Love Me Like You Do || Complete || ✅

හොඳම හොඳ ජැකී

බිම තිබුනු රෙකෝඩර් එකත්තෙක්ක පත්තර කොලෙත් අතට ගුලි කරගෙන හුස්ම ඇද ඇද දුවපු මං කෙලින්ම ගිහින් නැවතුනේ වොශ් රූම් එක අස්සෙ..

ඔයාට හුඟක් රිදුනද? ඔයාට හුඟක් රිදුනද හ්‍යොං?? දෙයියනේ ඔයාට හුඟක් රිදුනද?? මගෙ ඔලුව වටේටම දෝංකාර දුන්නෙ ඔය වචන ටික විතරයි.

ඔයා ඒ වින්ද වේදනාව මටත් විදින්න ඕනෙ හ්‍යොං. මාත් ඒ වේදනාවම විදලා ඉක්මනට ඔයාගෙ ලඟට එනවා.. එතකොටවත් අපිට සතුටින් ඉන්න පුළුවන් වෙයි. අපේම ලෝකෙක සතුටින් තුරුලු වෙලා ඉන්න පුළුවන් වෙයි..

මං අවසිහියෙන් වගේ ටබ් එක පිරෙන්න වතුර පුරවලා ඒක ඇතුළට බැස්සා.. පත්තර කොළේ කෙලවරක හිනාවීගෙන ඉන්න හ්‍යොංගෙ නළලට තොල් දෙක තද කරලා අන්තිම වතාවට එයාව හරි ආදරෙන් ඉම්බා.. එයා තව ටිකක් ඇස් හීනි කරලා හිනාවෙනවා මට පෙනුනා..

ටබ් එකට වතුර පිරිලා ඉතිරිලා බිම දිගට ගලන් යද්දි මං පත්තර කොලේ පපුවට තද කරන් හීන් සීරුවට ඉකි ගැහුවා.. ඒත් මං සතුටින්.. ඇත්තටම මට සතුටුයි. මෙහෙම හරි ඔයාව දකින්නනෙ මට ඕනෙ හ්‍යොං.
මූණෙ ඇදිච්ච හීනි හිනාවක් එක්ක මං හිමීට වතුර යටට එබුනා..

හිතන්නත් කලින් මහ වතුර තොගයක් නහය අස්සෙන් ගලන් ගිහින් හුස්ම හිර කරන්න ගත්තත් මට මහ සැනසීමක් දැනුනා.. අන්තිමට මං ඔයා ලඟට එන්නයි යන්නෙ... ආදරේ උතුරන නපුරු ඇස්.. ඒවා මට මැවි මැවී පෙනුනා..

"එපා කූ අනේ ඕක කරන්න එපා..."

එයා වෙව්ලන කටහඬකින් ඈතක ඉදන් මුමුණනවා ඇහෙද්දිත් මං මුරණ්ඩු කොල්ලෙක් වගේ තව තව යටට ගිලුනා... තව චුට්ටයි කුකී ඉවසන් ඉන්න...

අහ් ඒක හරි අමාරුයි.. අනේ මට රිදෙනවා හ්‍යොං.. මට හුඟක් රිදෙනවා..

"කූ.. දෙයියනේ කුකී... දෙයියනේ මොනවද මේ කරන්නෙ..? මෙච්චරකල් තමුන්ව පරිස්සම් කලේ මේකටද??"

ඒ ටේ හ්‍යොං.. අන්තිමට එයා ඇවිත් මාව ටබ් එකෙන් එළියට ඇදලා අරන් රිදෙන්න තුරුල් කරගත්තා.. මං හිටියෙ පපුව රිද්දන කැස්සක් එක්ක ඕනෙවටත් වඩා වෙව්ල වෙව්ල.. ටේ හ්‍යොං ලොකු ටවල් එක්කින් මාව හරි පරිස්සමට එතුවා..