💐🍃💐🍃💐
🍃💐🍃💐
💐🍃💐
🍃💐
💐 84 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 💐🍃
نزل وهو يتوجه للمطبخ بيشرب مويه وابتسم من لمح نجد فيه قرّب منها ولفت له من حست بوجود شخص
وفصخت سماعاتها وهي تبتسم بتوسع : اهلاً اهلاً صباح الخير
فياض ابتسم بفرح ونجد الوحيدة اللي تغير نفسيته : اهلاً بحبيبة عمها ، وش تسوين؟
نجد اشرت على الخيار : ابد اقطّع ، نفسيتي حلوة لدرجة بسوي الفطور اليوم بتجلس صح؟
فياض اخذ نفس وهو يشتت انظاره بتفكير بعبط : لعيون حلوتي اجلس ليه لا ؟
ابتسمت وهي تضحك : تنتظر الكل يصحى صح؟
هز فياض راسه وهو يرفع جواله اللي يرن : انتظر انتظر باقي وقت واساسا انتظر اخوك النايم يصحى لجل نروح سوا
ابتعد عنها وهو يخرج ويرد على جواله ، ورجعت نجد تكمل شغلها لفت من سمعت رساله من جوالها وبفضول اقتربت تشوف من مين .. تركت اللي بيدها مُباشرة من شافت اسم الليث وفتحت رسالته ، بلعت ريقها وهي تشوفه يسألها عن صحوتها وكتبت له " جلست من ساعه تقريباً ، وينك؟ "
الليث اتصل مباشرة وردت نجد وهي تجلس على الكرسي : ماتوقعت بتصحى من الفجر وتروح ، ليه مشيت؟
الليث شتت انظاره عن سوالها ونطق : الساعه ٧ ليه صاحية الحين ؟ ونمتي متأخر
نجد : جاوب على سؤالي وبجاوبك !
الليث بمراوغه : اي سؤال !
نجد بطواله بال ردت : ليه مشيت !
الليث حك ارنبه خشمه وهو ينطق : لاني جيتي غلط اصلا !
رفعت نجد حاجبها وغمضت وهي تكتم قهرها وردت : ودام تشوفها غلط ليه جيت من الاساس ؟
سكت وماعنده رد ، كيف يرد عليها ويقول ان كان باشد الحاجة لها ؟ كيف يعلمها ان طول هالسنين اعتاد ع الوحدة وما صدق على الله يكون بحياته شخص ، ويخاف عليه ! يا سعد الليث ويا مُناه لكن بطبيعه شخصيته ان مستحيل يبين هالشي بسرعه راضي ان حركاته تبان بس مستحيل ينطقها !
-
عند ثنيان وهتان ، قالب الغرفة بأكملها يبحث عن جواريبه ! اللي رتبت اغراضه هتان وهتان نايمه وما وده يصحيها الحين !
تأفف بقوه وهو يرجع يدور بشنطته وتمددت هتان بقهر ونطقت : ثنيان ما انام يعني ؟ صار لك سنه تحوم بالغرفة خلاص !!
وقف ثنيان ونطق : دامك صحيتي ! ما حطيتي لي جواريب انتي !
عقدت حاجبها وهي تحس عقلها للحين ما اشتغل وطالعته بصمت ، اشر لها وهو ينطق : الوو اكلمك !
هتان تاففت وهي توقف وفتحت عينها من كمية الملابس المرمية ونطقت بقهر : ثنيان والله ما اشيل ولا قطعه من الارض ! انت ترتب المكان
ثنيان بدأ يتنرفز ونطق بحدة : هتان ترا تأخرت يلا وين جواريبي
هتان بغضب : وين تشوف دواليغك بهالعفسة فهمني !!
ثنيان اخذ نفس وهو يمسح وجهه ويشوفها تدور معاه : مادري شكلي ما حطيت ! لازم لونهم اسود يعني ؟
ثنيان هز راسه ووقفت وهي تتخصر : لا تشلخ علي مب لازم ترا تحته بوت يعني ما يبين .. صبر بعطيك من عندي
ثنيان جلس ع الكرسي بتعب وهو يشوفها تبتعد وتفتح شنطتها ، رمت عليه جواريب ورمقهم باستخفاف وهو ينتظر منها تنطق بـ امزح او تردفها بضحكة لكنها فتحت شعرها وهي ترجع تربطه ببرود وتنتظره يلبسِهم
ثنيان رماهم بقربه وهو ينطق : تمزحين معي انتي ؟ انا البس كذا
هتان : هذا اكبر مقاس عندي
ثنيان : ماهو على المقاس يا هتان ! رجال بكبري ولواء وتحتي اكثر من ١٠٠ عسكري اروح لهم بجوراب سبونج بوب !
كتمت هتان ضحكتها وهي تنطق : شدعوه ثنيان ترا مايبين !
لفو لطرق الباب وابتسمت من سمعت صوت فياض ينطق بهدوء : ثنيان اصحى
غمض عينه ثنيان وهو ياشر لها بتهديد : البسهم الحين لاني متاخر ومتضطر لكن لا تظنين اني بلبس مجموعة قاع الهامور بالايام الجاية
نطق بصوت عالي ليسمعه فياض : صاحي ، بجيك
ضحكت وهي تسحب ملابسه وتتركهم على جنب ولفت من شافته وقف بيتوجه لجزمته وضحكت بقوه من شكله
سكتت من شافته يناظرها ودخلت الحمام
.
تركت ابريق الشاي وهي تبتسم لجدها عبدالله اللي ترأس الطاولة وبجنبه فاطمة وامها .. ابتسمت من نزول بشرى وهي تاشر لها : مكانك هنا يلا
بشرى ابتسمت وهي تنطق : صباح الخير
فاطمة : صباح النور والنوير يا بشرى الحياة
ابتسمت بشرى بتوسع وهي تجلس امام فاطمة .. بدو بالاكل ونجد مشتته انظارها بسبب الليث وفكِرها يروح اتجاهه بدون شعور
رفعت راسها لنزول ثنيان وفياض وابتسم ثنيان بهدوء وهو يسلّم عليهم .. وقف فياض جنب بشرى وهو يسحب حبة زيتون ياكلها ويرد على ابوه
وثنيان كعادته يتجه لامه وفاطمة ، ابتسم من شاف امه تمد له لقمه واخذها من يدها بعد ماقبلّ يُمناها ونطقت فاطمه بتساؤل : وين هتان يمه ؟
💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐
أنت تقرأ
شاركيني لو مشينا دروب الهنا واعذريني لو لقيتي بدروبي عنا
Genç Kız Edebiyatıرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
