"طلقني"
مين قال ان الترك سهل وإن التخلي والبعد آثاره بتخف بالوقت.. هو في جسم بيعيش من غير روحه؟؟
_على مهلك يا منار يا بتي عشان اللي في بطنك. امشي بشويش يا بتي بدل ما العين تصيبك وتصيب اللي في بطنك أصل اللي ربنا مبيديهوش حاجة بيبص عليها عند غيره بحقد وسواد
..ده كان كلام عمة جوزي اللي بتكلم بنتها الحامل وتقصد ان انا اللي هحسد بنتها منكرش اني حسيت بالقهر وقلبي وجعني من كلامها أصعب شيء في الدنيا ان الواحدة تحس ان انوثتها مش كاملة وتخيل تبقى ناقصة اهم حاجة وتكون عاجزة.. عن انها تبقى أم .. دموعي نزلت غصب عني قومت وطلعت الأوضة بتاعتي.. دعوتي أني ابقى أم مبتفارقش لساني . أنا مش معترضة على قضاء ربنا ..بس غصب عني ..انا ليه بتعاير بحاجة في ايد ربنا مش في ايدي؟؟
.حسيت بصوت نوح مسحت دموعي وجريت عملت نايمة اول ما دخل غمضت عيوني
_فرحة .. يا فرحة نوح
حسيت بيه وهو بيقعد علي حرف السرير وبيشيل عني الغطاا
_جومي يا فرحة بعد اذنك انا عارف انك صاحية ده مش وقت نومك طب جومي قوليلي حد زعلك طيب ولا تعبانة ولا ايه اللي اللي فيكي
مكنتش قادرة استحمل رميت نفسي في حضنه وبكيت .. بكيت كل حاجة..
كنت بحضنه بكل قوتي كنت خايفة اتحرم من حضنه فبحاول اخد كفايتي من حضنه يكفيني ويطمني بعد مايسيبني كان عياطي بيزيد كل ما اتخيل اني ممكن ابعد عنه
_عتبكي ليه يا نور عيني مين زعلك وأنا مبيتهوش ع وش الدنيا
_خليني في حضنك يانوح اوعي تسيبني.. فرحة تموت من غيرك يا نوح اوعى تزهق مني او تملّني
_حضن نوح موجود لأجل فرحته بس ويحرم على غيرها ولا عمره يزهق منيها أبدا مالك يا روح جلب نوح.
انسان بجمال قلبه وحبه ليا ميستاهلنيش يستاهل الاحسن مني .. يستاهل واحده تحقق أمنيته وتجيبله الطفل اللي بيتمناه
_نوح؟؟
_أؤمري يا عمر نوح
_طلقني يا نوح
_ انتي عتحكي تجولي ايه .. هزارك بقى ماسخ اكده ليه
_أنا مبهزرش يا نوح .. طلقني أرجوك أنت متستاهلنيش .. انت تستاهل ست بجد ست كاملة تقدر تحققلك رغباتك وتجيبلك ابن من صلبك.. انما يا نوح انا زي ما مامتك وعمتك بيقولوا انا أرض بور .. مفيش مني أمل.. وانت يا نوح كتر خيرك أنك صابر ومبتتكلمش
_انتي عتهلفطي بالكلام اكده كيف انتي فقدتي عقلك اياك ولا ايه يا دكتورة.. بصي يا فرح كلمة وماهتنّيهاش .. أني مرايددش عيال غير منك ولو مش هييجوا مهيجوش من غيرك والموضوع ده يتقفل وميتفتحش تاني والا مش هيحصل طيب .. عن اذنك
_انت رايح فين
_غاير في دا.هية
خرج ورزع الباب وراه فضلت مكاني ببكي واعاتب نفسي مش عارفة ازاي لساني نطقها وطلب الطلاق مع اني عارفة ومتأكدة ان في بعدي عنه موتي.. بس انا فعلا مستكتراه عليا.. حد في جمال قلب نوح يستحق كل حلو يستحق طفل يشيل اسمه
عدت ليلتين وانا مبشوفش فيهم نوح ومبيدخلش الاوضة عندي.. ليلتين وانا بعيدة عن حضنه وحارمني منه بيعاقبني هو كمان وفي الليلة التالتة باب أوضتي خبط قومت بسرعة على أمل يكون هو فتحت لكنها كانت حماتي وعمة نوح كان نفسي أقفل الباب في وشهم أنا عارفة ان جمعتهم سوا مفيهاش خير لكن احترامهم واجب ع الاقل لاجل عيون نوح
_اتفضلي يا ماما اتفضلي يا عمتو
_احنا جايين في كلمتين معوزينش نتفضل عملتي ايه لابني
_أنا؟؟ أنا معملتش حاجة أنا مشوفتش نوح بقالي 3 ليال
_إيوة عملتيله ايه بقى أنا شوفته وهو خارج من مطرحك وهو غضبان وراح عمكتبه ومعيخرجش منيه واصل غير للشغل
_أقسملك معملتش حاجة يا عمتو أنا عملت زي ماطلبتوا مني وطلبت منه الطلاق زي ما قولتولي أنا عملت كل اللي طلبتوه... في ايدي ايه اعملوا انا تعبت بجد
_ مسم.. تلاجيكي عتتنحنحيله اكده وتبكيلك دمعتين تماسيح بجولك ايه يابت البندر ولدي لازمن ولابد يكونله عيل من صلبه تجوليله يتجوز طالما مرايدش يطلجك
_ايه يتجوز ؟؟؟؟ حضرتك ازاي تطلبي مني كده ؟؟؟
_إيوة يتجوز إيه اللي يجبره يعيش معاكي وانت كيف البوم ووش فـ.قر أرض بور وانتي لو عتحبيه صحيح ورايداله الخير تخليه يتجوز
