امنيتي

Malak Omar

انا هتجوز يا أمنية

ضحكت على كلامة واحنا في الكافية: تتجوز ومين هتستحملك غيري

قالها حسام وهو بيتكلم جد: انا هتجوز بجد امي مصممة اخد بنت اختها ريم

أمنية :انت قصدك ريم صاحبتي طب وانا... وعلاقتنا وحب ٤ سنين

حسام ببرود : انا محبتكيش وكمان دة كان مجرد وقت فراغ بنقضية سوا وكل شيء قسمة ونصيب

مسكت أمنية العصير وقعدت تشرب فيه بكل برود وهي بتشاور للراجل اللي بيقدم الطلبات وصل الراجل عند الترابيزة

أمنية : بقولك يا عسل عندك مية بسكر

الجرسون : اة يا فندم

كملت كلامها وهي بتبص لحسام : طب هات كوباية هنا للبية عشان وشة اصفر ومش عارف يقول الكلمتين إللي حافظهم

وجهت كلامها لحسام بعد الجرسون ما مشي : فاكرني هموت عليك دانت كلك علي بعضك يدوب تيجي تتكلم تتهتة .. من امتي طلعلك صوت وبعدين متتجوز ولا تتنيل وانا مالي

حسام ببرود وقلق : انتي مش فارق معاكي للدرجة دي .. هيبقي سهل بنسبالك كل السنين دي

أمنية وهي بتكمل شفط العصير : يابني انا كنت شيفاك اختي المهم قبل متتجوز ابقي عرفها اني كنت بحضرلك الرضعة اوعي تفتكر اني كنت بموت عليك وهعيط وكدة لا اوعي تنسي نفسك يا حسام دانا اللي كنت بقولك تقول اية لما كنت بتكلم امك انا بابا يلاااا

قامت أمنية وخدت شنطتها وهي بتشاور للجرسون :
اقفل علي المية بسكر يا دفعة دا محتاج ريدبول يداري بي خيبته

ضحك كل اللي في الكافية واتحرج حسام وخبه وشه

خرجت أمنية من الكافية وعيطت وهي بتحط أيدها علي بوقها عشان محدش يسمعها وكل ذكرياتهم بتيجي علي بالها من وقت ماكان بيشرحلها دروسها لحد ما بقي دكتور في الجامعة وفضلت معاة خطوة بخطوة كانت معاة لحد ماوقف علي رجله وبدأ ياخد خطوات جريئة في حياته وتقريبا اول خطوه خدها انه سابها

فضل حسام قاعد شوية علي جمب وهو زعلان علي الفضيحة اللي سببتهاله

رن تليفونه كانت ريم بنت خالته

ريم : اية يا حسام كلمتها

حسام: اة يا حبيبتي كلمتها ونهيت معاها كل حاجة متقلقيش

ريم بمياصة : احسن وهتيجي لبابا امتي

حسام: انا كلمت عمي من بدري ياريم وهو عارف كل حاجة

ريم بزهق : قصدي المهر والمقدم والشبكة لازم تتكلم فيهم بابا

حسام: اة هحدد معاد معاة واجيله

كانت أمنية سامعة كل الكلام دة لأنها واقفة في الجنينة جمب الترابيزة بتاعته وكانت بتعيط

قامت مسحت دموعها ومشيت بعد ما عرفت انهم كانوا بيلعبوا عليها ركبت تاكسي واتصلت علي صاحبتهم التالتة مريم

أمنية بهدوء: مريم اذيك عاملة اية

مريم بقلق : صوتك مالو يا أمنية انتي كنتي بتعيطي

أمنية : لا يا روحي اعيط لية بقولك اي البت ريم النادلة دي مبتكلمنيش خالص هي متخانقة مع الاكس ولا اية

مريم: متخانقة مع مين يا بنتي دي طلعت كانت بتحور علينا ومفيش اكس دي بتحب ايان ابن عمها وهو منفضلها وبتاع بنات

ضحكت أمنية بخبث ومثلت أنها زعلانة : يا حرام زعلت عليها طب بقولك اية ابعتيلي رقمة ورقم هيثم اخوها ورقم ابوها اهو الواحد يعرف ينقي منهم

مريم وهي مش سامعة كويس: اية بتقولي اية

أمنية : العب بالية .... ابعتي ابعتي .....

# Malak_Omar