شاركيني لو مشينا دروب الهنا واعذريني لو لقيتي بدروبي عنا

البارت 83

💐🍃💐🍃💐
🍃💐🍃💐
💐🍃💐
🍃💐
💐 83 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 💐🍃

نطق الليث بهدوء : تفهمين وش اشتغل انا ؟
نجد هزت راسها بنفي : بس اعرف انك توصل معلومات قيّمة جداً
ابتسم بهدوء لها وهو ياخذ نفس ويزفره : يا كثرّك على قلبي يا نجد
رفعت وجهها له بتوتر واخذت نفس وهي تشتته وتضمد جرحه بالشاش ابتعدت وهي تنطق وتناظره : وش هو شغلك ؟
الليث شتت انظاره بالغرفة بتعب : لو عرفتي نقطة من الشغل بتتعبين ، ممكن ننسى الشغل الحين ؟ مُرهق
نجد ناظرته بهدوء : ماعندك ملابس هنا ، بروح غرفة هجام اخذ لك ملابس واجي
مسك كفها وهو يهز راسه بنفي : اتركيك ، ما بنام هنا
هزت نجد راسها باصرار : الا بتنام ، شايف نفسك انت ؟ ليث متى بتترك الغرور والمكابرة روقّنا خلاص
تركته وهي تصعد لغرفة هجام ، استند على السرير وهو من كثر الغبنة اللي تنتابه وده يبكي

-
بعد الفجر ، يلبس الليث ببرود ملابسه وشعره ينقط موية
متجاهل المكيف اللي مشتغل وعيونه على نجد النايمه بهدوء
اقترب يتأملها ودنى عليها وهو يقبل خدها لثواني وابتعد
خرج ببرود نظراته وهو يشوف المكان مظلم وهذا شي متوقعّه مستحيل احد بهالوقت صاحي
خرج من المزرعه وعقله مع نايف رئيس العصابة ، والقهر محتويه رغم ان عارف انه بخطر الا ان ماهو على الليث الخوف وخاصة باكثر الاوقات اهمية ومتطّمن ان كسب ثقة نايف من جديد .. صعد سيارته وهو يستند ع الكرسي بهدوء وتفكير طويل استغرق دقايق فز من طق النافذه وعقد حاجبه من شاف فياض وجنبه ثنيان نزل وهو يوقف بجنبهم تكلم ثنيان بهدوء : حمدلله ع السلامة
الليث : تسلم
نطق فياض بحدة : وش تسوي هنا؟
الليث ببرود وفياض وحدته ماهو وقتهم عليه : العب ، وش تشوفني اسوي يعني ؟ جيت لحرّمي
فياض : حرمك بعدها ما صارت ببيتك ! لا صارت ببيتك حزتها حرمّك
الليث ببرود تكتف : حرمّي بعرس والا بدونه ، دام العقد انكتب مالك حق توقفني بهالشكل حتى لو اخذها بحضني
فياض خنقه بغضب ومسكه ثنيان بذهول : فياض شفيك زوجها !
نفض الليث نفسه بذات البرود وهو يركب سيارته ويشتم فياض ، ابتعد عنهم بسرعه كبيرة ونطق ثنيان وهو يوعي فياض : وراك بلا كل من جا قدامك هبدته وودك تطلع حرتك فيه ؟ جنيت انت
فياض بصراخ : ايوه جنيت ! انا مجنون ليه توقف جنبي
ابتعد عنه وهو يدخل وضحك ثنيان بذهول وهو يدخل خلفه : يالله تهبّ له العقل ياربي
-

وصـل الليث بعد ساعه ونزل مستغرب من المكان وطُلمته عاقد حاجبينه ومدخل كفوفه بجيوب البنطلون وهو يبحث بانظاره عنهم ، دخـل داخل المستودع وهو يظن ان غيروا محلهم من فرط الهدوء بالمكان نزل نظارته وهو يلف بفزع من سمع احد خلفه موجه له السلاح .. نايِف ماغيره !
نايف بابتسامه وسيعه وهو يحّد السلاح براس الليث : هلا بالإستخباراتي

فتح الليث عينه وهو مستنـد على كرسي السيارة بفزع واستغفر من فرط الشُعور .. دخـل بكابوس تركه يحلم بنايف رغم ان موضوعه سرّي ! ويعرف ان صعبة ع نايف يطلّعه
غمـض عينه لثواني وهو يسترد انفاسه رغم صدمته الا الخوف بعيد ع الليث ، ولو صار اللي صار لكان الليث بكل جُمود بيصارع نايف .. ومستحيِل ولو على جثته يتكلم بشي

-
بدأ الصباح يداهمهم وفتحت نجد عينها وبحثت بعينها مباشرة عليه ومالقته وتنهدت بحزن ، بيرجِع لقوقعته لجموده ولغموضه ، كانت عارفة ان لحظاتها معاه بالليل ما كانت الا عابرة ولان الليث تعبان .. ومن استرد قِوته بيرجع لصرامته ولحزنها
ابتسمت تبعد الحزن عنها بروقان ، جو المزرعه وانفاسها
تتركها غصب تروق ، خرجت وهي تدندن بفرح لاشعوري ودامها بأول الصباح والاغلب نايم وطفشها بيتركها تسنّع الفطور للجميع ..

.
عِند فياض نزل ليربط جزمته وعقدت بشرى حاجبها وهي تعتدل : ما اخذت اجازة؟
فياض هز راسه بهدوء وهو يوقف لينهي النقاش : بداوم اليوم مع ثنيان وبناخذها
بشرى وقفت وهي تناظره : متى بترجع طيب ؟
سحب العطر وهو يرش منه وهز اكتافه ورد بعد ثواني بهدوء : مادري بنخلص اللي بيدنا ونجي
اخذت نفس وهي تزفره وابتعدت عنه من حست بعدم رغبته بالحديث من مُماطلته بالكلام وتأخرّه بالرد
خرج فياض وهو يسكر الباب بخفة واخذ نفس وهو يزفره ويشتم كل شي سيء يصير الان تاركه يعكر مزاجه ..

💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐