الدكتورة أسيرة الزعيم 🔫👩‍⚕️

الحلقة 54 و الأخيرة

دار ماكس و شاف في سام بمعنى اسكت سام قرب منو و هدر : لا أستطيع إخفاء هذا أكثر
كارتال يشوف فيهم و ماشي فاهم والو
ماكس: سااام قلت لك اصمت
سام بنبرة حادة : لقد احترمت رايك في هذا الموضوع لسنوات كثيرة لكن يكفي فهذا قد خرج عن السيطرة و يحق لكارتال معرفة الحقيقة كاملة
كارتال: اي حقيقة؟ تحدث هيااا
سام سكت شاف في جوري و في ماكس و قرر يهدر : في اليوم الذي حدثت فيه الحادثة هذه اي موت زوجتك صوفيا و ابنك جورج لم يكن ماكس لديه أدنى فكرة عن اختطافهم لانه كان في مصيبة أكبر...لقد قامت مافيا العنكبوت باختطاف امه و كان شرطهم باخذ الفلاشة الخاصة بالمشاريع الجديدة في الشركة و بما اننا كنا نحن 3شركاء قرر زعيم مافيا العنكبوت باللعب من طرفين فقام باختطاف ام ماكس بدون علمك و زوجتك و ابنك بدون علم ماكس لانه كان يريد الفوز فعندما علم ماكس باختطاف امه اخد ماكس معه فلاشة و اعطاها الزعيم و في تلك اللحظة استطاع انقاذ امه من بين أيدي المافيا و في طريقه إلى المنزل هاتف زعيم المافيا و قال له : في المرة المقبلة لا تقرر اللعب مع الزعيم ماكس و انهى المكالمة و في هذه الأثناء أعطى زعيم المافيا امر بقتل صوفيا انتقاما لماكس و لانه خدعه و بعد ذلك وصلت لماكس رسالة فيها عنوان و رسالة " هدية صغيرة لك و يستحسن الذهاب قبل فوات الاوان " فترك امه في القصر و طار إلى العنوان وجد سيارتك في الخارج استغرب و لكن لم يعطي اي اهتمام و عندما دخل كانت الصدمة عندما رآك جالسا و بين أحضانك صوفيا و جورج و هم غارقين بدمهم لم يعرف ماذا يفعل عندما رأيته و قلت له انه هو السبب صمت و لم يعرف بماذا يجيبك و منذ ذلك اليوم دخل ماكس هذا العالم المظلم ..........هذه هي الحقيقة يا كارتال ..
شاف فيه لقاه غارق بدموعو و هو يشوف المنظر بحد ذاتو مرة أخرى قدامو جوري لي شهقاتها تزيد
ناض كارتال بكل غضب و وجه سلاحو نحو ماكس: لكن هذه الحقيقة لن تغير شيء سوف انتقم لصوفيا و جورج قوص بتجاه قلب ماكس و كانت رصاصة طائشة لانو ماكس تفاداها بمهارة و هنا كي سمعو القوات العسكرية صوت سلاح تدخلو ز بسرعة كبيرة كانو في الغرفة معاهم
احد الظباط: انزل سلاحك
كارتال شاف فى ماكس وسام و في رمشة عين دور السلاح و صوبو على راسو و هو يشوف في كل واحد فيهم بنظرة الم لحق عند جوري: اتمنى ان تسامحينني يوما ما و تيرا و استقرت الرصاصة داخل راسو و طاح جثة هامدة مع الخلعة تاع جوري حست حاسة سخونة بين رجليها حبطت رأسها لقاتو دم معى لي جات تنوض حتى سيطر عليها السطر و عيطت عيطة هزت الارجاء و خلات ماكس كي المهبول راح يجري ليها رفدها و داها لاقرب سبيطار راح هو و سام لحقو بعدما رفدو جثة كارتال ...
واقف و متكي راسو على الحيط و رافد رجل حاطها مع الحيط مغمض عينو و صورتها الحاجة الوحيدة لي يشوفها خرجت الطبيبة من عندها جات عندو: عفوا سيدي
شاف فيها و هدر بلهفة و خوف : ما بها ماذا هناك؟؟؟
الطبيبة : هي بخير لكن لم نستطع انقاذ الطفل للاسف الشديد و لأن نفسيتها تعبة جدا طلبت مني عدم القول انها فقدت طفلها لكن انت زوجها و يحق لك المعرفة و هي الآن محتاجة جدا لك و يجب عليها الابتعاد عن العلاقة الزوجية لمدة معينة و اتباع المعاينة ....بالشفاء مجددا
دارلها ايه براسو و وقف راح يدخل تردد مع الاول مي في الاخير دخل لقاها مكسلة و يدها على كرشها تمرر فيها بهدوء و تشوف في السقف و عينيها معمرين راح قعد قدامها حط يدو على شعرها يمسحلها فيه باسها بوسة هادية خالية من أي مشاعر مش مليحة قبلة حب و احساس بالندم حط يدو على كرشها و مررها و بدأ يهدر بكل هدوء : بالاك هكذا احسن بالاك ربي سبحانو شاف انو هكدا احسن بالاك كان راح يجي مريض و ربي حبلك الاحسن متخرجيش من رحمة ربي
جوري: و النعمة بالله .....كيفاش عرفت بلاصتي؟
ماكس حكالها كلش و انو رجعها لعصمتو و انو دارلها كاميرة قدام الدار
ماكس: علابالي بلي ماراكيش رايحة تسمحيلي مي اعطيني فرصة خليني نتلافا كلش و راح نوعدك
شافت فيه و ضحكت عنقها و حبط باسها بوسة نساتها فكل شيء جبد عليها كي حسها محتاجة هوا باسها في راسها و خرج دار إجراءات الخروج و راحت لدارها و راح معاها طيبلها سوبة و وكلها راح تكسل و حطها فوق صدرو يلعب بشعرها و هدر : منك و علاجالك و بيك لي عرفت الحب و معنى الحب و الرومانسية جامي كنت ماكس لي معاك مع اي واحد في الدنيا دخلت هاد العالم المظلام و السبب تعرفيه و بعد موت يما زدت حقدت و اصريت و ملكت اسمي بجدارة و اليوم قدامك و ليك نوعدك انو خرجت من العالم المظلم هاداك راح نبدأ من الصفر نوعدك راح نعاود من الصفر راح نحل شركة و نطورها بحبك و بيك انت لي راح نولي ماكس جديد...
طلعت رأسها تشوف فيه و في عينيه و الكلام لي يقولو بلا اي تردد باستو و هو غرق معاها كانو كان يستنا فيها جبدت عليه و قاتلو بنبرة عشق: نعشقك ❤
ماكس: نموت عليك❤❤

بعد5سنوات:
فتح الباب و شاف الدنيا كالم : حبيبي جوري
هو غلق الباب و شغل الضو حتى
الكل: happy birthdayyyyy
ضحك و شاف الكل مجمعين و ضحكو سلم عليهم و الكل يتمنالو عيد ميلاد سعيد
سام: كل عام و انت بخير صاحبي
ميار: لعقوبة ل100سنة
كريم و لامية: طوال العمر ان شاء الله وليدي
جميلة و جوليانا: كل عام و انت أفضل اخ و ابن
جات تمشي بخطوات ثقال حتى لحقت عندو كانت لابسة روب لي جابهالها قبل6سنوات في عيد ميلادها باسها من رأسها: كل عام و انت أفضل زوج و حبيب كل عام و انت سند و ظهر ليا كل عام و انت ليا وحدي كل عام و انت بالف خير حبيبي ❤
ماكس عنقها: ربي يخليك ليا و يديمك تاج فوق راسي يا روحي ❤❤
قطعو القاطو كلاو و دا ماكس الهدايا تاعو سام مدلو بواطة فتحها لقاها حجرة منحوت عليها اسمو من ذهب
سام: باش تحطها في الشركة لي في غصون 5سنوات طورتها و رديتها أكبر شركة منافسة في العالم ضحك معاه و عنقو خدا بقية الهدايا و شكرهم على السهرة و على كل حاجة و طلع هو و جوري للبيت دخل و غلق الباب راح عنقها من للور و باسها في رقبتها بوسة خفيفة
ماكس: متعرفيش الدرجة لي نحبك فيها شكرا و بزااااف على كل حاجة درتيها معايا شكرا لي دخلتي حياتي و شكرا على السهرة لي ماراحش ننساها بفضلك باسها بوسة خفيفة في شفافها
حتى هدرت : حبيت الكادو تاعي يقعد هو اللخر
راح فتحت الخزانة و جبدت منها علبة صغيرة و مدتهالو فتحها و شاف صباط صغير و معاه تحليل ايجابي شاف فيها بنظرة تاع منيتك؟؟ دارتلو ايه برأسها و هي الدموع في عينيها كي شافتو يبكي من الفرحة راح عنقها بكل قوتو و حبط عند كرشها و باسها: راح نكون تفضل اب ليك يا وليدي ولا بنتي طلع عندها باسها في راسها : ربي يخليكم ليا ❤
جوري: و يخليك لينا يا رب ❤🥺

Ettt voilà notre histoire 🥺❤❤
ان شاء الله تكون عجبتكم و تكونو قريتوها بكل حب كيما كتبتها انا بكل حب و شغف و المغزى انو وين تكونو راح تلقاو الحب مي لازم تعرفو كيفاش تخيروه ❤🥺و ان شاء الله يكون طريقكم مفتوح و تلقاو الحب لي يبدللكم حياتكم و نظرتكم للحياة نحبكم و في قصة أخرى و رواية أخرى و مغزى آخر ❤❤❤🥺
Fatiha.ben💜