💐🍃💐🍃💐
🍃💐🍃💐
💐🍃💐
🍃💐
💐 80 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 💐🍃
ثنيان بغضب عليها لجل توعى : لا تجزعين يا نجد حرام ، الليث استخباراتي يعني طبيعي مو كل الشرطة بتعرف عن شغله! بلا شك بيتضح ان في الاستخبارات عندهم ومجرد مخابرات بالعصابه امسحي دموعك انا بشوف وضعه
نجد مسحت دموعها ونطقت بأمل : وعد يا ثنيان؟
ابتسم ثنيان وهو يمسح بقية دموعها ويقبل جبينها : وعد ياروح اخوك
مسك ذراعها وهو يقوّمها : روحي هيا واستانسي ! لو تثقين فيني شوي رح تتركين الموضوع علي والليث بيطلع سليم طيب ؟
اخذت نفس رغم خوفها الا ان ثقتها كبيرة ابتسمت بمجاملة وهي تاخذ نفس وتزفره ليتعتدل وجهها من حُمرته ..
.
عِند الرجال .. جالس فياض والغضب بلا شعور يتخلله بسبب ضغط العمل ، جلس ثنيان جنبه بارتياح واستغرب سكوت فياض بالمجلس وسط سواليف الجميع !
التف له وهو يصغر عينه ونطق بتساؤل : فياض
انذهل من شروده ووضع يده على رجله وهو يرجع يساله : فياض !
التف فياض له : سـم
ثنيان : سم الله عدوّك ! وش جرّى لك انت بعد
فياض هز راسه وهو يزفر : امور الشغل بس
ثنيان تنهد بحزن وهو يستذكر : هّونها وتهون ، يبي له قوة وصبر واجرنا على الله
ابتسم فياض بغّرابة ووقف وهو خارج .. راقبّه ثنيان لين ماخرج والتف على جده اللي ساله : وشبه عمك
ثنيان بهدوء : لا تحط بالك جدي امور بالشغل بس
وقف وهو يعدل شماغه ويخرج خلف فياض باستغراب وانذهل من شافه يدخن : تدخن فياض !
فياض ببرود : وحده ما تضّر
استند ثنيان على الجدار وهو يراقبه ونطق : وراك بلّا انت؟ ماهو بس على شغل
فياض هز راسه بنفي بتهّرب : ادخل ليه خرجت ؟
ثنيان تكتف ببرود : انتظرك تتكلم ؟ وشبك
فياض اخذ زفرة من الدخان وهو يخرجه من انفه : مافيني شي قلت لك ، ادخل ثنيان
ثنيان : براحتّك
-
بالداخِـل .. جلست نجد جنب هتان ونطقت هتان بتوتر : ويّعه يا نجد قايلتلج لا تهدّيني بروحي ، اقولج شوفي ذيج المرأة سالتني سوال والله من خوفي مادري شرديت
نجد ابتسمت بهدوء واستغربت هتان سكوتها : هي انتي شفيج؟
نجد ابتسمت لها وهي تهز راسها : بعدين احكيك لاني لو تكلمت الحين ببكي
هتان بخوف : صايرلج شي !
نجد اعتدلت : بعدين هتان تكفين
التفت هتان للي سألت فاطمه باستغراب : ماشاء الله والله حلوة ، كيف طحتوا عليها ؟ ع الاكيد حب السالفة
ضحكت فاطمه وهي تربت على كفوف هتان البارده : حُب والا تقليد مايفرق يا زهرة ولا ؟ اهم شي انعقد القلب بالقلب ولا
ابتسمت زهره وردت الاخرى وهي تنطق ببرود : طيب انعقد القلب بدون خاتم ولا شي يبيّن زواجهم ؟
رفعت هتان حاجبها بذهول وهي تخبّي كفها وتشتم النسيان ونطقت ام ثنيان : عمره الخاتم ماكان محط تنبيِه عن زواج او غيره ، اللي بينهم اكبر من خاتم يا ام احمد
هتان همست لبشرى اللي جلست جنبها ونجد : يمكن صج انهار لو ماخلصت الليلة !
نجد : ماعليك منها ذي مرة مسويه تدقق !
زمت هتان شفايفها وهي تحاول ما تكشر
-
الساعه ١ ، اختلى المكان الا من العايلة
هتان وقفت بهدوء بعد ما سمعت الرجال بيدخلون : عن اذنكم انا بروح ، تصبحون على خير
ابتسمت فاطمه لها وام ثنيان وهم ياشرون لها وجات بتصعد ووقفت من سمعت حصة تتكلم مع امها : كان لقت لها شي اكثر من اللي لابسته ؟ سودت وجهنا شفتو كيف ملامحهم يوم شافو فستانها ! قلة حيا
صعدت هتان بغرور وابتسامه على محياها من قهرت حصة
تاففت نجد وهي توقف بالمثل : انا بعد تعبانه بروح ابدّل وانام
بشرى وقفت من حست بان الدور جاي عليها ومالها بوجع راسها بالذات مع حصة : انتظريني نجد
رمقتهم حصة باستخفاف وهي تسمع اميرة تتبسم : عادي يا عمة مب شي جديد عليها
ام ثنيان رمقت اميرة بنظرة ونطقت فاطمه بغضب : بتتركون جلستنا حش ؟ اسكتي انتي وياها يلبسون اللي ودهم
تجاهلت حصة دخول الرجال : اسمحي لي يمه لكن لبسها ماهو من عاداتنا وتقاليدنا
قلّب ثنيان عيونه بملل وهو يدور بعينه على هتان : وين حرّمي؟
ابتسمت فاطمه : صعدت فوق يمه
فياض ابتعد عنهم بيصعد ونطقت فاطمه باستغراب: فياض يمه عسى ماشر؟
ابتسم فياض لها يطمنها : ماشر يمه تعبان ودي بالنوم
حصة : روحو لحريمكم روحو كل وحده تبن اكثر من الثانية
استغفر ثنيان وهو يتجاهلها ويصعد خلف فياض اللي باله مب معاها ابد
-
دخـل ثنيان وابتسم بتوسع وهو يشوفها تتحلطم بالجوّال وعرف مُباشرة انها تكلم ابوها .. جـلس خلفها ع السرير
ولفت من حست فيه وابتسمت بهدوء : ايه يبه تو داخل
ابعدت الجوال وهي تنطق بهمس : يسلّم عليك .
💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
