شاركيني لو مشينا دروب الهنا واعذريني لو لقيتي بدروبي عنا

البارت91

🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 91 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌹🍃

بأمريكـا .. نرجع شويتين لبعد ما تكلمت مع نادر عن خطتها ورفضه بإصرار
نادِر وقف بغضب : هتاف انا معاك من يوم جيتيني لكن ما ننسى ان ثنيان ما يعرف شي ! تعرفين وش يعني كل ذا؟ ان صديقه بالروح واللي مأمن اخته عنده لجل ثقته ينصدم بزواج اخوه من مين؟ اختي
هتاف وقفت بهدوء : مايهمني ثنيان انت وهو بكيفكم انت عارف اساسا ان هجام كذا والا كذا بيسحبني ، ليه اذّل نفسي وانا بإمكاني اروح بكامل رضّاي ؟
نطقت بشبه حده : لا تنسى ياخوي انك السبب بهذا اساساً لو كلمتني عن موضوع عدم الطلاق كان ما كنا في هذا الموضع ابداً
نادر اخذ نفس وهو يزفره لتهدِئة نفسه : ورد ؟ تظنين ان ورد بتقبل بعد خمس سنين اختفاء ابوها يرجع ؟؟ غير انها شافته لاول مرة بالمطعم ! انتي حددي
هتاف باصرار : بنتي وانا ابخّص فيها
نادر بصراخ : لا يا هتاف منّتي ابخص ولا هي بنتك لحالك ! اذا مب مهتمة لنفسك اهتمي فيها ولنفسيتها ! بنتك صحيح لكنها بنتي بنفس الوقت ! انا ما مسكت نفسي عن كثير اشياء لجلها وانتي تخربين كل ذا ! اذا جالسه تفكرين بقلبك ترا قلبك ما يوديك الا للهلاك ! انا وانتي عارفين الحب اللي لو عساه نقطة بقلبك بيكبر لهجام وبتنسين ورد !
هتاف ضحكت بسخرية على كلامه : ماشاء الله يالثقة ! نادر اذا انت مرة معصب من موضوع طيف او غيرها ابداً لا تفكر تمشي كلامك علي !
نادر ناظرها لثواني بصمت وشتت هتاف نظراتها بقلة حيلة .. خرج نادر بعد ما نطق بصرامة : ما تمشين الا معاي !

-
بالمطّـار .. نادر اللي قدّم استقالته بكل رضى رغم ان عارف ان مايدري هل مستقبله منير بالسعودية والا لا ! لكن كل ذا لجل هتاف اللي بترجع السعودية وبتستقر ! ومثل ما قالَها قبل يا نعيش جميع بمكان واحد يا نموت ! لا مكان يشتتهم .. عاشوا مع بعض دايماً بيستثقل امريكا رغم انها اصبحت كُل حياته لكن لجل عين تكرم مدينه ~
طيِف اللي كانت اكثر شخص مرتاح من بينهم ، السبب اللي تركها تهرب من السعودية هو بنفسه يرجعها لااراضي الوطن بدون إصرار منه والاسعد من هذا هو نهاية الاسبوع اللي تضّم فيه عرس اختها !
كانت توزع ابتسامات على الجميع ببلاهة من فرط فرحتها وبجنبها هجام اللي يمشي بخطوات صارمة وانظاره على هتاف .. نادر وورد اللي بحضنه حاملّها
رغم تعكر مزاجه من نادر الا انه مرتاح بعد ما لمحهم
لو يتعب بنهاية المطاف يكسبهم راضيِ .. لكن ماوده يحارب من فراغ ابداً ~
طيف من لمحت نادر اختفت ملامح الابتسامه والفرح وادعَت الانشغال بجوازها .. نادر زم شفايفه وهو يشوف توقفهم امام بعض ونطق بجمود : اختي بجنبي لين ما توصل خبر لاهلك
ابتسم هجام باستفزاز وهو يناظره بجمود : ماتقدر تأمرني اللي افكره واقرره تمشي عليه
طيف ناظرت هجام وتنهدت وهي تشوف هِتاف انظارها ما نزلت من هجام .. رفعت حاجبها لوهلة بردة فعل عفوية وهي تسمع النداء : اعتقد ماتبون نفوت الطيارة صح؟
هجام لجل يستفز نادر مسك يد هتاف اللي حاولت تفلت نفسها بس التزمت الصمت من حست بشدّه يده
تجاهل نادر بمزاجه وهو يتوجهه للممر وبيده ورد
دخلوا الطياره وهم يبحثون عن كراسيِهم بعدم انتباه لنظرات ورد لهجام

تقدمت هتاف بجنب نادر ليجلسون بالكراسي اللي مع بعض شتت هتاف انظارها بين هجام اللي جنبها بالكراسي اللي بالمنتصف
كان نادر بجنب النافذة وبالوسط ورد وعلى الممر مكان هتاف بجنبها بكراسي الوسط كان هجام وبجنبه طيف
-
نزل نادر لورد اللي تنخزه لجل تهمس له وابتسم ع حركتها وهو يدنو لها
ورد نطقت بشبه خوف : خالو هذا اللي كان معنا من شوي بالمطعم يصرخ ليه جا معانا ؟
نادر بهمس لها ايضا : يصرخ على ماما ؟
هزت ورد راسها بالنفي : على خالتو طيف
نادر رفع عينه بحده لهتاف اللي مو جنبهم وزم شفايفه وهو ينطق : تعرفين هذا مين؟
هزت ورد راسها بنفي ونطق نادر بكراهية : هذا هو نفسه اللي طلعك من الحريق ورحنا المستشفى تذكرين ؟
ورد هزت راسها بالنفي ونطقت بخوف : لا هو يخوف دايم يصارخ
نادر هز راسه برفض وهو يمسح على شعرها بحنية : لا ياخالو هذا يحبك .. ماما بتحكيك مين هو بعدين طيب؟
ورد هزت راسها وهي تلف للامام وبيدها ايبادها .. عض شفايفه وهو يتنهد ويشتت انظاره
هجام وهتاف اللي كانو يتبادلون النظر بالصمت والعتاب سيد الموقف .. اثنينهم يفهمون بعض من نظره !

🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹