جد ايات . انطونه عطوه يومين ونردلكم خبر
جد علي . موافقين ننطيكم عطوه يومين يله احنه نترخص
جد ايات . الله وياكم
علي . طلعنه من بيتهم رجعنه للبيت وصلنه نزلنهو وحجة جدي
جدي . كاضم شنو فصليه وين نخليهة
كاضم . بويه ما ادري المن تنطيهة مثل ما حركو دمي بابني اني هم احرك كلبهم بتهم
جدي . انه ادري وضعك والله بس وين تخليهة المنو تنطيهة
كاضم . مو هذة عليوي مموجود هوة ياخذهة
علي . انه شدخلي بالسالفه
جدي . خلص علي ياخذهة للفصليه
علي بعصبيه . حجي انه شدخلني بالسالفه ليش انه اخذهة
جدي . لعد تقبل سمعتنهة تصير هية والقندره
علي . ما عاش الي يسويهة
جدي . شي يكولون علينه الوادم ناس ماعدهم كلمه
علي . تامر حجي انه اخذهة
جدي . ما يامر عليك ضالم
علي . اترخص
الكل . غالي ما ترخص
علي . صعدت للغرفه وافكر هاي شلون بيهة هسة كعدت افكر بالفصليه الي رح تجي بله جبيره لو صغيره لو عجوز حلوه محلوه وكل هاي الافكار جانت براسي باوعت ع ساعة شفت ساعة ٢ الضهر رحت سبحت وبدلت اتفقت ويه جماعتي نطلع بس سجاد مو ويانه لان راح الاربيل قبل يومين المهم لبست بنطرون جينز ازرق فاتح وقميص رصاصي نص ردن خليت عطر سويت شعري وكفته خليتله سبري وهاي السوالف ولبست ساعتي اخذت المبايل ورحت
نروح يم ايات
ايات . وره تقريبا ساعتين او ساعه ونص سمعت صوت باوعت من الشباك شفتهم ديطلعون وخرت من يم الشباك كلت ليشوفوني انوب يكولون بناتهم ميستحون
المهم ربع ساعه ورحت باوعت ملكيتهم لا همة ولا السيارات كلت اكيد راحو ف نزلت جوه واول شي سمعته صياح مامه
مامه بصياح وعصبيه . ما انطيهة لو نخله تطلع براسهم
هاي وحديتي شلون انطيهة لا وشنو انطيهة فصليه لو ع جنازتي
بابه . بس اهدي اني هم مثلج والله ما قابل ع فكره هاي بس شنسوي هسة خلي نسئلهة نشوف اذا راحت تروح واذا مقبلت مننطيهة
مامه بعصبيه وبجي . وابني شلون يكتلونه يعني ربييي ليش هيج تخيرني بين ابني وبتي
ايات . اني واكفه هيج ممفتهمة شنو ابني وبتي شنو فصليه شنو ما انطي اباوع ع بنات يبجن رحت يم بابه وكلت ..... شكو شبيج مامه
بابه بتوتر . هيج ماكو بنيتي امج بس شويه خايفه ع سيف
مرت عمو ابو حسام الثانيه بحقد . ليش خو كولولهة رح تروحين فصليه يعني تروحين خدامه
ابو حسام بعصبيه . ضربهة راشدي خلاهة توكع بالكاع .... حسج ما اسمعه يله ولي ادب سزز
مرت ابو حسام الثانيه . نار تطلع من عيونهة وتحجي .... تمد ايدك عليه علمود وحده ساقطه من ملاهي بغداد جايه
جدو بعصبيه وعياط عليهة . حلكج متفتحي ادب سزز لو بيج خير جان ربيتي ابنج الي ٢٤ ساعه دايح ويه الكحاب
مرت ابو حسام الثانيه بحقد . هوة ولد محد يحاجي
بس مو جايبينه بنات الملاهي الهنا
جدو بعصبيه . ضربهة راشدي ..... ولي منا مو صوجج صوجنه احنه الي من البدايه قبلنه بوحده ادب سزز مثلج يله اخذي غراضج والبيت ابوج
مرت ابو حسام الثانيه بحقد . رح اندمكم كلكم وهسة تشوفون .... راحت للمطبخ وجابت وياهة سجينه وايات جانت واكفه قريبه من يم المطبخ كمشت السجينه وخلته بيد ايات ( حبايبي خلي اوضح شويه هية وين جابت السجينه من يم العكسيه مال ايد ايات اليمين فوك العكسيه مال ايدهة بالضبط وبس كملو )
بابه . ايييااات
ايات . من ضربتني محسيت بعد بشي بس سمعت صوت بابه هذة اخر شي سمعته
مامه بصياح وبجي . اياااات الله ينتقم منج انشالله بتي شدخلهة .... راحت يم ايات تريد تصحيهة
ابو حسام . ابو عمر اخذ البنيه للمستشفى بسرعه
بابه . اي اي
