وحش روضته انثي. ميفو السلطان

الحكايه الثامنه عشر

#وحش_روضته_انثي
#حكايات_mevo
البارت الثامن عشر..
كانت ليان تجلس حزينه فابنتها بمرور الايام تنفصل عنها ويوسف يقهرها ويعذبها بفتياته اللاتي ياتيهم ليلا ليقضو معه وقت السمر احست ان روحها تنتزع منها و ايامها تطبق علي انفاسها .اتي يوم تدخل عليها الخادمه لتقول.. فيه ضيف بره يا مدام اسمه الاستاذ مازن..
لم تعلم ليان لماذا رق قلبها حين سمعت اسمه رغم انه سبب العذب الذي هيا فيه.. فهيا حنت لعمها كثيرا دخل مازن بهيئه غير هيئته.. فمازن كان مستهترا ذو عيون حاقده اما من امامها شخص اخر يتسم بالطيبه وعيونه راحت منهم كل ما هو خبيث .
اقترب منها وهتف بحب.. ازيك يا ليان.
لتقول.. عايشه يابن عمي.. حمدالله عالسلامه.
اطرق من محياها وهتف.. انا عارف ان ماليش عين اقف قدامك ومش مصدق اللي عملتيه عشاني.
هتفت ليان.. انا ماعملتش حاجه انا رجعتلك حقك اللي بقاله  سنتين متاخد ظلم.. انت اه وجعتني بس الفلوس دي حرام وانا عايشه المرار فمش ناقصه حرام اكتر من اللي انا فيه.

هتف مازن.. ليان انا عارف اني زباله في نظرك وماتسماش راجل وماستحقش بس بصيلي. يمين بالله انا تبت لربنا يا بنت عمي توبه نصوحه. سنتين سجن دعكو وش ابن عمك في التراب وعرفني اني ماسواش اساسا.. ربنا رزقني بناس ترجعني للطريق الصواب.. نعمه من عند ربنا. وعايش بتعذب اني رميت محصنه وسودت سمعتك وجبتلك واحد جاحد يأذيكي ..نزلت دموعه لتندهش ليان ووجدته يقترب منها جلس امامها وانحني.. والنبي يا ليان انا واقع في عرضك انا مابنامش من قهرتي علي اللي عملته فيكي سامحيني.. عارف اني مجرم وهتقلي في النار.. بس ماليش حيل في اللي عملته.. ورحمه ابويا اللي غضبان عليا مقهور سامحيني يا انضف خلق الله.. سامحيني يا بنت ابويا وقلبه.. انت قلب ابويا يا ليان.. انا مستني اني لو مت هخش جهنم.. والله ما عايش والجريمه اللي عملتها ونهشت بيها عرضي هتموتني نفسي طابق عليا.. حاسس اني ميت وانت اللي هترجعيني للحياه.. عارف اني ماليش خاطر بس وخاطر عمك تسامحيني.. اهو خيره قعدله وصلح ابنه الفاسد .
مسك يدها يقبلها ....ابوس ايدك يا ليان تسامحي ...كانت دموعه تنزل بشده وهو راكع تحت قدمها اكمل.. عارف ان اللي اتعمل فيكي مش قليل بس انا كنت شيطان مصاحب شيطان بس والله ربنا تاب عليا.. وربنا حنين وبيقبل التوبه.. اقبلي تبتي يا بنت عمي وانا هشيل جزمتك علي راسي طول عمري.. هبقي سندك في الدنيا واللي تعوزيه هكون خدامك ازحف اجيبهولك والله ولا هاممني فلوس ولا عايزها الله يحرقها حرقتني وحرقت ابويا ومات غضبان عليا انا حاسس بتمزيع وتقطيع والله تبت يا ليان. يمين بالله تبت.. كنت وسخ وزباله ومصاحب زباله شيطان اجر شيطان علي ملاك ينزع قلبها.. والله يا ليان انا عايش في نار. مابنامش قلبي بياكلني.. ربنا بيقبل التوبه بس حق العباد لا.. وانت يا حبيبتي ايوه حبيبتي وبنت عمي وبنت ابويا اشيل جزمتك علي راسي.. لتكوني فاكره ان عشان الفلوس.. تغور.. لا يا ليان ربنا نزل رحمته عليا.. خير ابويا في الدنيا اتردله ورجع ابنه للخير. ابويا مايستحقش عيل فاسد ونبت وبذره شيطان.. شكري الريميسي ما يستحقش كده.. الخير بيقعد واهوه والله والله لو جبتي جزمتك وحطتيها علي رقبتي ما هنطق. امي ربتني غلط وطلعت بايظ وما بعرفش ربنا.. دانا ماكنتش بركعها ولا اعرف يعني ايه فرض ربنا.. السجن كان خير ليا اتربيت صح وربنا بعتلي ناس ترجعني.. الظلم ظلمات وانا اتجبرت ونهشتك يا حبيبه اخوكي مستني نهشه جتتي في قبري مرعوب من اللي عملته ازاي كنت كده بنام اتخيل نفسي في قبري وربنا مضيق عليا تربتي واقوم مفزوع اصرخ اناديكي.. والله كل يوم بصرخ اناديكي سنتين اكلم علي يشوفك فين ابعتلك وابوس جزمتك سنتين نايم اتعذب بجهنم اللي هولع فيها.. قذف المحصنه بغير وجه حق.. سواد في الدنيا والاخره عذاب.. انا بنحرق يا بنت ابويا بنحرق من اللي عملته والنبي يا ليان ابوس ايدك ولو عايزه اوطي علي رجلك ورحمه ابويا هوطي .. سامحيني يا غاليه يا ريحه الغالي.
ظلت تنظر اليه وهو محني ينتحب بشده لتدخل مشاعره الصادقه الي قلبها.. كانت تحتاح لنفس يعيد لها جزء من نفسها واحست بوجود عمها لتهتف.. بس يا مازن ماتبكيش والنبي انا مش مستحمله والله.
هتف بحرقه.. انت كفايه عليكي اللي اتعمل فيكي انت ملاك يتعمل فيكي كده ليه بس يمين بالله ما هسكت ولا هسيبك انا حاسس ان القهره هتخلص عليا. مازن البايظ العيل بقي راجل انت فاكره انك لوحدك لا.. انا اقطع نفسي عليكي.. انت ليكي راجل يقفلك.. انت ماعتيش لوحدك.. مازن الريميسي بقي ابن شكري عن حق .... ارفعي راسك واقعدي واتشرطي وانا انهشلك قلب اللي يقرب منك.. اقترب وانحني اكتر ومسك يدها سامحيني بالله سامحيني هموت وماعتش قادر ضميري هيموتني..