كابوس

                                       ( 14)
"لا تَنْتَظِر أبداً اللَّحْظَة المثالية ، اِسْتَغَلّ اللَّحْظَة وَاجْعَلْهَا مِثَالِيَّة "
________________
#كابوس
#الكاتبة_عويشه
#رواية_عويشه
.................
نوضت الصبح شوفتي لسرير كان مكانه فاضي شكله مرقدش جنبي استغربت نزلت من ع السرير وخشيت للحمام دوشت وفرشيت سنوني وطلعت
نسمع ف صوت برا فتحت الباب شوي شوفت اشخاص واقفين شكلهم يصلحووو فكرت كويس هادي فرصتي خشيت نجري لدار خديت وشاح ولبسته وطلعت حاولت انهم مايشبحونيش وفعلا ماحد شافني نزلت نجري واني نفكر اي ممر يحكي عليه كان الحوش فاضي لهدرجه يخافو منه قعدت نمشي أوقف ف بداية ممر جناح معتصم لا اكيد مش هاده بديت نلود ف الحوش لين شوفت جيهه الضي مطفي فيها خوفت منها بس بديت نمشي بشوي وحطه يدي ع الحيط نبي مفتاح الضي لين حطيت يدي عليه فتحته ولع الضي كان هادي هلبااا كان في امقبلني باب لوح شكلك قديم شوي قربت منه نبي نفتحه بس كان مسكر رفعت عيوني نشبحله كان مسكر بي كلمة سر نفس المكتب نفخت ف الهواء توا
كيف بنفتحه هاده اذكرت الرقم اللي كتبه مالك
كتبته وفعلا انفتح الباب دفيته وخشيت وكان الصدمه انه حوش كان ممر طويل حسيت بالشوب نزلت الوشاح وحطيته ع كتفي  قعدت نمشي ونشوف لي التصوير اللي معلقه كانت لي طفل صغير كملت مشي كان ف دروج بسيطه نزلت منهم
ع صالة كانت مرتبة ديكوره حلو بس الغبره ف كل مكان كأنه مهجور الحوش من سنين شوفت باب امشيت فتحته كان دار ضيفه طلعت منها وسكرت الباب رقيت من جديد من الدروج وشوف باب فتحه كان جناح فيه تلات بيبان فتحت اول باب كان حمام سكرته وفتحت الباب التاني والصدمه كانت دار نوم اصغار خشيتلها داخل كان فيها سرير واحد والالعاب ف كل مكان فتحت الدولاب كان فيه حوايج طفل شكله ولد من ديكور الدار واضحه انه الطفل ولد
طلعت منه واني نفكر لي من هالدار فتحت الباب التاني واهني كانت الصدمه دار نووم خشيت داخل واني نشوف في صوره كبيره امعلقه ف الدار كانت صورة بنت ف قنينة مش حلوه هلباا امشيت لسرير كان انظيف مافيشي تراب يعني ينظفوا فيها كنت راح نطلع بس نصدمة لما جت عيني ع الصوره المحطوطه جنب السرير كانت مالك ومعاه نفس البنت اللي ف صوره كان قريبين من بعض هلباا وكان هوا وياها حضنين بعض ويشبحو لكاميرا ويضحكوا اني شهقت وحطيت ايدي ع فمي وطحت قعمزت ع السرير مانعرفش بس نصدمة متوقعتش هكي شن معناها الصوره والحوش والدار الطفل
ودار النوم هادي معناها مالك متزوج هدا معناه بدون مانحس نزلت من عيني  دمعه رفعت ايدي ومسحت دمعه وشوفت لي ايدي معقوله نبكي عشاانه لالالالا اني نبكي لانه كذب علياااا رجعت صوره مكانها بس شوفت دفتر غلافه قديم محطوط جنب الصوره خديته وفتحته ع اول صفحه مكتوب فيها (حسابات مالك) قلبت الصفحه ع تاني وحده مكتوب فيها (اسمي مالك ابوبكر........ عمري 23 سنه تائر معا التوار متزوج وعندي ولد مرتي كانت حامل ف شهوره الاخيره  طبعآ بوي عنده منصب كبير ف الدوله لما قرارت ننظم لي التوار اول جبهه
بنغازي ساعدت ف تحريرها بعدها بدينا نحررو بالمنطقه جاني اتصال من عيلتي سمعت انه مرتي ولدت وجاني ولد اطريت نرجع لي طرابلس عشان نشوفهم اوصلت لمستشفي خشيت نجري للحاضنه
طلعتلي الممرضه ولدي كان حلو وصغير هلبا نعرف انه عمري صغير انه واحد عمره 23بس يكون متزوج بي وعنده ولد خشيت بيه للحجره اللي فيها مرتي كان اسمها (غاده)كانت بنت خالي صح تزوجتها مش حب بس غصبن عني خلتني نحبها ضحكت اول ماشفتني قربت منها واعطيتها ولدنا وقربت بوست راسها نزلت راسها باست ولدنا ورفعت عيونها تشبحلي:شن بتسميه
رديت عليها بنفس الابتسامه:راح نسميه( ثائر )
ضحكت ورجعت باسته:راح تطلع راجل وسيد الرجاله نفس بوك يا ثائر
ابتسامت ع كلامها ......بعد فتره رجعت انظميت من جديد لي التوار وامشيت لي جبهة سرت كانت آخر منطقه تم تحريره ف ليبيا في يوم من الايام زاد الضرب اقوي كانوا يضربوا بالصوريخ بس احني لحماية المواطنين ماقدرنش نضربوا بالتقيل قعدنا بالخفيف لين دعمنا الطيران وبدي يرد عليهم جانا طلب استيغاته من مواطنين في حي سكني بسرعه امشينلهم وكانت الصدمه انه عيله كامله ماتت قعدت بنت وحده منهم خشيت للحوش ساعدته وطلعتها حطيتها ف الإسعاف امشت الإسعاف واني لحقتهم
واني نأمن ف الطريق لين اوصلنا لمستشفي طلبوا ليها دم تبرعتلها ونصدمت انه بنت صغيره شن ذنبها ماشافت شي من هالدنيا خسرت عيلتها حتي ملامحه تشوهت بعدها كملت وطلعت خديت رقم عمها وكلمته وجاها تاني يوم عمها وشكله ماعجبنيش وعرفت البنت انه عيلتها ماتت وبكتت ودرت عياط واني جاني اتصال من امي طلعت روحت لطرابلس اوصلت للحوش استقبلتني امي تحضن فيااا هيا وبوي وليلي وسوسن ومعتصم اللي طلع من الدار وجاني يجري حضني بعدها سلمت ع غاده وحضنت ولدي وكملت حياتي عادي وتحررت ليبيا في يوم من الايام كان بوي ف طريقه للمطار بيسافر تعرضوله مجموعه من المسلحين قتلوه انقلبت حياتي بعد سمعة بخبر وفاة بوي امي نهارت هيا وخواتي قعدت نتابع ف هالموضوع نبي نعرف من كان اسبب ف قتل بوي وقدرت نعرف وفعلا قتله نفس الطريقه اللي قتل بيها بوي بعد فتره كان بياخدو تارهم مني دارو هجوم ع حوش عيلتي ضربوه بي قديفه ف نفس هاليوم كان الحوش فيه معتصم بس  طاح الحوش وبسبب هالحادت تعرض معتصم لي شلل نصفي كان مافيش علاج اهني بعت معتصم برا ليبيا علاج زادت حالة امي النفسيه انهارت بعد حادت معتصم وتعبت حتي هيا وبعتها هياا وسوسن برا ليبيا تغيرت بعد وفاة بوي واعقات معتصم قعدت بارد همه انه ياخد تاره بس حتي غاده لحظت هالشي انشغلت عنها وعن ولدي هلباا
في يوم من الايام صارت مشكله بيني وبينه ع الاهتمام وانه اني مش مهتم بيه وكترت من الكلام هلباا معااي لين فقدت السيطره ع روحي ...الصفحه ممزقه قلبت الصفحه بسرعه واني نبي نعرف شن دار فيها (تكميله "طايحه وغرقه ف دمه نشبح لسلاح اللي في ايدي ومصدوم مش قادر نصدق
غاده ولدي طايحين قداامي وبسبب مني بسببي اني
قربت منهم واني نبكي بهستريااا ونهز فيهم بس ميبوش ينوضو عيون غاده تابته ف نفس المكان
سمعت صوت وراي لفيت وجهي شوفت خالي
خالد واقف ف الباب مصدوم يشبح لي بنته اللي غارقه ف دمها اني تكلمت بهستريااا:مش قصدددددي اني
هجم عليا وهوا يشد فيا من تيشرتي:انت شن درت ف بنتي ياقاتل اااه شن درت
هجم عليا بالضرب واني كأني طفل بين ايديه يضرب فياا ومش قادر ندفع ع نفسي لين حسيت بي حد يبعد فيه عني رفعت عيوني بصعوبه شوفت علي يبعد ف خالي خالد عني بعدها طحت اغمه عليااا .............................سكرت دفتر مش قادره نكمل نقرأ دموعي ينزلوا يعني اني متزوجه قاتل
اني شن درت في روحي متزوجه مريض نفسي وقاتل قتل مرته ولده بدم بارد اني شن درت ف روحي ياررربي شهقت لما سمعت صوته:انتي شن اديري اهني
شوفت مالك واقف قدامي والصدمه والعصبيه واضحه ع وجهه اني وقفت  ونشبحله خوفت لما دف الباب برجله وصكره بقوه 
اني بديت نرجع تالي ونتكلم بصعوبه:انيييييييييييي انيييييييي بسسسسس.عيطت وحطيت يدي ع فمي لما تكلم بصوت عالي:قولتلك شن اديري اهنيييييي
اني سكت ماقدرتش نتكلم من الصدمه يارب يكون خيال ويختفي من قدامي كان واضح ع مالك الصدمه واللي يبي  يعرفه كيف اعرفت مكان الحوش هدا والاكتر كيف اقدرت نفتحه
تكلم مالك بس بهدوء وعيونه حمره وعروقه بارزه
مالك:كيف اقدرت افتحتي الباب
لساني نربط معادش قدرت نتكلم قعدت نفكر شن بنقول بس بعدها تكلمت بصراحه:اني شوفت الرقم المكتوب ع الدبله وكتبته
قرب مني قعدت واقفه في مكاني وجسمي كله يرعش دخل يده بين شعري وسحبه من جذوره حطيت يدي علي فمي كتمت صوت عياطي
مانبيش اللي ف الحوش يسمعوا صوتي قعد يسحب فيا من شعري طلع بيا برا من الحوش وكمل يمشي ف الممر بسرعه عترت رجلي طحت ع الارض حسيت بي وجع ف رجلي نزل بيا من دروج اول مره نشوفهم وقف قدام باب حديد انتفظت بخوف واني نحاول نفك شعري منه بس ايده قويه فتح الباب
ودفني طايحني ع الارض اني مش قادره شهقات البكي خش داخل وصكر الباب وهوا يشبحلي اني ضميت رجليا لي صدري شوفته يقرب مني بس تخطاني وامشي لباب ف الدار فتحه وخش وصكر الباب والدار كانت فيه ضي بسيط والباقي كله ظلام
كان ف سرير ف نص الدار نوضت قعمزت عليه كان نضيف جسمي كله يرعش سمعت صوت الباب نفتح
عمضت عيوني قلبي بيطلع من الخوف بعد مده فتحت عيوني اللقيته مقعمز قدامي شوفت لعيونه
كان لونهم احمر كان الشيطان امقعمز قدامي مش انسان ابتلعت ريقي مد يده بعدت وجهي عنه بس هوا زاد قرب ايده وهوا ينحي ف خصلات شعري اللي ع وجهي مسح دموعي هدوء هدا اكبر دليل لي هدوء قبل العاصفة تكلم بصوت عصبي وهادي
مالك:اني شن قولت ياملاكي مش قولتلك الممر ماتقربيش منه لانه العقاب حتي الشيطان مايتخيله
تكلمت مخنوق من البكي:صح قولتلي
مالك:اخر مره علتي صوتك عاليا شوفتي العقاب شن كان وتوا انتي عصيتي كلامي شن بندير فيك
اسراء:مالك اني اسفه صدقني اخر مره
مالك:ياملاكي انتي ماتعرفيش انه الأسف مايغير شي
قوليلي كيف عرفتي الرقم انه هوا اللي بيفتح الباب
خوفت من كلام بس اكيد توا مش وقت كذب عليه لأنه بيعرف
اسراء:لما رميت الدبله خديتها وشوفتها كان رقم مكتوب عليها وكان نفس الرقم اللي فتحت بيه المكتب ابتاعك
مالك:انتي شن شوفتي ف الحوش داخل وماتحاوليش تكذبي لانه بيخلي الوضع اسوء
اسراء:الصاله والمطبخ ودار النوم
مالك :بااه كملي
اسراء:هدا اللي شوفته صدقني
مالك:انتي شن هوا اللي شوفتيه ف دار النوم
اسراء:شي
مالك:اسراء تكلمييييي
اسراء:صورتك انت وبنت
مسح مالك ع لحيته :باااه كملي
اسراء:ودفتر
شد يدي وضغط عليها كان بيكسره:قريتي
هزيت راسي واني نشهق ونبكي:ايه
غمض عيونه وهوا ينفخ ف الهوا بقوه ومن دون مانحس طحت ع السرير بسبب كف منه قعد يهز ف كتفي بعدين رفعني منه وه يسحب فيا لي نفس الباب اللي كان فيه داخلني داخل كان حمام ضرب ظهري بقوه ع الحيط حسيت انه تهشم عيط من الوجع
مالك بصوت عالي ومعصب:انتي علاش ماتسمعيش ف كلامي ضروري نضربك ضروري نعنفك باش تفهمي اااه توا راح تشوفي فضولك وين بيرفعك
رفعني فوق من كتوفي اني شهقت علاش مافي حد ساعدني علاش كلهم يسمعوا فيااا وماحد انقدني منه بس اني لازم نخليه يهدأ حطيت ايديا ع كتفه
اسراء:مالك اهدى باللهي عليك اهدى  ماتديرش شي تندم عليه بعدين نزل ايديك انت توجع فيا
مالك:تحملي عواقب افعالك
فقدت السيطره منه وعليت صوتي عليه بقوه:اني مانشوفش فيه غلط وبعدين من الغالط اني ولا انت طلعت متزوج وعندك ولد طلعت كذب وقااااااااتل
نصدم مالك من كلامي من وجهه تغير شدني من رقبتي وهوا يخنق فيااااا:توا تشوفي القاتل شن بيديرلك
شدني من شعري واني نحاول نفك ايده داخل وجهي ف الحوض كان كله اميه حاولت نطلع وجهي ماقدرتش تواني وحسيت روحي بنختنق
طلعني من الحوض و نطيح ع الارض واني نشهق ونكح مش قادره نتنفس ايدي ع صدري تكيت ع الحوض دبشي بدي رزين هلبااا من الميه
شدني من شعري وسحبني من جديد واني نبكي دخل راسي من جديد ف الحوض مش قادره نستوعب اللي يدير فيه بديت نضرب ف ايديا الاتنين ع الميه ونحرك ف رجليه طلعني من الميه
واني نشهق مد يده التانيه بعد شعري لاصق في وجهي خديت نفس وبسرعه رجع وجهي ف الميه
قعد يعود ف نفس الحركه واني كل مره نقول هدا موتي لحظه لحظه علاش اني خايفه من الموت اني من يوم ماتت عيلتي واني نتمنه ف الموت كل لحظه رخيت ايدي وقفت تخبيط ف الميه بعد تواني طلعني بسرعه خيره هدا شن يبي مني مش يبي يقتلني علاش انقذني قعدت نكح واني نحاول ناخد هواء شوفته يقرب مني بديت نهز ف راسي بهستريااا وكانه اللي قدامي شيطان بديت نرجع تالي شدني من ايدي وحط ايده التانيه تحت رجليا ورفعني فوق وطلع بيا برا الحمام حطني ع السرير
اللي راح كله اميه من احوايجي حط يده ع القفطان اللي لابسته مزقه بالنص انتفضت بخوف الجو كان بارد ناض هوا من جنبي امشي والطاولة خدي طاسه
الميه وجي وقف قدامي قال :اشربي
اني ستغربت منه خديت الطاسه واني ساكته شربت منها ناض وقف وطفي الضي اني زدت خوفت بديت نادي عليه بس هوا ماردش زاد خوفي لين فجااه نفتح صوت عالي ف دار وكان صوت عياط نساوين
اني خوفت بديت نصكر ف وذاني ونبكي لين حسيت بيديه ع ايديا يبعد فيهم اني تكلمت وشهقات البكي عاليه:مالك باللهي عليك افتح الضي
حط يده ع خدي وهوا يتلمسهم بهدوء لين ضربني كف قوي حسيت انه وجهي تشنج وعاد نفس الحركه اكتر من مره لين خشمي بدي ينزف وحتي فمي
حسيت بيه وهوا يوقف عقدت حاجبي شدني من شعري
مالك:تعرفي حاجه اليوم بنوريك فضولك لي وين رفعك
بديت نبكي ونعيط من وجع ضربه ليا بالحزام بدي يضرب فياا قعد يضرب فياااا ويزيد يضرب
اسراء:انت من شني خايف اااه انه نكون عرفت بكل شي عنك صح كنت تقدر تحرق كل شي يخص هالمكان بس انت جبااان واكيد من حقي نعرف كل شي عن راجلي
معادش سمعت صوت كان النفاس القوي ابتاعه فجااه نفتح الضي نفجعت من نظرات مالك اللي تخاووف كااانه بركان وبيتفجر قرب مني وشدني من رقبتي وهوا يتكلم بصوته الخشن:صار هدا من حقك معاااها تعالي انوريك حقي اني شن هوا
طايحني ع السرير وركب فوقي فهمت شن كان قصده بديت نضرب فيه بهستريااا واني نحاول نبعده عني لين ضربني كف قوي ع وجهي حاولت نقاومه من جديد بس ضربني من جديد وبدي ينحيلي  ف باقي حوايجي واني دموع بس ينزلو ومش قادره نتحرك غمضت عيوني واني نعيط بصوت عالي ...............................
_________________ #الكاتبة_عويشه
"كلما كانت المعانه اشدُّ قسوة سيكون
الحلم الذي يتحقق أكثر جمالاآ💙🌸"
فتحت عيوني والنظر ابتاعي كان مشوش ركز ع الضي اللي فوقي رمشت اكتر من مره نبي نزيد نركز
تعدل نظري ونزلت عيوني ع الدار اللي كانت فاضيه
حاولت نوض جسمي مكسر حسيت بوجع ف جسمي
غصبت روحي نوض نقعمز وقدرت انقعمز بس الصدمه كانت اني مش لابسه احوايج شهقت وحطيت ايدي ع فمي واني نذكر شن صار معاااي بديت بهستريا:لالالالالالالا ياررربي مستحيل هالحقيررررررر شن دار فيااا
بديت نبكي ودموعي ينزلوا واني نضرب ف السرير ونضرب في وجهي بعدها فكرت ف نفس القرار اللي اتاخدته من اول يوم جيت فيه اهني اللي هوا الموت
خديت الغطاء ولفيته ع جسمي ونزلت رجليااا ع الارض حطيتهم بصعوبه وجع ضغط ع روحي واني نحاول نوقف لين وقفت واني نبكي من الوجع اللي نحس بيه ف جسمي بديت نمشي بالشوي واني ندور ف حاجه نقدر نقتل بيها روحي وقفت جنب الطاوله كان حاط سلاح فرد عليها خديته شاديته ف ايدي واني نشبحله وايدي ترعش سمعت صوت الحمام انفتح لفيت نشبحله وهوا طالع لابس سروال بس وشعره مبلول يجفف فيه بالمنشف زادو دموعي ينزلوا لنا شوفته اما هوا ف انصدم لما شافني شاده سلاح ف ايدي نزل المنشف من ايده لوح ع الارض
وهوا يشبحلي بصدمه رفعت المسدس وشديته بيديا الاتنين واني نوجه فيه عليه ونبكي:انت كيف ادير فيااااا هكي اااااه
مالك ببرود:حقي هدا
اسراء بشهقات ودموع ينزلوا زي المطر :انت كيف تلمسني ااه ااااه تكلممممم
مالك :هيااا اقتليني مش انتي هكي تبي انه اني نموت وتتفكي من هال #كابوس اللي انتي فيه.
فتح ايديه الاتنين وهوا يبتسم :هيااا يا ملاكي
اني زدت نصدمت من بروده ايديا يرعشو اني مستحيل نقدر نقتل انسان اني نساعد ف النااس مش نفسه عشان هكي مستحيل نقدر نقتله بس نقدر نقتل روحي ع الاقل نشوف اهلي وجهت المسدس علياا ولحظت مالك وصدمته اللي زادت وضحت عليه
مالك:اسراء بلا هبال هاتي المسدس
اسراء:خلاص اني مليت منك نبي نرتاح تعبت
من دون مانحس ولا نلاحظ سرعته اللي فجااه اللقيته وقف قدامي وبحركه سريعه ضرب ايدي طاح منها المسدس شهقت وكنت راح ننزل ناخده بس شبحلي بنظره🔥وسحبني من كتفي وهوا يضرب فيا ع الحيط بقوه شبحل وقال وهوا يعيط :انتي شن كنتي تنوي اديره ياافرخه ااااه
اسراء :اطلق ايدي ياحقير اما اديرها انت وتقتلني ياااما خليني نقتل روحي
عصب مالك وضرب الحيط بقوووه شهقت ورفعت عيوني ف ايده اللي كلها دم بعد عني وهوا يدخل ف ايديه ف شعري ومشي القدام ورجع وقف قدامي وهوا يأشر بصبعه عليه وتكلم بعياط يهز الدار:انتي مش راح اديري حاجه ف روحك تسمعي فياااااا واللي صار بينااااا كان راح يصير قبل ولا بعدين
وغصب عنك بيصير وصدقيني يا اسراء لو تفكري بس فكره انك ديري ف روحك حاجه غيرك راح يدفع تكن أخطأك
اني نشبحله ومصدومه هدا يهدد فياا :انت تهدد فيااا ومن غيري اصلا اني معنديش اهل تهددني بيهم
مالك ضحك بهزوه:صح ماافيش اهل بس في حبيب القلب
اني نصدمت من وقحته:انت شن تقول ومن قصدك
ضحك مالك وقرب من وذني :ولد العم الغالي اللي ليك يومين تتلقي انتي وياااه ف الجنان وبعتك يبي ياخد ملف من عندي
اني زادت صدمتي ومعادش قدرت نتحرك كمل مالك كلامه
مالك:اااه يا اسراء قداش انتي غبيه قاعد يستغلك نفس قبل بس تعرفي شن هوا اللي يختلف عن قبل
انك انتي مرتي اني ومحرمه ع غيري ومن اليوووم خلاص انتي صرتي ملكي اني حاجه خاصه بيااااا اني وبس خاصه بي اللواء مالك ابوبكر وبلعبك معااي انتي وياااه لعبتو بالنار انتي حصلتي اليوم جزء من العقاب عشان شافتي حاجه ماتخصكش والحاله التانيه انك خليته يقرب منك اماااا باااقي العقاب انتي وياااه ف الايام الجااايه راح تشهد
ضحك بهزوه وقرب باسني وعضني بالشوي بس توجعت منها بعد عني وهوا يضحك امشي لي الطاوله كان عليها كيسه اخدها ولوحه ع وجهي :اللبسي نلقااك فوق ف الدار
فتح الباب وطلع وخلني دموعي ينزلوا ونبكي ع الأمل اللي ادمر قدامي وصار رماد شكله مش راح انوض من هال #كابوس ف حياتي كلها ..........
____________________________
نشاءالله تعجبكم الحلقة والرواية
اسفه ع التأخير بس عندي ضروف ماما مريضه باللهي ادعولها ربي يشفهااا🥺🤲