🍒🍃🍒🍃🍒
🍃🍒🍃🍒
🍒🍃🍒
🍃🍒
🍒 51 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🍒🍃
بشرى ضحكت وهي ترمي عليه بجامته بعد ماطلعت لها بجامه : كلنا نعرف وش ورا هالنظرات الا فياض مايعرف
فياض بضحكة : الله بيدخلك النار ع سوء طنّك ترا
دخلت بشرى تغسِل وسط تنهيدات فياض .. تفكيره بثنيان اللي رجع بوجه متغير تماماً وماهو بنفس نظراته لما كان معهم وابتساماته اللي يوزعها بدون شعور
خرجت بشرى وهي تشوف فياض سارح وما غيّر وعقدت حاجبها باستغراب : توّك حلو وتضحك ، شفيك كشرت؟
فياض رجع لوعيه وهو يهز راسه بنفي : ولا شي
رفعت بشرى حاجبها بذهول وهمست لنفسها : تناقض فياض كالعادة
.
الصـباح , بمركز الاستخبارات
الليث تأفأف وهو يوقف قدامه بملل : ماحد بيشككهم فيني غير كثّر استدعاءاتك لي ! خلص وش بغيت؟
الرئيس " غازي " : اعتقد هالمّرة مُهمتك بتكون مختلفة
جلس الليث وهو يناظر غازي ببرود : وش هي ؟ غرّد
غازي : لُزوم تتزوج اخت ثنيان
الليث رفع حاجبه بذهول وتلّتها ضحكات في المكان بأكمله وهو يأشر على نفسه : انا ؟ اتزوج ! ومن مين ؟ اخت ثنيان
احتّدت ملامحه فجاة وهو يرمق غازي : انجنيت انت ؟ تبي تقتلها بدل تحميها؟ وثنيان ؟ بالله يعني بيعطي اخته لواحد من العصابه ياسلام على التفكير الغبي والمحدود
غازي بغضب : الزم حدّك !
الليث بغضب اكبر : حدودي لازّمها بس شوف حدودك انت
غازي : اوامر هذه ماهي شي اخذ رايك فيه ، بتتزوجها لجل تحميِها وانت تعرف تدبّر علاقتك وتقنع العصابه بأنك تقترب من ثنيان !
الليث : وش الفايدة من كل ذا !
غازي : الحين انا اللي مع العصابه والا انت ؟ شغلك صاير يتدهور
الليث بتفكير وتذكّر : بيرجعون يخطفون نجد؟ ويلّون ذراع ثنيان بأخوه بنفس الوقت ! هم قالوها بشكل مُبهم
غازي هز راسه : يوم وصلت لنا البارح هالكلام جلسنا نحلله لانك ماكنت بعقلك واضح ولا هي مفهومة مرة
الليث رمقه بغضب بسبب استهتاره معاه وهو يوقف : وانا وش وظيفتي ؟ غير حماية اخت ثنيان
غازي : تسكِتهم لفترة بأنك بتشتت ثنيان عنهم ، لجل يتراجعون عن اذية هجام واخته وتقول لهم بأنك انت نفسك بتلوّي ذراع ثنيان بنجد خاصة انك تركتها تمشي بعد ما امروك بخطفها !
الليث وهو يحس بضغط شديد مسك شعره بقوه : ما انفّع للزواج انا !
غازي : لفترة ، وطلّقها بعدين
الليث : وهي كيف بترضى بخاطفها؟ وثنيان
غازي استند بهدوء : صار وقت انك توضح لهم انك استخباراتي ، اعتقد ثنيان مارح يفضحك وهو عارف شغلك ، واخته بتصير حرّمك اما بالنسبه لبقية اهله مايعرفوك اصلاً واكيد ثنيان بيتحمل مسؤوليتك المهم انك تسارع ، يعني بكرا انت عندهم مالِك
الليث ضحك بسخرية : تطقطق علي انت ؟
غازي : عقلك وين انت هاليومين ! وقتنا يروح قلت لك لو علمت ثنيان بيتفهّمك عسكر بيعرفون لبعض خلصنا !
الليث خرج من عنده وهو يحس بصداع .. لا زال مو مصدّق كمية الفوضى اللي يعيشها !
.
بالجامعِة الظهر ، تمشي بجنبها جسد فقط وتفكيرها محصوُر بكلامها بالامس لثنيان
نجد دفتها بخفه لجل توعى : الو اكلم الجدار انا ؟
هتان وقفت جنب سيارتها : هلا ؟
نجد بعقدة حاجب : فيك شي انتي صح؟
هتان بتشتيت : لا طبعاً ، مافيني الا العافيه بس مب نايمه بارجع انام تبين شي
نجد وهي تشوف سياره ثنيان : لا ، هتان متأكدة ؟
بلعت هتان ريقها وهي تنتبه لثنيان وهزت راسها وهي تبتسم تطمنّها وابتعدت بتوتر وهي تصعد سيارتها
كسّرة بداخلها جات لما رفعت انظارها له وشافته يشتتهم ولا كأنها موجودة اخذت نفس وهي تنطق بصرامه لنفسها : حمدلله والشكر ترفّض وتزعل ليش يصد عنها غبية
.
مّر يومين الويِكند باحداث لهم كلهم ، هتان مشغولة مع ابوها اللي رجّع نهايه الويكند بعد بكاء هتان وطلبها منه ان يجلس .. ونجـد مشغولة بشي جديد ومصدومة !
دخل عليها ثنيان بعد ما وصلها من الجامعه يعطيها خبر عن الليث وكانت بتصدر الرفض القطّعي مباشره
وهي مصدومة ان كيف ثنيان نفسه وافق يجي يقول هالكلام وهو خاطفهّا ! واعطاها كامِل المعلومات عنه
نجد تجهل هالاشياء لكنها خافت تخطِي هالخطوه .. استخارت كثير وما تحس بشي شوفّتها هالصباح وملكتها بالليل لو وافقت بحُكم الليث وشغله !
رغم ان هجام مصدوم من الزواج السريع اللي جا بعد رفض صديقه عيسى ! الا ان كان مرتاح بأنها راح تتزوج
وابو ثنيان ماكان منه الا الموافقه !
اعطتهم الموافقة المبدأية رغم انها كانت رافضة الشوفه الا ان من الشرع ، وطلب من الليث ..
🍒📚 @storykaligi 🍒📚🖋
🍃🍒
🍒🍃🍒
🍃🍒🍃🍒
🍒🍃🍒🍃🍒
أنت تقرأ
شاركيني لو مشينا دروب الهنا واعذريني لو لقيتي بدروبي عنا
Chick-Litرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
