الدكتورة أسيرة الزعيم 🔫👩‍⚕️

الحلقة53

يعني ماكس و المجهول اتفاهمو يتلاقاو في مصنع قديم جاي في آخر المدينة يعني في طريق شبه مهجور و ماكس قرر يدخل القوات الخاصة تحسبا لاي حاجة..
فطنت تشوف في الغرفة لي فيها ظلام و تاقة عالية تمتم تفكرت أول مرة تخطفت فيها و انها كانت فكيما هاد الغرفة ولاتلها الذاكرة للور و ضحكت بانكسار: المرة الأولى ماكس لي كان راجلك سلكك دوك شكون علابالو بيك ....اااااه يا جوري اه غرقتي في بحر الزعيم بعدما كنت نحاول نخرجو منو تكات رأسها على الحيط لي موراها و حطت يدها على كرشها تمرر فيها بهدوء و تشوف في الفراغ.....
وصل المجهول البلاصة و في نفس المكان وين راهي جوري طبعا  دخل عليها شافها و جبد كرسي و قعد مقابلها يشوف في عينيها: الدكتورة المعجزة.....لماذا اطلق عليك هذا الاسم ؟
جوري : لكي أقوم بضبط عقول أمثالك
المجهول: اممم الست خايفة؟
جوري: أليس من المفروض أنت من يخاف؟
المجهول: انت من يخاف ! لكن ان نسيت سوف اذكرك أنني انا من اختطفتك
جوري: نعم و هو السبب لأنك أنت من اختطفتي فانت من يجدر بك ان تخاف إذا
المجهول: ذلك في قصص الخيال يا جميلة
جوري: يااا حقا بالله عليك الا تحب افلام الخيال ؟ فانا عاشقة لهم حد النخاع بالرغم من أنني أحب ايضا افلام الديزني لكن افلام الخيال  اظن انها تكون قريبة من النفس ...نعم نعم هي كذلك
السيد حار فيها كيفاش تتمسخر و تضحك و هي مخطوفة: كم عمرك
جوري: 27سنة ..
المجهول: لكنك  لا زلتي...
جوري: نعم نعم أعلم ذلك لا أزال صغيرة شكرا لك على مجاملتك اللطيفة لقد احببتها
شاف فيها و ضحك : حقا امرأة تليق بك ماكس
شاف فيه بطرف عينها تحاول تخبي خوفها و رجفتها
جوري: حقا سيدي المختطف لماذا انا هنا؟ هل لي مخالفة  في قانون الاختطاف
مجهول: قضيتي ليست معك بالرغم من أنك فتاة فاتنة لكن انا لا أرى شيئا سوى ثار زوجتي و ابني الذي ذبح أمام عيني بسبب الساقط زوجك
جوري و بدأت تبان رهبتها لانو عينو بدات تسواد و يدو على شكل قبضة
مجهول : أتعلمين ماذا حدث؟ لقد كنا3 اصدقاء مقربين اما و ماكس و سام كنا ثلاثي خطير جدا  فقد جعلنا الناس تهابنا  و ذلك في ظرف وجيز جدا كنا لا نفترق عن بعض ابدا درسنا في نفس الجامعة و تخرجنا من نفس الفرع لكن ..... حان اليوم الذي كان ماكس سبب في موت زوجتي و ابني.... كان يحكي و عينيه مدمعة حارت كيفاش في دقيقة تبدل و ولا بهاد القساوة اما احساس عندها يقول انو شخص مليح و الظروف لي خلاتو يرجع هكدا فاقت من سرحتها كي شافتو ناض و رمى الكرسي و يهدر بصوت عالي: و منذ ذلك اليوم إلى الآن أردت أن انتقم منه و لو كلفني الأمر حياتي اليوم تمر الذكرى الخامسة على وفاة زوجتي .....سوف انتقم نعم سوف انتقم حتى إذا اضطررت ان انتقم منه فيك سوف افعل لانه أذى زوجتي سوف احرق قلبه و راح عندها بكل غضب ضربها بكف و زادلها حتى الدم خرج من فمها و قعد يزيد و يزيد و يزيد حتى شافها داخت جبد  التليفون تاعو و عيط لماكس
مجهول: وقتك ينفذ يا آكس....
ماكس سمع آكس عقلو حبس عن التفكير تمتم بين شفاهو: كارتال
كارتال: بحد ذاته لكن دعنا لا نخرج عن الموضوع في اليوم الذي كنت سبب في موت زوجتي و ابني سوف انتقم منك أشد الانتقام . و فتح السبيكر : هل تريد أن تضيف شيئا اخيرا لحبيبة قلبك هي في الاستماع اليك
ماكس و لسانو ثقال: جوري...
جوري سمعت اسمها لي توحشاتو و هدرت: ماكس سلكنا تعيش
استغرب ماكس من هدرتها هادي و قال بلهفة: كوني كيما نعرفك جوري كوني قوية و عنيدة كيما جوري لي نعرفها بالاكي تحسسيه بخوفك راني قريب ليك حبيبي. نحى كارتال السبيكر : تيك توك تيك توك الوقت ينفذ منك يا صديقي..و كوبا عليه
ماكس خبط الفولون و قلع بكل سرعة مخلي الغبار موراه شافو سام و القوات كيفاش راح يجري عرفو انو زاد لحقو اتصال فزادو هما في السرعة  يسيو يلحقوه
سام شاف ماكس و قرر يفصحلو الحقيقة لانو لازم يعرف عيطلو في التليفون مرفدش المرة الأولى الثانية كيفكيف اما سام فقعد غير يعيط حتى رفد عليه ماكس:***** علابالك شكون هو ؟
سام: شكون؟
ماكس بضحكة شر : كارتال
سام بشوك: كارتال!!!!! كارتال تاعنا؟
ماكس: بشحمو و لحمو
سام: ماكس لازم نقولك حاجة
ماكس: قلت لربك حاجة ما هي مهمة دوك خل....
قاطعو ماكس: جوري حامل ...
سمع ماكس الهدرة هاديك فرينا سااااااك حتى قريب تقلبت بيه الطونوبيل سكت و حس الدنيا دور بيه حبط من الطوموبيل و شاف سام ملبعيد حبسلو سام و حبط راح ماكس يجري عندو حكمو من تريكوه: واش قلت؟؟؟؟
سام: كيما سمعت
ماكس : و دوك باش تقولولي اه!!! علاه انا اللخر لي يسمع
سام: انت حبستني مقبيل
ماكس فرح مي تمتم تلاشات فرحتو كي تفكر هدرت جوري: " ماكس سلكنا تعيش" دار يجري ركب الطونوبيل و قلع بسرعة البرق
عاود صونا للتليفون تاعو: لقد تأخرت
و ضرب جوري بركلة في كرشها ساغت سوغة هزت الارجاء و هزت كيان ماكس كي سمع صرختها ظلامت الدنيا من جيهتو ..
جوري لي حست روحها خرجت منها كي ضربها و طاحت مغمى عليها...
في غصون 5 دقائق كان ماكس و سام قدام المستودع و القوات شدت بلاصتها قريب ليهم مي مايبانوش دخل ماكس و سام من الجهة الخلفية باش مايشوفوهمش بعد ما ضربو شي 5رجال قدرو يتسللو للداخل و بحكم انهم يعرفو مليح الطرق الفرعية تاع المصنع قدر ماكس يطلع للطابق العلوي لي كان فيه 7 غرف كبار و الكل كانو مفتوحين الا باب وحدة و هي بالطبع لي فيها جوري راح يجري فتح باب الغرفة شافها مرمية في الأرض راح يجري ليها : جوري حبيبي راكي تسمعي فيا و بقا يخبطلها خبطات خفاف حتى حس حاجة تحطت على راسو دار شافو كارتال مصوب تجاهو مسدس: و هااا قد جمعنا الزمن مرة أخرى و في نفس التاريخ الذي فرقنا فيه صديقي العزيز...
ماكس وقف يشوف فيه و يدو في جيبو واقف مقابلو بكل برودة : هيا ماذا تنتظر اطلق..
كارتال: لكن اريد ان ترى حبيبتك موتك كما جعلتني أرى موت زوجتي و ابني
رما الما على جوري لي فطنت مفزوعة جات تنوض اما مقدرتش بسبب الوجع لي فكرشها: ماااكس
شاف فيها ماكس بنظرة مفهمتهاش هي و دار كمل يهدر مع كارتال : هيا ماذا تنتظر اطلق و تخلص  من تأنيب الضمير هذا هياااااا ماذا تنتظررر
كارتال: اريييد سببببب مقنع لكونك السبب الرئيسي في قتل زوجتي و ابني أمام عيني بالرغم من أنك كنت تعرف تمام المعرفة كم كنت متعلقا بهم.. يهدر و عينو معمرة دموع: اريد سبب واحد يجعلني لا اقتلك سبب واحد
: هو لم يفعل ذلك......
       كلمة وحدة: حمااااااااااس 🥵❤هيا هياااا نسحقكم كااامل هناا لانو أحداث الحلقة جاية غير متوقعة