"يامساء هالليل ياعطر ودخون ‏ياغرام باهر يا أحلى العمر"

12

ال سلطان

من بكرة بمزرعتهم على العصر
كانوا يجهزون الجلسة الخارجيه بيجيهم ابو جاسر
ابو سيف يعجلهم : بسرعه اماني كنسي ذي وين اختك العوبه ماتجي تساعد
اماني : يبه شسوي فيها ماتبي
ابو سيف بصراخ : اميره امـيررهه
جت اميره بخوف من صراخ ابوها راحت له مسكها مع اذنها
ابو سيف : وينك ماتساعدين خواتك هاهه ولا فالحه بقعدة الجوال مع السربته صديقاتس
غرام تأففت من تفكير ابوها صدق انها ماتطيق اميره وتستاهل انه يهاوشها جتها الضحكه من ملامح اميره
غرام وهي تحاول تخفي ضحكتها : يبه خلصت تنظيف جهتي بروح
ابو سيف : روحي وانتي اميروه بسرعه كنسي ذا الوصخ
( داخل البيت )
غرام خلصت من شغلها ورقت فوق تتروش
عند هيفاء كانت بالمطبخ تطبخ وتفكر بام جاسر
والله موب هينين ذا ال جاسر حتى بناتهم يقطرون حلاوه
والذوق حرام يروحون من يدينا
جاء ابو سيف : ياحرمة جهزتي القهوه والشاهي
هيفاء : اي جهزتهم خذهم
بعد مدة ببيت الشعر وصل ابو جاسر ومعه عياله
ابو سيف بابتسامة : يهلا يهلا الله يحيكم نور المكان
ابو جاسر : بنور اهل البيتت يا ماشاءالله وهو يتامل المزرعه وش هالنفاهه
جلسوا وقلطهم سيف وهو يصب القهوه ومعه غيث
وخذتهم السوالف والضحك والوناسهه
ابو سيف بضحكه : الله يقطع بليسك غيث
ابو جاسر تنحنح : ترا بكره بيسير علينا اخوي ابو راشد
وحياك الله
ابو سيف : الله يحيه ابشر يلا اقلطوا على العشاء
وبعد ماخلصوا استأذن ابو جاسر لان تاخر الوقت

تعريف
ابو راشد اخو ابو جاسر
زوجته دلال
ولده راشد 25
بنته سحاب 19.
.................

ومن بكرا الصباح مبكرر بالمدينه في "بيت ابو راشد"
دلال : يلاا يا سحاب امشييي ساعديني قبل يجي ابوك ويطيرنا
سحاب وهي واقفه عند مراية الصاله: ماما با اجي الحين بس انتظري اعدل الايلاينر حقي
دخل ابو راشد طاير وطيرهم معه : نعنبو بليسكن قيلت القايله وانتن للحين تعافرن ذي الشوش وتغايضن كنكن جارات قومن زهبن القهوه والشاهي والحلا بنجيب من برا مافيه وقت
دخل راشد وهو ما شاف ابوه واتجه لسحاب اللي قمطت ام العافيه
راشد : نعم يا مريضه انتي ترا والله لا اكسر ذا الميكب فوق راسك اسمعي كلام امي يلاا بنات اخر زمممن
فز على ضربت ابوه له بالعقال : مشى بطن الظالم بلا نععننبوو بليسكك مالك والي ماتشوفني وراك تستقوي على اختك مهبول خبل انت خبللل تتامر عليها وانت اتحداك لو انك مسوي الشغله اللي قلت لك لكن والله لو اروح وما اشوفها زاهبه اني لااقطع العقال على ظهرك