🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 73 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🍁🍃
فياض وقف بهدوء وهو يمسح على وجهه اكثر من مرة ونطق بتهدأة : يا بشرى افهميني يرحم لي اهلك ! انا جاهز للعلاج بس انتي لا ! سوا مني والا منك انا راضي باللي كاتبه الله انتي ليه معترضة
مسحت بشرى دموعها برجفة : والنعم بالله ماني معترضة لكن
فياض برغبة في انهاء النقاش : مافيه لكن بشرى خلاص ! سكري هالموضوع ما ابي اسمعه لو من جد تكنِين لي مشاعر يزعجني بطريقة مو طبيعيه يا بشرى افهمي
التف لطرقات الباب وتقدم وهو يفتحه ببرود ويسحب الصينيه من يد العاملة ، تقدم للطاولة اللي قدام بشرى وترك الصينيه واشر عليها : تعشِي لانك ما اكلتي عدل بعدها بتتعبين وممكن تتركين كلام حصة بالجدار ؟
بشرى رجعت تكوّرت على نفسها وهي تصد ببكاء وزفر فياض وهو يخرج من الغرفة بغضب كبير من الموضوع.
-
أمريكـا ,
فتّح عينه من ابتعدت بفزع وكأنها استوعبت اللي سوته
ابتعدت عنه بالكامل بعد ما نطقت برجفة : انسى كل شي
ودخلت العمارة من جديد ، زفـر من حركتها وابتسم من حس بـ بصيص امـل ويتمنى فِعلاً تسامحه ..
•
•
يوم جديد على الجميـع ، ببـيت فاطمة تحديداً
جالسة نجد جلسة شعبية بحت بعد ما غيرت ملابسـها باحدى ملابس جدتها القديمة تجهـز اغراض ورق العِنب مع احدى العاملات بالمطبخ عكس بقية المنزل الضاجة براوئح العود .. باستقبال العِرسان
-
فاطمـة وهي تنادي نجد : يابنتي اتركي شغل الورق عنب وروحي تجهزي عيب عليك تطلعين لهم بهالشكل
خرجت نجد ورابطة شعرها كعكة : يالله يا جدة ترا اقصاهم ثنيان وهتان ماعليك اساساً مايبينون عرسان كانهم يعرفون بعض من سنة الطبعه
ام ثنيان بغضب : استحي على وجهك يلا اشوف ! ماودي اشوفك بهالشكل بكرا سامعه !
نجد : يمه ترا تزوجت يعني مايمديك تزوجيني خلاص ! عساني لو اطلع لهم بكيس زباله رحت عليهم خلاص
فاطمة : يالله انك تهّب عقل لهالمجنونة
نجد تخصرت بزعل : لجل ثنيان وهتان كل هالجروح ! يلا عادي هي جات على جرحي يعني
بشرى اللي نزلت وهي تشتم رائحة البخور : ردّت روحنا من الريحة
سلّمت عليهم بهدوء وهي مستغربه : من اللي رح يجي ؟
فاطمة مدت المبخر لبشرى : ثنيان وزوجته
تركت بشرى المبخر بذهول : هتان ! ماهو كان عقد قران وملكة والعرس بعدين
ام ثنيان بهدوء : رفضت البنت لان مالها صاحب تقول
بشرى لوت شفايفها بحزن : ونجد ! بعدين على الاقل كان سمحت نسوي حفلة بسيطة لها حرام بهالشكل تقبّل !
فاطمة : عاد حنا ما خبرناها بس بنسوي لها استقبال حقيقي بكرا ! الزواج اشهار ومحد عرف بزواجهم مارح اسمح لها تسوي اللي سوّته !
نجد تقدمت : هتان ما تحب التجمعات وتخاف منها ! يعني يا جدة بكون عليها اصعب واصعب كونها عروس
فاطمة بحنق : راضية تجي بهالشكل ! بدون عرس وتجهيزات ! انا ما ارضى عليها اجل
ابتسمت نجد بهدوء : بس تكفين جدة انا بكون معاها صحيح لكن لا تتركيها بوسط كلام الحريم لان مايخلص غير ان عارفتهم يسألون اسئلة على قلة سنع وهتان بتستحي ترد !
بشرى هزت راسها بتأييد : غير انها مب سعودية والكل بيشوف الزواج عن حُب وان ثنيان عسكري كيف اخذها وبيجلسون يسالون كيف عرفها وكلام كثير
نجد بعدم اعجاب : قصدك غيبة ونميمة ! وع دايم اللي يتكلمون ما يشوفون عيوبِهم
تعدلت بشرى بالوقوف : ماعلينا ، انا رايحه للدوام اشوفهم بالليل ان شاء الله ؟
نجد ضحكت : بس مارح تكون كاشخه
استغربوا جملتها وقاطعهم دخول ثنيان وهتان بعد خروج بشرى والسلام عليها .. وسط تغاريد فاطمة وام ثنيان وضحكة ثنيان وهو ماسك هتان المستحية نطقت نجد بعدم صبر : هتان ترا هذا استقبال على قدنا بس بكرا الاستقبال الحقيقي اما الحين
رمت عليها احدى ملابس جدتها : غيري ملابسك حبي خلينا نشتغل على ورق العنب
ام ثنيان بغضب من نجد : نجدوه !
ضحكت هتان بخجل : هو على تخرِيب كشختي عادي لاني ما كشخت وايد
ثنيان هز راسه بسخرية : ولا شي اصلا ياروحي ! من قال انك كاشخه
رمقته بهدوء وهي تسحب اللي رمته نجد : ولاني ما اقاوم الورق عنب اعتقد اني بساعدك
نجد : تدرين انك غصب بتساعديني اصلا ! لان امي وامي فاطمة بيروحون الحين وما بيبقى الا ثنيان وطبعا مو مهم
ثنيان بذهول : عجيب والله!!
فاطمة : لا تقللين ادبك يا بنت
نجد اشرت على خشمها : على هالخشم ، انتو روحو بس وخلونا نستمتع
فاطمة : مطبخي لا توسخينه
نجد اشرت : عندي عندي صدقيني بترجعين تشوفينه يلق
🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁
أنت تقرأ
شاركيني لو مشينا دروب الهنا واعذريني لو لقيتي بدروبي عنا
Chick-Litرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
