لماذا احببتني

البارت ٣

التفتت على مصدر الصوت شفته عزام رغم من ماتت ماما تحسنت تصرفاته وياي بس اني ابد مااحبه ومارغبله

احب اكعد ويه حسام لان سوالفه حلوه بس هذا معقد وشايف  وقليل الكلام

اجاني سريع جان طالع 
... وين موليه
..لبيتنا
..شسوين عمي ماله خلك ونايم هسه
.. اي اروح لغرفتي  ماروح يمه
..امشي

سحلني من ايدي واخذني لبيتهم بس اني جان شوبه لساني طويل هذا الشي سببلي هواي مشاكل خاصه ويه عزاام ... تخبلت كمت اصيح عوفني وخخخخر مااااريد اروح واياااك شبيك انت متسمع

عاف ايدي وجرني من كصيبتي وكال

...والله يازينب مره ثانيه اذا طولتي لسانج عليه ولو على اي واحد اكصه الج سمعتتتتتي

...بجيت وكتله اريد ار  ار  اروح لبيتنا

..ماكو بعد روحه للبيت تضلين يمنه

.. ليش

وخر ايده من شعري ودفعني للبيت وكلي
..بساع لغرفه الحجيه خلي اشوفج طالعه

ركضت للغرفه بساع وتغطيت وكوه نمت بيومها

كعدت الصبح على صوت عزاام يربي شكد مزعج

.. ادري شنو ميته الساعه ب ١١ كومي راح اطلع وتعاي وراي نتريك

راح طلع كمت وراه لكيت عمو كاعد بلصاله وحده يكلب بموبايله شافني ابتسم وفتحلي ايده رحت يمه حضني وباسني وكالي

.. صباح العافيه حبيبتي

صفنت بوجهه اني جنت اعرف صباح الخير صباح النور

هو ضحك وباسني

...كومي تريكي حبيبتي
...عمو اريد اروح لبيتنا
...شسوين حبيبتي هنا خالتج وبيبيتج واني والولد
...اريد اشوف بابا صالي هواي مشايفته
... صفن بوجهي وسكت كال كومي حبيبتي تريكي وتعاي عندي حجي وياج

كمت للمطبخ لكيت بيبي مكمله الريوك توني كعدت نززني صوت عزام
... من شوكت صحتلج
...مو جنت يم عمو

باوعلي ماعاجبه   كالت بيبي ...اكلي حبيبتي اكلت شويه وكمت  لزم ايدي عزام وكعدني .
..اكلي بعد

..شششبعت

...ماكتلي شي ولج

كالت بيبي ...عوفها يمه تاكل على كد معدتها متشوفها شكدوتها اني جنت ناعمه حيل نفس وماما وخاله ام عزام صح قصيرات بس جانت اجسامهن حلوه دائما ماما جانت تكلي انتي طولج وجسمج مثلنا اني وخالتج 
جنت اضحك واكلها اريد اصير تكلي  انتي من هسه حلوه من تكبربن راح تصيرين احلى مني ...

جنت هواي اتذكر من حجي ماما لان جنه بس اني وياها بلبيت ودائما تسولف وياي

رحت يم عمو عبالي اروح لبيتنا كعدني عمو بصفه وكال

...والله يابنتي مدري شلون اكلج ومدري شلون راح تفهميها انت بعدج صغيره  جر نفس وكمل كلامه
شوفي حبيبتي ابوج وره وفاة امج حيل تعبت نفسيته
وسافر علمود يرتاح  
صفنت بوجهه

..يعني شنو سافر راح لمكان بعيد
..اي حبيبتي ان شاء الله من تتحسن نفستيه يرجع

رغم جان عمري صغير بس بيومها حسيت واحد ضربني على راسي من الصدمه شلون بابا عافني وراح

..بس عمو والله هو يحبني
..اي يبعد عمج منو كال ميحبج
..لش ماخذني وياه
..اني ماخليته حبيبتي السنه الجايه انت مدرسه هنا تسجلين ودرسين هنا يمنا احسلج من ماتتبهذلين

هزيت راسي وكمت شفت عزام واكف باب المطبخ ويسمع حجينا باوعتله ورحت لغرفه بيبي حسيت جسمي مكسر مدري ليش مدري من القهر
بس غمضت عيوني غفيت رغم جنت توني كاعده
فزيت على بروده لكيت بيبي وعزام كاعدين يمي
وعزام يسويلي كمادات وبيبي تكول
...شجاج حبيبتي توج جنتي مابيج شي

ماكدرت ارد عليها غمضت عيني ماريد احد يحجي وياي اني جنت اذا انقهرت اصخن وجت اذا ردت شي من ماما وماجابته انقهر وصخن وبابا يكله

..ليش تخليها تنقهر
وماما ترد عليه ...ماريدها تتعلم شتطلب يجيها صدكني تتعب بحياتها

وضليت على هذا الحال ٣ ايام وعمو  وعزام اخذوني للطبيب وكال مشكلتها نفسيه انطاني علاج اتحسنت عليه
بس صرت حيل انطوائيه بس الي يحاجيني ارد عليه حتى حسام دائما يصيحلي تعاي نلعب لو نطلع بره ماروح ابد احس هواي خسرت بحياتي وماكو شي يستاهل اعيش على موده

بس عزام جان يجبرني اكعد وياهم على الغده والعشا

..جنا كاعدين نتغده وفجأءه سمعنا صياح كلش قوي

..... يتبع