الحلقة 22
#أجساد_بلا_روح
#نهايات_العشقخرج من عندها غلق لباب عليها و يمشي و يهدر مع روحو
فهد : ال@@@ انا لي نربيها ... دفلت علي وجهي ولا واحد تجرأ عليا اما هيا ال@@@@ لا مربيتهاش منتسماش فهد ... رفع يدو خبطها بقوة مع لحيط
طلع رفد طونوبيلتو و خرج راح عيط فتيليفون
. ني جاي لعندك
##### : مرحبا بيك فالحبس
_____
مايا : سلمى متقولي والو حالة مخلطة
سلمى : متدخليش
مايا : مالا متقوليش اوقفي معايا
سلمى : من نهار جات مشاكل محبسوش رجعوها لماليها
مايا حطت يدها كبست عليها باه تسكتها و ماتكملش هدرتها
سلمى :محملتش نشوفها تقعد يا تخرج ولا نموتها علي يديا و نخلف فيها ثار كي حاولت تقتلني
قرب ليها ادم يمشي وقف مقابلها سواسوا طلعت راسها تشوف معاه
ادم : عاودي وش قولتي
سلمى : من نهار جيت دافع عليها و تتحضن فيها كلي غير هيا ختك و حنا نن
ادم : كامل نفس المرتبة عندي
بلعت ريقها و تهدر معاه
سلمي : منحبهاش
ادم : راح تولي تحبيها ... حط صبعو علي راسها ... و حكاية ثار هادي متزيديش تعاوديها لي تهدري عليها ختك كيما ختي و متلعبيهاش واعرة تعملي اي حركة نموتك
يهدر و يعيط و هي مكمشة في بلاصتها خايفة يضربها لأنو ميرحمش كي جنونو يطلعو
سلمى : ياتروح هيا يا نخرج انا
ادم :يااار@@@ مراكيش عاملة حساااااااب لهدرتي قولي تراااا اهدري رفع يدو قرب يضربها اما بقات معلقة فالسما يشوف فيها تغطي فوجها بيديها و دموعها نازلين
ادم : اطلعييييي منحبش نزيد نشوف وجهك اطلعييييييي
طلعت تجري و مايا خلفها لاحقتها
______
فتح لباب دخل صابها قاعدة تستنى فيه راحت ليه تحضناتوووو
فهد :سجينتي
ميسا : مسجونة في عشقك
رفعها بين يديه و هيا لفت رجليها علي خصروووو حط شفافو علي شفافها يبوس فيهااا بخطوتين وصل للحيط ثبتها عليه وكمل يبوس فيها من شفافها لخدها نازل لرقبتها يبوس فيها قربت لودنوً
ميسا : ماشي هنا فالبيت أحسن
تبسم و رفع عينيه لي مذبلهم مع عينيها يشوف فيها
حطت يديها علي شعر ترفعلو فيه
ميسا : خلينا نروحو من هنا نبعدوو
فهد : أسيرتي
ميسا :تعبت من الحبس هادا حابة نتنفس
فهد : مش وقتها باه تخرجي
ميسا : لوقتاه
فهد : نحبك تحكيلي كلش متعلق ب ليار
حكمتلووو يدو و طلعت بيه لبيتها ديراكت ولا خلي تقولو سجن لي حاطها فيهبعد أسبوع قاعدة فالبيت ديالها بالدوبياس ناضت لبست تريكوهاااا هبطت للتحت حالة فارغة تحي الخدامة تنقي طيب و تروح اما اسبوع كامل قاعدة وحدها لادخلة لاخرجة حامو عينيها علي كل الدار بلاك تلقاه حدهاااا قعدت رفدت تيلفونها تعيطلها اما مزال تيليفونها طافي
ليار : ياااازح وش يكونو دارو معاها عاودت وقفت من مكانها فتحت الباب خرجت للحديقة تاع الفيلا فتحت يديهااا فالسما تكسل في عضامها و تستنشق فالهوااا فتحت عينيها قابلها واقف قدامهااا هبطت يديها لي غير رفعتهم طلع تريكو علي نصها لتحتاني شاف معاها من فوق للتحت
اسمر : منزيدش نشوفك خرجتي هكا لداخل البسي لي تحبي عليه براااا تلبسي لبسة محتشم قرب ليها حط يدو علي فخدها بدا يتلامس فيهم قرصهااا كي حس بيها توجعت سحب يدوووو من عليها .... حذرتك .... وجدي روحك راجعين
ليار : منحبش نرجع خليني هنا و نتا روح تهنيت منكم
اسنر : ماشي بكيفك
ليار : بكيفي ونص
أسمر : شاف فيهاااا خزة تاع موت
ليار : اوكي راني واجدة
اسمر : اطلعي لبسي طامعة تخرجي هكا باه رجليك يتكسرو
طلعت تجري تلبس و تهدر مع روحهااااا : مالا دوك تشوف ندير فيك ضعف لي درتو فلي قبلك اصبر شوية برك نظبط اموري
هبطت خرجت طلعت طول فالطونوبيل بلاما تحكي معاه قلع فثواني كانو قدام القصر تشوف فيه مزين و كل يجري لي يرتب لي رافد غراض دخلت فالحديقة عند البيسين طوابل مزينين بالورد الأحمر لون لي نعشقو معاه لون الأبيض لي مشبوح فوق طوابل قربت وقفت لتم فوسط لمكان توحشت اجواء الحفلات جاز ادم وقفاتو بصوتها و جرا ليه
ليار :ادم تاعمن الحفلة
تبسنلها و حط يدو علي راسها و نص تبسمة علي شفافو
ليار: قول
ادم : علي شرفك
ليار : علي شرف ديالي وش قصدك ههه
ادم : نعرفو ناس علي زوجة اسمر#نهايات-العشق-/أجساد-بلا-روح

أنت تقرأ
أجساد بلا روح (➕18) كرونيك باللهجة الجزائرية
Mystery / Thrillerتدور لأحداث عن إنتقام و عداوة بين عائلتين أو عشيرتين بسبب خيانات زوجية و خطف و اغتيال و إغتصاب حدث في الماضي أدي إلي إشتعال النار فيما بينهم و في يوم تتم سرقة أحد فتاة و طفلة اغا العشيرة و استعمالها كأداة للقتل و إجرام ضد عائلتها الحقيقة دون معرف...