فُرصةً للعيش بِسلام

الفرصة الثانية

واگول اگدر ، وكلما تجيّ عينك بـعيني اضيَع اكـثر

بقلم / رغد خليل ..

التصويت والتعليق ع الفقرات يسعدني♥️
———————
" ليلى "

تلعثمنا اني وابرام .. منعرف شنو نكول

ابرام : شسمه هاي

الفريد : اي ؟

ليلى : هههه يقصد لمدرس مالته ههههه

الفريد : ليلو چم مرة كتلج لا تجذبين عليه ؟

كمل كلامه وتوجه كعد على القنفه راكي ايديه وفاتح رجليه ، باوع النا واردف

الفريد : شلونكم بالدراسة ؟

ليلى : ترى اول يوم هذا النا

الفريد : اعذرينا ست ليلى شلون اول يوم دراسي الج

ليلى : لاباس بيه

الفريد : وانتَ ابرام

ابرام:زين ، اني اريد اسجل معهد

الفريد : سهله ان شاء الله شدولي حيلكم اريد معدلات

ليلى : اني ع سنه جاية اطلب مني معدل

الفريد : كلامي واضح !

ليلى بضوجة : اي اي

الفريد : عفيه ..

وهاي هيج حياتنا ، لا تستغربون نحن تحت سلطة الفريد من لما ....

" فلاش باك للماضي "

لؤي : ها ولكم كل عام وانتوا بخير

طفر ابرام وتعلك بركبت بابا ويضحك وعايده ..

ابرام : كل عام وانت بخير بابا ..

الفريد : احم بوية كل عام وانت بخير ..

جان تقريبا عمري خمس سنوات صغيرة .. شالني بابا وباسني ونزلني ..
بوكتها جان عيد وفرحانين كلنا ..

ربُى : شنو اني ما تعايدوني ؟؟

تقرب الفريد وباس راس ماما وكال

الفريد : العزيزة كل عام وانتِ بخير

ربُى: حبيبي وانتَ بالف خير امي

لؤي : اني طالع عندي شغلة ونص ساعه ما اتاخر علمود نروح لبيت جدكم ..

طلع بابا ، وما رجع .. تتسالون هسه وين راح وشنو صار مو؟ اني اكلكم ..

الفريد : يمممممه ..

فزينا كلنا على صرخته .. رغم جنت صغيرة بس نرعبت

ربُى : ولك شبيك يممهه وكعت كلبي

الفريد دموعه تنزل بغزاره ..

الفريد : صار انفجار وابووية استتتشههدد

جانت مثل صاعقه ونزلت علينا ، صاعقه كلبت حياتنا كلها ، الفريد تحمل مسؤولية عائلتنا تعب هواي لخاطرنا