب صينيه المي لكيت الكل متربعات وما مبقيات مكان الي خليت المي وداطلع صاحني جدي تعاي يباا اتعشي ويانه
رهام..عافيات جدو ماشتهي
مهيب.. تعااي رهوم ياباا تعاي يمي خلى بنته بحضنه وكعدني بينه وبين جدي وبصفه احمد طبعا لساا ماكدر احط عيني بعينه المكان الاشوفه بيه انهزم منه
كام يخلي مهيب كدامي الاكل ويفلسلي الدجاج
والكاعدات صارت وجوهن تخبط الوان اسراء اصلا مااكلت بقت تكلب وصافنه كلسع تباع علينه اتعشيت وكملنه غسلت لغزوله بس مدري شبيهه مالهه خلك حسيتهه كملت شغل وي البنات صعدت لكيت مهيب وبنته يلعبون بالتلفون
مهيب..رهاام شوفي البت شبيهه شو احسهه حار جسمه
رهاام..رحت الهه وشفته ناار مصخنه مهيب غزل كلش جسمه حااار صخونته عاليه كام على السريع لبس هدومه وكال حضريهه خل اخذهه بسااع
رهام ..حضرت غزل ودانطيهه اله وهي كامت تبجي بحضني تنحست متريد احد بس اني مجلبه بركبتي وتبجي
مهيب..غزوله بابا تعاي وياي اخذح نشتري العاب وكلشي
ماكو متقبل شكد حاول وياهه مجلبه بركبتي
مهيب..اتهيري عجل بسااع داخذج وياهه
رهام..يي غزول راح اجي وياكم خل البس ححاب وعبايه ووك حبيبتي قنعته نزلت لبست بسااع جبه وحجاب نزلنه وطلعنى للمستشفى وصلنه هناك ومهيب يمشي وخال ايده بضهري ويمشيني وي الحايط جان يهمس باذني ماعندج غير هاااااي العبااه
رهام..شبيهه
مهيب..لااا ابد بس فاضحه اكثر ما ساتره يولو شلون بلووووه هااي
رهام..متوتر ويمشي سريع ويمشيني وياه دخلنا طوارىء قاسو حرارته 40كلش هوااي ديخلوله كانولا وهي تبجي واني ابجي وياهه طكيت عليهه بجي
مهيب...يااامحمد شهل بلوه جبتج تسكتيه يولو لو تبجين وياهه بسج يباااا  بهالاثناء بجت غزل وصاحت ماما واجت بحضني نصدمت من كلمته وحضنته حيل يروح امج اني يمج لتخافين ماماتي ابوس بيهه اهدي بيهه رفعت عيني على مهيب لكيته صافن علينه وعيونه بيهه لمعه عبالك ديريد يدمع فرك وجهه والتفت استغفر خليناله الكانولا والعلاج وكمادات نزلت حرارته نص درجه اجه دكتور كشف عليهه كال هاي عدهه جدر الماي (ابو خريان)راح تصخن هاليومين ابقو على الخافض ودواء التهابات وان شاء الله معافاه بقينه ننتضر السيروم يخلص وهي بحضني مقبلت تكوم نايمه بحضني ابوهه يسولف وياهه وهي تجاوبه حته ينسيهه الكانولا
مهيب..شنو تردين باجر اجبلج باباتي
غزل..بيت مال لعابه مثل الفديو
مهيب..تممم اعتبري يمج لو اعرف ادور علي الديره محل محل باجر يمج هوو
غزل.بتسمت على كلامه وندارت عليه نامت
مهيب..هالبت كل حياتي انه احس عايش على مودهه غزل هي امي واختي وصديقتي وبنتي جنت اعاين بعيونهه نضره تدور بيهه على ام صح كلهه تحبهه وعمه فوزيه مامقصره وياه ولا تهاني وحته خواتي البقيه بس جنت اشوف عدهه نضره ماعرف افسره من يجي طفل ويكول ماما او اعرف شنو تريد بس ماكدر انفذه الهه
رهام..ليش
مهيب..ماريد بنتي تعيش الانه عشته وعانيته وي مرت اب قاسيه وماعدهه رحمه بسبب نعيمه جنت اكل كتل من ابوي وانه ممسوي شيء هو يدش وهي تنحش براسه ابنك عمل وعمل وعمل ويندهلي ابوي ويخلص علي جدتي جانت تفزعلي وماتخلي وجدي اذا يسمع بيه مطكوك يكوم الدنيا عليهم بس هي جانت تعرف يمتى تنحش بيه من مامش احد جان حازم ينده على جدي اذا موجود واذا مموجود جان يدخل يدفع بابوي حته هو هم ينطك يكلي ننطك سواا
رهام..بس مو كل نسوان الاب مثل نعيمه
مهيب..صح انه هسه يلا تااكدت مو كل مرت ابو قاسيه مثل نعيمه من شفت غزل تندهلج ماما ماتصورين شكثر فرحت لانج حسستي غزل بالامومه وشعور الامومه الحقيقي شكرا رهام
رهام..هاي غزولتي بنوتي والله اخذته بحضني