[ COMPLETED ]
FIRST INSTALLMENT OF UNDERWORLD CHRONICLES & CRUSADE SERIES
Si Aika ay kilala bilang isang popular girl sa kanyang school. Mayroon siyang marangya at masayang buhay kasama ang kanyang mga magulang, kaibigan, at kasintahan, kaya't para...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Nataranta kami nang bigla itong nagmartsa papalapit sa'min.
"Palibutan natin ang Chimera," sambit bigla ni Klein.
Pagkatapos ay sinunod nga namin siya. Tumakbo kami nang magkakahiwalay para palibutan ang Chimera.
"Glacial Mage; Glacier Blades," pagkatapos ay pinaulanan ni Klein ng punyal na gawa sa yelo ang Chimera.
Ngunit natigilan kami nang hindi ito tinablan. Ni hindi man lang ito nagalusan kahit kaunti.
Tumigil ang Chimera at tumingin kay Klein. Pagkatapos ay gumawa ito ng malakas na ungol ng leon at binugahan siya nito ng apoy!
Mabuti na lamang at mabilis ding nakailag si Klein.
"Crash of Earth Bound!" pagkatapos ay hinampas nang malakas ni Xavier ang lupa gamit ang kanyang Nerthus Warhammer.
Nagbitak-bitak ang lupa hanggang sa kinatatayuan ng Chimera. Paghakbang nito ay lumusot ang isa niyang paa sa bitak. Pagkatapos ay tumingin ito kay Xavier.
Hinampas ng Chimera ang lupa gamit ang kanyang kamay at nagbitak ang lupa hanggang sa kinatatayuan ni Xavier. Nahulog siya sa pagitan ng bitak at naipit ang kalahati ng kanyang katawan.
"Xavier!"
Pinipilit ni Xavier na makaahon mula sa lupa ngunit masyadong mahigpit ang pagkakaipit nito sa kanya.
"I-distract niyo ang Chimera habang tinutulungan ko si Xavier!" utos ni Klein.
"Jerome!" tawag ni Gunner.
Tumingin lang sa kanya si Jerome sabay tango. Pagkatapos ay magkasama silang tumakbo upang sugurin ang Chimera.
Samantala, kami naman ni Ryker ay magkasamang nakatayo rito sa bandang harap ng Chimera na may sapat na distansya lamang mula sa kanya.
"Dancing Blades of Hell."
"Meteor Bullets!"
Paglabas ng mga paakrkong blades ni Jerome mula sa kanyang Corrinaya Scythe, sabay naman nagpaulan ng nagliliyab na bala si Gunner.
Umaalingawngaw sa buong paligid ang bawat ungol at daing ng Chimera dahil sa mga sunod-sunod na pag-atake nina Jerome at Gunner habang tumatakbo sila sa paligid nito upang lituhin ang kalaban.
"Orb of Divine Light," pagkatapos ay itinaas ko ang Hades Sword at siniguro kong nakatapat ang dulo ng talim nito sa gawi kung nasaan ang mukha ng Chimera.
Naglabas ng bola ng liwanag ang espada ko at saktong tumama ito sa mukha ng Chimera. Nagtakip ito ng kanyang mukha gamit ang kanyang mga kamay at mas lalong lumakas ang kanyang pagdaing.
"Shot of Tornado," sabay pakawala naman ni Ryker ng kanyang palaso gamit ang kanyang Aeolus Bow.
Nang maglaho sa mga ulap ang palaso ay biglang lumakas ang ihip ng hangin na tila may bagyo. Tiningnan ko naman sina Klein at Xavier. Nakita kong naiahon na ito ni Klein mula sa lupa. Ginamit ni Klein ang Wonder Ice upang gawing yelo ang lupang nakapalibot kay Xavier at dinurog ito upang makawala siya mula rito.
