غضب المختار

البارت الثالث والخمسون

حتى وإن تعافى الإنسان ونسي كل شيء ستبقي معهُ تلك اللحظه التي أشفق بها على نفسه ستبقي راسخه في ذاكرته للأبد كندبه لا يمكن شفاؤها او تجاوز بشاعتها

اعتذر ع التأخير حبايب حالتي الصحية تعبانه كلش مريضه والله وهسه مابيه حيل وداكتب اشوف تعليقاتكم بس مكدر ارد
😞😞💔
نسألكم الدعاء❤️‍🩹💔

_________________________________

نواف: خذيتها الجنت ميت ع شوفتها خذيتها الجنت كل لحظه اموت وهي بعيده عني خذيتها
لا تلوموني يعالم انا عاشك عيونها وخذيتها هاي وجع كلبي
هاي تعبي وتعب سنيني هاي احلامي الحققتهن هاي ورده بستان كلبي دخلت وشفتها ورك ريحان حزين

ما نزلت عيني ليش احرمهن حلالي بويه حلالي ماجنت اعرف عيوني يضحكن جدام الوادم

ود: عمه عمي نواف شبي حتى ما انتبه ع عمتي من سلمت عليه طلع كبل

هيله: ولج ما ادري مصدومه حالي حالج فشلنه

نسمه: مبروك خاله ام مختار يوم لوليدج ان شاء الله

شيخه: بعد كلبي يا يمه بنيتكم بعد عينكم عليها

نواف: بعيوني

مينه: عيني بالكاع من دخل لحد ما كال اخر كلمه رفعت عيني عليه شفته صافن عليه رجعت نزلت عيني

ود: الكل صفن ع عمي من حجه زين خوش سمعنه شحجينه

نواف: احم مشتاقلج يمه

اخذت ايدها بستها وخليتها ع راسي

شيخه؛ يوم المبارك يا يمه صارت بنيتي الك
نواف يمه بامانتك

نواف: جا بالي مختار حظنت امي ونزلت دمعه ع عضيدي

وينك ابا ذر وينك يا خوي تعبني فراكك حيل هد حيلي

علي : صحت بصوت عالي يممممه

ود: هذا صوت غلي خير خلي اني اشوفه

طلعت للباب مال المطبخ ها علي

علي: خلي نواف يجي بسرعه حرمته طايحه

ود: يمه دره شبيها

نواف: شمالها دره

علي: اخوك حاير بيها لاكيها طايحه باب الحوش

ود: ركض عمي عاف الحفله وكلشي وطلع عماتي يصيحن عليه ما سمع احد ركض ولحكه علي هم

نواف: ركضت للبيت وصحت بصوت وراي ذرر سياره الحكني بيها بسرعععه

ذر: روح جاي ورااااك

نواف؛ وصلت للبيت راضي بالباب وينها