مرحبا
انا ايميليا عمري 17 من العراق بس عايشه بالاردن انا الوحيده بنت لاهلي عندي اربع اخوان شباب
علي ... عمره 29 ... ضابط
مأمل ... عمره 27 ... ضابط
ليث ... عمره 26 ... ضابط
حسين ... عمره 24 ... ضابط عن قريب ( بعده ما متخرج )
كلهم ضباط و انا اريد اصير متلهم ضابطه بس بابا يكول دكتوره لان هاد الشغل للرجال مو للبنوتات
علاقتي كلش قويه بأخواني و هواي احبهم لانهم دائمًا يداروني و يطلعوني و شريد يجيبولي بس اكو خلافات بيني و بين البعير اقصد حسين 🥲
صار النه تقريباً 16 سنه نحنا عايشيين بالاردن بس مع ذالك ما نحجي اردني لان اذا نحجي رح ننكتل من بابا ما يقبل اي احد يحجي بغير اللهجه العراقيه يكول انتو انولدتوا بالعراق و تعلمتوا عله اللهجة العراقية تحجون اردني عليش
احنه اصلنا من البصره انا انولدت ببغداد لان وكت الي اجيت بي جنه عايشيين ببغداد ... اخواني مولودين بالبصرة بس ماما مو من البصره ... ماما من السليمانية
نعمم ماما كرديه 😅 لا تسئلون شلون انجمعوا لا السالفه كلش طويله
... انا مو محجبه و اهلي راضين ما يحجون لان هذه الشي اختياري 😁
- ايميليا وينج شو تعاي
- هااااا مامي هسه جايتج
-
الست سوندس تصيحني خلي نشوف شتريد
طلعت من الغرفه وانا اسحل بروحي سحل وصلت يم الدرج درت وجهي اريد ارجع للغرفه لان ما بيه انزل الدرج
- ايميليااااا وين شارده نزلي بسرعه
- شنو عندج حساسات شمدريج انا يم الدرج
- اي عندي حساسات و هورنات نزلي بسرعه
- جايه جايه لا تصرخين تره اصيح ابويه
- لاوللله تهدديني بأبوج
- اي اي هذه بوبايتي اهدد بي
- دنزلي و شوفي شسوي بيج
نزلت و جان تلزمني تجرني من أذاني عليوي جان كاعد
علي - يمه عله كيفج وياه لا تضربيه خطيه
- ما تشوي السانه شطوله
ايميليا- شطوله مال لبن
- انوب تحشش السخيفه
- سخيفه لو سقيفه
علي - اموله كافي
- اوي نزول عليك انته شرايود
- رايد اكتلج
- اوي اوي وين بابي
- لو تموتين ما اجيبلج الابتوب
- لا يعمري انته اخويه احزام ضهري حبيبي اتقشمر وياك
- بعد هاي اللواكه افكر اجيبلج
- :وياك جيبلي حلويات لان خلصن العندي 😔
- ولج شبسرعه خلصتيهم ذاك اليوم جبتلج كراتين
- غير امك ياهوه اليجي و تكلي انطي شي من عندج
- لا مو امي انتي هايشه بس تاكلين فيخلصن
- اني هايشه روح ولله زعلت
- يعمري اتشاقه وياج هسه اطلع اجيبلج الابتوب و حلويات و شتريدين عله راسي انعل امه وابو الي يكول لا
YOU ARE READING
حب ابن العم و ما يفعل
Teen Fictionيا نور دربي.. لقد نسجت لصورتك بروازاً من ضلوعي، وجعلت عيوني لها حرساً، وقلبي لها خادماً، لو حاولت أن أصف لك ما بقلبي من حب لنفذت جميع أوراق العالم، فأنت بالنسبة لي كل شيء في حياتي، أنت عمري ومستقبلي وحاضري وأحلامي، وثقي ثقةً تامة أنني لا أستطيع مخاص...
