العروبي و عروس الريح

الجزء 55

🌾العروبي و عروسة الريح 🌾
💄الخنساء 💄

الطبيب:نحلو ورقة؟
شوفي هاد السحابة

حلات السحابة لي كان مطبوع وسطها

"الاكتئاب " 💭

الطبيب:فاش كاتقادا الطاقة لي عطانا لمغناطيس.. كانقدرو نرجعو ناخدو مرة مرة شوية الطاقة و لا كاندوزو لمرحلة خرا..
عاد لمرحلة ما بعيداش على لولة.. تقدر تفرق بيناتهم سيمانة جوج أو كثر.. و يقدر ما يفرق بينهم والو..

فاضطراب ثنائي القطب..

كاندوزو من جوج نوبات.. نوبة هوس لي كاتاخد واحد لمدة لكن فأي لحظة كايوقع اضطراب و كاطيح فالاكتئاب الغني عن التعريف..

الاكتئاب بمراحلو معروف و كايخلينا نضربو ليه لحساب..

مراهق ؛طفل؛بالغ.. كلهم يقدر يحضر عندهم لاكتئاب..
حزن؛بكاء؛ فراغ..
لي غايخليوك تنسا راسك و تنسا ما كايضور حداك..
آخر همك لقرايا؛ لماكلة أو لخدمة..
النوم حتى هو كايلعب معاك مرة ما كاتشبعش منو و مرة ماكايجيكش أصلاً..
داك الإحساس بالندم و الذنب لي عا حتى كايطيح عليك و كايخليك تبقا تحاسب و تعاتب فراسك..

و في خاتمة الاكتئاب يظهر الموت منقداً*

محاولة الانتحار و لا غي تجرب بلاما تحس كايتعتابر نتيجة مفروغ منها للاكتئاب!

رجعات وجدان راسها لور كاتخمم و تعاود.. آش هادشي؟

الطبيب:عرفنا دابا علاش كانهضرو

وجدان:اضطراب ثنائي القطب

الطبيب:مزيان.. فهمتيه؟

وجدان :شوية

الطبيب:داكشي لي بغيت
باراكا علينا من لهضرة دابا.. ندوزو لحاجة خرا؟

وجدان :ممكن سؤال؟

الطبيب:باغا تحصليني.. يله سولي نسمع

وجدان متجاوزة دوك لأساليب دالضحك ديالو.. واخا ما قالش ليها راك كاتعاني من ثنائي القطب..
يكفيها أن كل كلمة قالها جرباتها فالواقع..

وجدان:واش كايكون ديما

الطبيب:على حساب لمرحلة.. كاين لي كايحس بيه بتغير لفصول مثلاً!

وجدان هزات فيه عينيها كايمعني عليها لا؟

الطبيب مكمل :فالصغر قليل لي كايلاحظو.. لأغلبية ما كايحكروش على ولادهم.. و كايرجعوها لضغط دلمدرسة..
لأغلبية ما كايحسو حتى كايوصلو للمراهقة.. عاد كاينتابهو بلي المزاج ديالهم مامنتاظمش.. أولى يلاحظها شي حد قريب ليهم..
فلأول تقد تكون نوبات خفيفة مرة فعامين مثلاً
و مع لوقت و لا الضغط كاتطور المرحلة ديالها..

وجدان:و السبب؟

الطبيب باختصار:كل حاجة كانعيشوها دابا ولا غانعيشوها غدا..
كايكون لمصدر لبارح..