#خادمه_على_عرش_الثراء❤🔥
حلقة ❤9
❤آلَـيَتٌـآ Alatta❤
_________________♡
عند مختار🔥
رن تلفونه كم مره من رقم غريب لما سكن رد
مختار : الووو
مازن: اهلا بمختار و الله زمان 🙂
مختار😨: مازن ليش متصل و شن تبي
مازن: والله ... سألت من هنا و من هنا عرفت انك جبت خدامه .. الخدامه هذي هيا بنت خوك الله يرحمه
مختار: انت من جابلك الدوه هذي 😨
مازن : مصادري الخاصه ... المهم نتفقوا تجيبلي فلوس و السر يندفن 😈
مختار: منيش عاطيك شي انا قتلك اقتل البنت و انت اللي حطيتها في الملجأ و توا تبي فلوس !!.... أعلا ما في خيلك اركبه 🙂
مازن: خلاص كل حاجه ح توصل لبنتك و مراتك و عيالك ... مسكين زين لما يعرف باته على حقيقته🙄
(طبعاً مختار على قد ما هو حقير بس نقطة ضعفه زين )
مختار: كم تبي و الموضوع ما يوصلش لزين 😠
مازن : ايوه هكي انتفاهموا 😌 انتلاقوا في الاستراحه و نقولك ع المبلغ ....
( استغربتوا صح بس مختار كان يراقب في مازن و عارف كل حاجه .. عارف ان دارين في الملجأ من زمان بس السبب اللي ما خلاش يقتلها كان يبيها تقعد مجهوله مش معروفه من وين بس بما ان واصل و عنده معارف قاللهم لما دارين ادور شغل شغلوها عندي و هو اللي منع اي حد يتبنها كل ما يجي حد يبي يتبناها مختار يمنعه و هكي عرفنه أنه عارف الخدامه هيا دارين بنت خوه شغلها عنده عشان تقعد تحت عينه بس هذي ثاني أكبر غلطه دارها في حياته 🔥🙂)
______________
عند احمد🌹
وصل للشركه و قعد يدور في دينا لعند ما لقاها في آخر دور طبعا كانت ما تبيش تشوفه
احمد قرب من دينا: اهلين بأحلى موظفه 😉❤️
دينا: ييييي علينا شن تبي ثاني رقمي و عندك خلاص خطاني 🙂
احمد: ياناعليه من العصبي 😍 ... المهم نقلت خدمتك معايا من اليوم و غادي انتي بتقعدي مساعدتي 😉
دينا: بنقدم استقالتي 🙂
احمد: دوري من يوقعلك عليها هيا توا انا مديرك انزلي لمكتبي درتلك مكتب جنبي 😉
دينا: اففففف منك بجد كرهتني في حياتي 🙁
احمد: توا تعودي يا حبي 😉 .. هيا ورانا شغل و نزل و دينا لحقاته كيف الشاطره
كان يفصل بين مكتبها و مكتب احمد قزاز بس يعني احمد يشوف فيها
دينا قمعزت في مكتبها بدت تشتغل و معش دورت احمد
احمد رفع التلفون📱 اللي جنبه و رن على دينا .... دينا تقدري تجي للمكتب نبيك في شغل
دينا بحتت فيه: بس حتى انا نشتغل 🤨
احمد : بس الشغل الي نبيك فيه اهم
دينا ناضت متنرفزه و خشت خلت الباب مفتوح
احمد صبا صكر الباب و رد قمعز
دينا: هاااا شن الشغل 🙃
احمد تعالي قربي بنوريك حاجه على اللابتوب و كان يتكلم بجديات لعند ما دينا حست ان صح موضوع شغل لفت من المكتب و جت جنبه طبست على اللابتوب لقاته طافي
دينا : تبصر صح
احمد مسكها من يدها اها نبصر 🙂
دينا تفك في يدها: حول خليني نطلع لا المكان مناسب و لا الوقت مناسب
احمد: اممممم بشرط 🙄
دينا: مسح وجهك اشرط و خلصني
احمد: نبي بوسه كيف امس 😉
دينا: عارف هنا في ثلاث سيسان و قزازه اخبط راسك فيهن و فكت يدها بالقوه و طلعت
دينا طلعت تبتسم و قلبها يدق بدون سبب
نعم انه الحب 😂❤️❤️
احمد: تمام ح نشعفك يا دودي 😈😂
__________________
