شاركيني لو مشينا دروب الهنا واعذريني لو لقيتي بدروبي عنا

البارت 118

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 118 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌻🍃

مسك ذراعها ونطق بحِدة : لا والله انك مب فاهمة اللي اقوله ! لو فاهمته كان ماقلتي هالكلام , تظلميني وكثير وياكبر ذنبك يانجد
كبحت شعور مُر داهمها , لثاني مرة يقولها " ياكبر ذنبك " ذنبّها انها انجذبت له رِغم انها ماحست او عاشت شي يتركها تحبّه او تنجذب له ، ذنبـها كبير لكن منه غير والله غير وشُعور مرير يحاوطها.
نجد زمت شفايفها ونطقت ببحـة : ياكبر ذنبي ؟ وانت ذنبك ايش
الليث بقوة : ذنبي حُبك بهالشكل !
-

" المُستشـفى "
تنهدت بملل وهي تشوف بشرى تكلّم الممرضة اللي معاها حول ملفات : لين متى بظل مسدوحة ؟
بشرى لفت لها وهي تترك الممرضة تمشي : لين يخلّص المغذي , ليه ماتبين أحد يعرف بحملك ؟
هتان شتت أنظارها بهّم : مابي احد يعرف قبل ثنيان , خايفة وايد ينتشر الخبر والكل يعرف واخر شخص يوصلّه ثنيان
بُشرى جلست على الكرسي ونطقت بمصراحة ودون خوف : احس الشي معجزة !
عقدت هتان حاجبها ولفت لها : شنو المعجزة ؟
بشرى : زواجك من ثنيان لحد حملّك كله معجزة , ماتوقعت ولا ١٪؜ اصلاً ان ثنيان يتزوج لان دايم كان رافض الفكرة من يكلمونه
هتان : انا مب اي وحدة , يبتّه من راسه
ضحكت بشرى : جبتيه من راسه صحيح , لكن هو جابك ؟
بلعت هتان ريقها وابتسمت بهدوء : مادري
بشرى : تزعلين؟
هتان باستغراب : ليش ؟
بشرى : احسك غير , فيك شي غريب صحيح انك صديقة نجد وتحبينها وهي بالمثّل .. لكن زواجك من ثنيان مايجي فراغ ! يعني تمام تحبُون بعض بس انا ماشوفه
هتان لوت شفايفها : شنو اللي ماتشوفينه؟
بشرى بتوتر : اخاف تزعلين؟
هتان ضحكت بسخرية : شدعوة ! قولِي
بشرى اخذت نفس ونطقت : يحبّك من نظراته لكن انتي تتحاشيه دوم ؟ غير اني احس بقلبّك كلام كثير تخافين تقولينه له ولاهل بيته , وعلى معرفتي ان ماعندك احد تفضفضين له
هتان رمقتها بهدوء ورجفت : شي مثل شنو ؟
بشرى بثقة : شي كبير لدرجة ان نجد ماتعرفه , تخافين تقولين لها هي نفسها
زفرت هتان وسكتت لثواني ونطقت بعدها : نصه صح ونصه غلط
اعتدلت بجلستها : احب ثنيان بس بطريقة غير , احبه لاني شايفه فيه اللي فقدتّه شايفه فيه الحنيِة البعيدة عني والسؤال عني , احبه لأن يفهمني واحبه لان مايخليني زعلانه لوقت طويِل ! كنت خايفة وايد ارتبط فيه كونّه مو مني وبتغرّب بحياتي زود ع سنين دراستي ولشي ثاني هو يحبني ويوضح عليه لكن انا اكتمّه لشي بداخلي
بشرى بهدوء : عارفة ان ما مر علينا كثير وقت لكن مواقفنا تشهّد , ماودي تجبرين نفسك تتكلمين بشي وعارفتك قوية من اول لقاء لنا لبعض مابيك تنكسرين بيوم لكنِي دون معاك وبصفّك
ابتسمت هتان وهي تحس الغصة ترتفع ، هربت الصباح من نجد لجل ما تقول لها عن حمّد ! وبشرى بدقايق حللت اللي فيها من سنين !
هتان بكسّر نطقت : كأني مُصابه بلعنة الحب ، كل ما حبيت تضرر اللي احبه

شافت بشرى هتان تحدّق بالفراغ بعد كلمتها ووقفت وهي تسكر الباب وترجع تجلس بجنبها : اعتبريني غريبّة , وكل اللي بتقولينه بظل بيننا هنا وعد مايطلع
هتان رفعت انظارها لها وشدت على كفوفها وهي تبتسم بسخرية : قبـل خمس سنين كنت مخطوبة لغير ثنيان
كتمت بشرى ذهولها وهي تمد يدها وتمسك كف هتان لتوقف رجفتها : حمّد ولد خالتي , احبه ويحبني عسكري بالقوات البحريّة .. لذلك انتشر عني اني اكره الدم والبحر واكيد وصلج العلم من نجد
هزت بشرى بمعرفة , هتان اخذت نفس عميق تحاول تكتم غصاتها اللي بدت تحضر : اول ماتخرجت من الثانوي بأسبوع كانت ملچتي لكن بيُوم الملجة وصلنا خبر استشهاده
مامنعت بشرى نفسها من اصدار شهقة خفيفة وهي تحس الدموع تتجمع في عينها واكملت هتان بدون خوف : حبيبي واخوي وخطيبي يموت واشوف جثته قدامي بعد اخر مهمة راح لها ! هذا الشي حتى نجد ماتعرف عنه
بشرى احتضنتها من زادت شهقات هتان وشدت هتان عليها , هتان ماهي قليلة مشاعر وماقسّت الا من عيشتها ! دفنت حياتها وعاشت من جديد بالسعودية بشخصية جديدة واشياء هتان ما كانت تسويها وسوتها !
تركت كل شي يحبه حمد فيها واولّه شعرها الطويل وحلمّها بأنها تدرس شي غير الاعلام !
اكملت هتان بعد مُدة من هدوءها : بعد هالحادثة جيت السعودية ودرست هني , عشان انسى كل شي يذكرني بحمد والعسكرية والدم والبحر
بشرى بخوف : ثنيان مايعرف لكنه بيعرف صح؟

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻