الحلقة 14
#أجسام_بلا_روح
#نهايات_العشق
ليار : شفتك صباح
قبل ماتكمل هدرتها عرفها وش حاتقول حكملها يدها و زيرلها عليها
خرجت اه صغيرة من فمها سحبت يدها و تشوف فيه و عاقدة حواجبها
ليار : خلوني نروح لدار لي كونت فيها نجيب حوايجي
اسمر : حابة @@@@ قدامهم كامل
ليار :خامج و ديجا حابة نحكي معاك وحدنا
اسمر :حتي انا عندي وش نقولكً
وقفت طلعت لبيتها لحقها غلق الباب وراه
وقبل ماتهدر هدر
اسمر : اسمعي نتي واقيل متفهميش بالهدرة تفهمي بحوايج وحدوخرينً
ليار :نتا متحشمش كامل متعرفش حاجة وسمها لقدر
اسمر : تخمامك لي خامج شوفي وين داك عقلك وحط صبعو علي راسها يخبط فيه
ليار : متزيدش تدخل فيا و متلعبهاش قدامهم راجلي معندك حتي علاقة بيا معندكش حق عليا
اسمر : مكفاكش العقد و زيد لي فكرشك تان لي ماشي مأمن حكايتو بكلها باش حبيتي نثبتلك
ليار : حاجة مبنية علي لخدع تسما هيا باطلة و هاد لولد جا نتيجة خدعة ولا تقدر تسمهيا اغتصاب ولا ليلة ل#جسد_بدون_روح سميها وش تحب قول عليها وش تحب
اسمر : باعك ليا باباك علابالو حتي هو كان علابالو و تعمد انا لي نقربلك و انا لي نلمسك و بدا يحوز ف يديه علي كتافها و يعض علي شفايفو
متوقعتكش عسل هكا
ليار :بعد هبلت متزيدش تقربلي وولد هادا متأكدة بلي ماشي منك
اسمر : هاو سرير اوراحي نعتلك كيفاه طيرتك لسما وقتها
وخليتيك تهزيه ف كرشك من ثانية لولة
ليار :متحلمش تقربلي لا نتا لا غيرك و راح ندمك و ندمهم و ندم لي مدني ليك هدوء هادا لي قبل العاصفة مستحيل نرضي بشي لي راه يصرا
اسمر : متقصريش فلي تقدري ديريه
ليار :يدمركم مصعب وهو بعيد عليا يدمركم
سمعو صوت دقديق راحت فتحت الباب دخلت ليهم و تتولج من يدها
ليار : امم نفسحلكم المجال تكملو لي بديتوه صباح
طلع حاجب و هبط ثاني يشوف معاها وقحتها معندهاش حدود
سلمي : رخيسة ملقتيش عليمن تحطي عينيك من راجل لراجل لهاد درجة معندكش قيمة و جسم ديالك من واحد لواحد كل داقو منك
يسمع في كلامها لي يقشعر منو لبدن عينيها يقطر منهم سم لسانها أطول منها بمواتر .... هادا كل من جينات العايلة لي بالوراثة الهصبية هادي ماشي فدمهم كلهم
بخطوتين لحق ليها حكم شعرها بيدو يزير عليه طلعها لمستواه و يهدر و يتنفس فوجها خلاو دموع يغرغرو فعينيها
اسمر : حدودك متتجاوزيهمش
تشوف فيهم و فالعرض لي عاملينو غمضت عينيها و فتحتهم تحاول تتمالك فأعصابها قدامهم و مدير حتي حركة خاطية
سلمي تحكي :
نفس صعاب عليا وكتا هادا تزوج علاه انا اخر من يعلم علاه مخبرونيش مانسوا والو عندهم لهاد درجة مستحيل نخليهولها شي لي يحكو فيه لي قالوه خلا جسمي كلو يرعش انا تعودت نكون انا صغيرة فالدار انا لمدللة انا لي كلمتي بالنسبة ليهم اوامر اسمر لي من صغري معاه فنفس القصر نشوفو يدخل يخرج نعرف كل خطوة يعملها اي مرا كانت تقربلو كنت نهاجمها لي نهددها بأهلها لي نقتلها لي نخليها تدخل للحبس بأي تهمةالمهم منشوفوش مع اي طفلة مستحيل نتقبل فكرة انو ييقرب لأي وحدة ثانية عشقتو حبيتو لدرجة الهوس مستحيل نخليها تعيش معاه وشي لي كمل عليا خبر حملها
شي لوحيد لي خليتو مثبت فعقلي و يدور بين عينيا هي ختي اصغر مني بسنين او اقل من سنة ختي من قاسم ختي من أغا لكبير لي هو بابا
تزوجت من اسمر و حامل منو بلاما نستني ثانية لحقتها لغرفتهم قوصت عليا قريب متت هكاك و مزال يحاولو فيها تسماحهم و يترجاو فيها مستحيل تقعد دقيقة بوجودي هنا انا لي نخرجهااا و ننهيها
______
تخلاصووووو حلقات اليوم وش رايكم فليار مصعب سيرين أسمر
كيفاه جاتكم شخصيتهم وش عجبكم وش معجبكمش نحب نقرا كامل تعليقاتكم
و تصبحو علي خير
#نهايات-العشق-/أجساد-بلا-روح
لي مفهمتش شجرة العائلة
أسمر وليد حديد
حديد خو قاسم
ولاد قاسم : ليار مايا سلمي فهد و ادم (مزال مجاوش )و عندو مرتووةو تان
زمرد :يمات حديد و قاسم
فريد بابات مصعب و سلوي
سلوي :ولادها ميسا و حواد
سمارا : شخصيتها متهمش درتها فحلقات لولين ادا مزالكم شافين
لينا عشقت جوااااد
مصعب : بنتوووو ليار لي لحكاية كامل عليها هيا لي طاحت بين عايلتين
ومع الحلقات الحاييييين راح نزيد شخصيات وحدوخرين يعني توقعو كلش
انا فهمتكم غير وش حطيت فالحلقات لي قبل.
#نهايات-العشق-/أجساد-بلا-روح
أنت تقرأ
أجساد بلا روح (➕18) كرونيك باللهجة الجزائرية
Mistério / Suspenseتدور لأحداث عن إنتقام و عداوة بين عائلتين أو عشيرتين بسبب خيانات زوجية و خطف و اغتيال و إغتصاب حدث في الماضي أدي إلي إشتعال النار فيما بينهم و في يوم تتم سرقة أحد فتاة و طفلة اغا العشيرة و استعمالها كأداة للقتل و إجرام ضد عائلتها الحقيقة دون معرف...
