لماذا اجتمعنا؟..❤️

الطائر الحزين💝

الفصل الأول....💜
نتعرف على الابطال في الأول علشان منتوهش فى الأحداث....
هشام ودا بطل قصتنا هشام بيحب الموسيقى والغنا وصوته عذب جدًا، ولكن ابوه كان عايزه يكون مدير فى فرع من فروع شركاته الكبيرة ولكنه اكتر من مره رفض.........
أكمل هارون ودا والد البطل حاد جدًا فى شغله ومن أكبر رجال الأعمال في مصر............
وزوجته متوفيه وكان وفي ليها رغم انه محبهاش ولكنها كانت جميلة معاه.......
.......................................
آيه البطله بتاعتنا كانت من عيله دخلها متوسط كانت مديره فرع شركه اكمل هارون لكفاءتها في الشغل.....ووالدتها هدى كانت تعمل في منزل أكمل مربيه لهشام بعد وفاه والدته.....
وكان عندها أخ اسمه ادم بيشتغل معالج نفسي ومشهور جدًا في شغله........
.............................
نبدأ قصتنا
في صباح اليوم التالي استيقظ هشام من نومه على صوت آيه تقول له: أنت لسه نايم يا أستاذ قوم منك لله هتأخرني على الشركه
هشام بغضب: في أي على الصبح؟؟...
آيه: أنت بتسأل في أي؟؟....لا يا شيخ الساعه واحدة يا استاذ كنت فين طول الليل راجع الساعه خمسه الفجر
هشام: أنت مالك يا ستي أرجع وقت ما انا عايز
أكمل دخل بغضب: اتكلم بأدب يا هشام ازاى تكلم بنت بالطريقه دي
هشام:والله هي الى اتدخلت تتحاسب بقى على افعالها مش ذنبي دا....
أكمل: حتى لو على الاقل بتشتغل فى شركه محترمه مش كل يوم في كباريه شكل وموسيقى وقرف عليك وعلى دماغك
هشام بزعيق:يوووووه هي الاسطوانه دي كل يوم مش هنخلص؟؟...
أكمل بغضب : لا يا سيدي مش هتخلص واذا كان عاجبك
هشام بزعيق: مش عاجبني وسيبهالك مخضره
أكمل بزعيق: أقف هنا وانا بكلمك
هشام لآيه:طبعا عاجبك انت الحوار مش كدا؟....يا ستي عايزه تاخدي أملاكي خوديها انا مش ناقص وجع دماغ ونظر لابوه وقال عن اذنك علشان متقولش عليا مش محترم وسبتك ونزلت...
آيه: حقك عليا يا عمو هو غصب عنه والله هو بس عصبي حبتين حقك عليا أنا وسابته ونزلت تروح شركتها......
هشام لآيه:آيه استني
آيه نظرت له بلوم: أنا يا هشام تعمل معايا كدا؟...
هشام: آيه افهميني بالله عليكِ أنت فاهمه أنا مالي فبلاش حركاتك دي حقك عليا وعلى راسي
آيه بضحك: ماشي يا عم خدني بكلمتين عارف انت زيي ادم اخويا فيكوا نفس الحركه!!....
هشام بضحك: أعوذ بالله دا عليه بوز يا شيخه حرام عليكِ على الاقل انا بضحك....
آيه: مش كشري ولكن شايل هم المرضى بتوعه وراه مسئوليات حياة ناس مسئول عنها.....
*أغلب الناس مفكرين دايما ان المعالج النفسي بيكون كشري أو مبيضحكش ولكن دا مش معناه انه شخص وحش احيانا الشغل بيتطلب بعض المواصفات كدا لازم يكون جدي مع المرضى بتوعه لانه مستمع جيد وفي نفس الوقت فعقله لازم يكون أكبر بكتير من عقل البني ادم الطبيعي لكونه بيستقبل اكتر من ٥ مشكلات فى اليوم ولازم يكون قادر على حلها....كل دكتور بياخد نسب يوميه حسب قدرته في معالج ميقدرش يسمع الا مريض واحد ويحلله مشكلته لان لسه باقي مشاكل عيلته يحلها بردو ميديش الاولويه لشغله وناس العكس وهكذا...نرجع لموضوعنا*
ذهبت آيه للشركه بعربيتها وطلعت لمكتبها....
آيه ببتسامه: صباح النور يا جماعه ورانا النهارده اجتماع مهم جدًا بتمنى الكل يكون جاهز قبل ربع ساعه من الميعاد ونظرت لاسراء اوضه الاجتماع متظبطه؟؟....
اسراء ببتسامه هاديه: طبعا يا استاذه آيه
آيه بجديه مش قولنا بلاش استاذه دي انا أصغر منك اصلا بسنه علفكره المفروض اقولك يا استاذه اسراء ؟؟
اسراء ببتسامه وانا فين وانت فين بس؟؟
آيه ياااااه لسه فيه حد بيفكر كدا يا ستي كلنا اخوات وابتسمت ودخلت مكتبها.....
اسراء دخلتلها المكتب وقالت صحيح فيه رساله جت لحضرتك
آيه بلهفه: من مين؟؟
اسراء نظرت للورقه وقالت الطائر الحزين ففرحت آيه وقالت لها يبقى هو هاتي الورقه دي بسرعه.....
فقرأت الورقه....
*مازلت انتظر منكِ ولو رسالة، حاوطتني الخيبات وليس لدي سوى قرار واحد وهو الوداع، اتمنى لقاءكِ صدفة، حبنا لم يكن مجرد حب عابر، انما حبنا كان مجرد نبضات قلب وعند ذهابي ذهبت هذه النبضات، لم أعد بحاجة لكِ، أذهبي حينما شئتي فلم يعد يهمني، دعيني ولنا يومًا ما في الزمن البعيد لقاء*
قرأتها آيه وهي تبكي على حسرتها لحبها الوحيد
آيه بدموع سابني؟؟...طب انا عملتله أي؟؟....دا كان واعدني انه هيكون معايا للآخر وعدني انه هيكون جمبي وسافر علشان نجيب الشركه الى بنحلم بيها معقول يكون محبنيش؟....
بس لي عملتله اي دا انا محبتش حد قده؟
*ماذا فعلت لكَ لتتركني هائمة في بكائي، لم يكفي أنني في يومٍ من الأيام بكيت شوقًا، وكان قلبي عند رؤيتك ينبض نبضًا، لم يكن هذا كافيًا يا توأم روحي، أذهب ولكن عند عودتك لم تلقى مني أي شيء سوى ابتسامه بارده تبتسم عند الانتقام منك..*
وتركت مكتبها وذهبت للاجتماع...
...........................................
ادم للسكرتيره الخاصه به دخليه يا رنا شكل حالته صعبه اوي....
رنا :حاضر يا دكتور عن اذنك وقفلت ودخل المريض
ادم نظر له وقال لي كنت عايز تنتحر
المريض :اقولك بس متقولش لحد؟
ادم: اي كلمه هتقولها كإنك بتكلم نفسك....
المريض: علشان ارتاح....
*نتكلم في الموضوع بشكل جدي شويه من وجه نظري ان المنتحر مش ضحيه ولا السبب الى خلاه يعمل كدا منطقي مفيش سبب منطقي يخلى بني ادم عاقل وفاهم ينتحر باي وسيله من الوسائل، الموت مش راحه زيي مانت فاكر...انت ناسي القبر؟ ناسي ال٥٠ ألف سنه بتوع يوم القيامه؟؟...عندي يقين ان اي حد عنده ايمان في قلبه عمره ما يعمل حركه زيي دي....اسباب الانتحار كتيره اوي ساعات الاهل بيكونوا هما السبب، ساعات كتيره بتكون الصحاب هي السبب، عوامل كتير تخليك تنتحر ولكن ما نحل المشكله بمنطقيه من غير اللجوء لطريقه فى الأول والآخر غير شرعيه دينيًا، لي منتكلمش مع بعض لي منحتويش بعض؟، لي لما يطالبوا بإنهم يتعالجوا نفسيًا الاهالي ترفض ولما يطلع مش سوى نفسيًا تزعلوا، طب انتوا دلوقتي لي زعلانين لي مينفعش ابني يروح لمعالج نفسي مدام هو محتاج دا انا مقولتش انه مجنون ولكنه محتاج حد يسمعه بشكل كويس....بلاش نلقي اللوم على حد بعينه عمر ما المنتحر كان ضحيه، لو كل عيله عندها معالج نفسي الناس كلها هتكون سويه نفسيًا، والمجتمع بشكل كبير هيكون افضل من دلوقتي معظم الشعب مقتنع ان دكتور نفسي ياعني علاج بقى ووجع دماغ لا مش كل المعالجين النفسيين بيستخدموا العلاج لحل المشكله لا، دا بيكون على حسب نوع المرض النفسي، في أمراض نفسيه متطلبه دا لان بيكون فيه خلل في خلايا المخ فدا لازمله علاج، لكن لو مجرد اكتئاب وساوس حزن ممكن يتعالج بالطرق التقليديه السليمه من غير علاج إلا لو الحاله متدمره تماما، في ادويه كتير جدًا مش مضره ولكن مفيده ولو بشكل جزئي، مش كل الادويه النفسيه سلبيه، ودا كله طبعا على حسب تشخيص الحاله نرجع لموضوعنا*
ادم :هترتاح لو انتحرت؟
المريض: أنا كان كل همي أسعدها انا كنت بحبها أوي
ادم: هي مين
المريض:طليقتي
ادم: كنت بتحبها اوي كدا؟
المريض: مش قادر ابعد عنها بكره يوم فرحها على واحد غيري انا كنت بعملها كل الى هي عايزاه بس انا خلاص زهقت انا عايز اموت واخلص من العذاب الى في قلبي دا.....
ادم: هيحصل اي لو متت؟؟...مين قال انك هترتاح عملت حاجه تقابل بيها ربنا حلوه في حياتك؟....طب بلاش دي ما ايه رايك فانك لو متت فانت هتموت كافر؟وهتتعذب ودنيا وأخره كمان
المريض نظر له بحزن: مانا مش قدامي حل تاني
ادم: لا قدامك بدل ما تموت كافر طب ما تقرب من ربنا
المريض بدات تنزل دموعه: يااااه ياما عملت كدا بس ساعات بحس اني مهما عملت عذابي مش هايروح الا بالموت
ادم: مهما حصل دا كلام شيطانك اسمع كلام قلبك اسمع كلام نفسك انت انت عايز تبقى شخص كويس وانا هساعدك توصل لدا
المريض نظر له وقال: كل الى سمعوني قالولى كدا وسابوني
ادم: انا مش مجرد طبيب نفسي ليك بالعكس احنا هنكون صحاب انت بتشتغل اي؟
المريض: مبشتغلش
ادم: طب اي رايك تشتغل معايا هنا واهو تلهي نفسك وكمان تشتغل وتحاول تثبت نفسك بعيد عنها كرث حياتك للشغل لحد ما تلاقي الشخص المناسب
المريض بكل أريحيه: انا موافق
ادم ببتسامه: اتفقنا دا رقمي كلمني فى اي وقت محتاجني فيه الصبح بليل العصر الفجر الى انت عايزه مجرد رنه تيليفون هتلاقيني معاك
المريض ببتسامه: شكرًا لحضرتك يا دكتور وخرج.....
........................................
هشام مع حسام صديق طفولته...
هشام: بقولك اي يا حسام هاتروح الحفله؟
حسام: حفله فين؟
هشام: الفنان عامر منيب
حسام بضحك: ياااه عامر منيب مره واحده انت عارف يا ابني التذكره هناك بكام؟
هشام: سيبها عليا انت بس تيجي معايا
حسام: انا معنديش اي مشكله
هشام:نظر له بكل حماس تفتكر هقدر ؟
حسام: تقدر على اي؟
هشام بنظره طموح: تفتكر هيبقى ليا جمهور وهكون ناجح؟ قد اي انا مستنى اللحظه دي....
حسام: وتفتكر ابوك هيخليك تعمل الى في دماغك دا دا انت تبقى عبيط ..
هشام: مسيره هيوافق مانا مش هفضل طول حياتي كدا....
حسام: ازاي بقى يا استاذ؟...
هشام: مش عارف ولكن مسيرها هتتحل تحب تسمع اي؟....
حسام: هو انا اعرف حد غير عامر منيب الى انت قارفنا بيه دا غني يا سيدي سمعني....
هشام: مشيتلك طريق كويسه؟
حسام: مش عارفها بس سمعني
هشام بحماس: يالله بينا.....
وبدأ هشام الغناء واستمتاع حسام بصوته العذب....
.................................
أكرم لوالده آيه
اكرم ازيك يا هدى
هدى ببتسامه الحمد لله على كل حال يا استاذ اكرم
اكرم اقعدي اقعدي واقفه لي وجلست في جنينه الفيلا
فنظر لها اكرم وقال فاكره يا هدى
هدى بحده استاذ أكرم انا مش حابه اتكلم في الماضي لو سمحت....
اكرم بغضب انت بتعملى معايا كدا لي انا بحبك
هدى بغضب احنا كبرنا ومبقاش في حاجه تجمعني بيك غير ابنك هشام غير كدا مفيش عن اذنك يا استاذ اكرم ثم نظرت له وقالت وفاءك لمراتك الاولى راح ولا اي؟؟....شوف ضميرك وفوقله يمكن حبك عماك وفكر في ابنك يا يا استاذ اكرم وتركته وذهبت
اكرم بحزن: انا الى غلطت فانا الى استحمل نتيجه غلطي
*وما كان الحب سوى جمرٍ يؤلم قلبي ويشعلل ما به من شوق وحنين، ياليتني جمعت معكِ ذكرى جميلة تذكريني بها، فلم أكن لكِ سوى جرحٍ يؤلم روحكِ ويعذبها، أعاهدكِ على أنيي لن اترككِ حزينة بمفردك، فإما أن أزيل الحواجز ونتصافى، إما سيغلبني الحزن، وستكون حياتي بعد حزنكِ وبكاءك جحيم*
ذهبت هدى وهي تبكي وتتذكر الماضي...
*ليتكَ كنت حنونًا، ليتك كنت حبيبًا لروحي، فلم ألقى السعادة من بعدك، ولن ألقى السعادة إلا في قربك*
.............................................
نهاية الفصل الأول......
بتمنى تكون البدايه عجبتكوا...
باربي🤍