الحلقة 35
#أجساد_بلا_روح
#نهايات_العشق
ستيلا : ينخاف منك هههههه و مفهمتش و سلمي كيفاه ديري معاها هي لي فضحاتك
ليار : اممم تبسمت علي جنب هيا فضحتني صورتني نبدل حوايجي علي حساب علمي مراحش تفوت علي مايا بالساهل وراح تتخرب علاقة بينها و بين هاديك @@@@
ستيلا : سلمي نيصرالها والو هكا كي خليتيهم يضنو مايا لي دارتها دهشتيني يعني وكتاه لحقتي تخططي
ليار : سلمي حسابها وحدو علي جنب نوحعهاااا ضعف الوحع لي دقتووو خليها تتمتع شوية ماعرفتش معامن طاحت
ستيلا : فاش نقدر نعاونك
ليار : حبيت فيديو تاع جواد لي صورناه نبدا بيهم و ندور لجواد مراحش نخليه يطول الوقت لي داه بزاف عليه
ستيلا : حابة تنوضي مجزرة حطيتيهم كامل بين عينيك
ليار : خليها تخرب راح نوقع بين الخاوة و بين العايلتين بعدها
ليار : مزال متدكرة عمايل جواد
ستيلا :ممم
ليار : راح نفضحوووو قدام كل لأغوات
ستيلا : مننصحكش جواد متتلعبلوش فهاد لأمور ونتي تعرفي وش نقصد ووقتها كان يعاون ف
يك كيي حح
حطت يدها علي فمها مخلاتهاش تهدر
ليار :شووووووت هبلتي حابة يفلقو بيا حتي حيوط عندهم و دنين هنا
ستيلا :لازم نخرج من هنا
ليار :اوكي خلي نوصلك لللباب نهدر معاهم يخلوك تخرجي
ستيلا : بلاكي علي روحك و علي راما
ذبلت عينيا معاها ليار : فيمن راكي توصي
ستيلا : هايا باااااي حبي
__________
في حيهة ثانية
أدم وش راح دير مع جمال و مصعب فالسفقة
اسمر :لازم نلقالهم ثغرة جمال ميأثرش اما مصعب متنساش هو عدو العايلة
ادم : مكاش فيمن نأدوه ليار ديناها منوووو ملازمش واحد من رجال لأعمال يقرب من بنات الأغاوات قانون حطوه هوما
أسمر : عليها وقتهااامقدرناش نقربو من ليار غير كي دينا ميسا ميسا بنت ختوو بنت ختو متعتبرش بنتو محسوبة علي باباها و باباها ماشي من الأغاوات لكبار
... هاد الموضوع ميأثرش علي السفقات و الخدمات
أدم : كيفاه قبلت تشاركوو.
أسمر : تهديد أنو يفضح انو وصلت بينا نتاجرو بالبنات و هادا الأمر ممنوع
أدم : هددك باه يدخل فالسفقة و مهددكش بيها باه ترجعلو ليار
اسمر : ليار كبيرة تعمل غير لي فراسها من لول كانت باينة خدمتوو بعيدة عليه هو فبلاصة و هي في بلاصة و جواد خدعها و فريد متحملوش و ميحملهاش و زيد تزوجتها باش تقعد هنا معانا
أدم : عارف ادا وصلت للمجلس راحت علينا
أسمر :علي هادي قبلت ولازم نبعدو نصيبلو ثغرة اما وشنوها معرفتش هدف ديالو حب يبقي قريب منها و انا راح نمنعو
أدم : غير ليار لي نقدرو ندو منها معلومات علي مصعب معلمها كلش
أسمر :علاقتك معاها مليحة أسلوبها يبين بلي مدربة مليح و ذكية و عندها بزاف جوانب فشخصيتها انا نعرف كيفاه نتعامل معاها
أدم : متستهزاش بيها عاشت مغامرات ميعيشوهمش لي فعمرها تستعمل كل لأساليب باه طيح بالواحد
أسمر : تقدر تقول عرفتلها عقلية مدام وكلني حديد و قاسم موضوعها من يوم عيني شافتهااا و لمحتهااا
أدم : امم عامين وًانا نعرفها كل يوم تخرج بقصة و كل
يوم تعمل حاجة تخليني نقول فداخلي مستحيل ليار هادي لي نعرفهااا تعرف علاه فريد يكرها هي لي خربتلووو كل أعمالو و سفقاتو
أسمر :اممم راح تحاول تخربلنا خدمتنا وجيعتها خلاتها تشوف كل مذنبين و انا لازم نلعبلها علي لحبل المعاكس
أدم : دير لي تشوفو مناسب اما ادا أذيتها تلقاني فوجهك
أسنر :مراحش تعلمني كيفاه نتعامل مع مرتي لازم نروح للقصر ق@@@ دوكا مصباح وانا فالشركة
راني خارج
ادم : انا مزال باه نجي تهلا شريك
_________
مدولي رايكم
#نهايات-العشق-/أجساد-بلا-روح
أنت تقرأ
أجساد بلا روح (➕18) كرونيك باللهجة الجزائرية
غموض / إثارةتدور لأحداث عن إنتقام و عداوة بين عائلتين أو عشيرتين بسبب خيانات زوجية و خطف و اغتيال و إغتصاب حدث في الماضي أدي إلي إشتعال النار فيما بينهم و في يوم تتم سرقة أحد فتاة و طفلة اغا العشيرة و استعمالها كأداة للقتل و إجرام ضد عائلتها الحقيقة دون معرف...
