رواية "مجنونة في مهمة حب سرية ♡"

البارت العاشر (٢) ❤

♡♡♡♡♡♡♡♡

و بدأت تخرج أصوات من حور بتدل علي إنها بدأت تصحي و تفتح عينيها براحة أوي و الكل أول ما شافوها بتفتح عينيها أخدوا نفس عميق براحة ....

عاصم : انتِ كويسة ..؟!
حور : هو ايه اللي حصل ..؟!
عمر : معرفش أنا كنت واقف معاكي و فجأة أغمي عليكي .
أحمد : سلامتك ألف سلامة .
هيثم : ألف سلامة عليكي يا ليلي .
عاصم : يعني ااا ..... بقيتي كويسة دلوقتي ...؟!
حور في نفسها : أنا لو قلت كويسة دلوقتي هيخليني ألعب قدامه و كده كده أنا ميته فخليني تعبانه أحسن ..... لأ مش كويسة دا أنا تعبانه خالص دا أنا بموت ...
عمر في نفسه: يخرب عقلك .. حتي في دي هبلة ..!
عاصم : طب ارتاحي انتِ .. يلا يا شباب يلا بينا علي بره .

خرج عاصم و الباقي خرجوا وراه و فضل عمر معاها ...

عمر : ايه رأيك ..؟! كده ردتلك الجميل .. مش كده ..!
حور : تمام يا معلم كده خلصين .

و قامت و نطت علي السرير و فضلت تقول : مش هنضرب .. هاهاي .....

و عاصم كان واقف ورا الباب و سمعها و قال في نفسه : آه يا بنت اللعيبه و أنا اللي صدقتها ...
و عاصم كان راجع تاني علشان يسألها إذا كانت عايزة دكتور و لا لأ ......

و عند عمر و حور .....
عمر : طب أنا دلوقتي هسيبك ترتاحي ...
حور : ماشي يا عموري .. باي باي .

و خرج عمر و نامت حور علي السرير و غمضت عينيها بالراحة و كان علي وشها ابتسامة جميلة ...
~~~~~~~~~~~~~~~~~~~~~~~~~~~~~~~~
و في مكان تاني .... في مستشفي سوهاج ....
كان كريم قاعد في الأوضة الخاصة بيه في المستشفي و كان بيطلع علي أوراق مريض بيشرف علي حالته و قطعه صوت خبط علي الباب ....

كريم : ادخل ..
وليد : ايه ياعم كريم .. كنت فين كل ده أنا سألت عليك كذا مره و كنت قافل تليفونك ...
كريم : مفيش يا سيدي .. كنت نايم و قافل تليفوني علشان محدش يرن عليا و يزعجني بس ...
وليد : اخصي عليك يا عبعال .. قافل التليفون علشان موصلكش .. طب و اللي في بطني .....
كريم : بطن ايه و زفت ايه .. هيفهمونا غلط يا عم ...
وليد : سندوتشات الطعميه ولا انت نسيت .. فاكي مستي رءيفت 😂 ( فاكر مستر رأفت ) .

كريم ضحك لما افتكر أستاذه اللي كان ألدغ في حرف الراء .. أستاذه رأفت ....

كريم : سبحان الله .. كل درس فيزيا ( فيزياء ) كان فيه كميه يي هبلة ....
وليد : اسكت .. ده كان مسخره ...
كريم : بس يا زفت بس .. والله كان كويس خالص .. وليد : هو الحق يتقال كان كويس بس كنت بكره الفيزياء كره العمى ...
كريم : يا شيخ مانتا كنت سوسه و بتضحك علي كل بنت بكلمتين و تخليها تغششك .. كنت بتغش منهم كل الامتحان و أخرك معاها خروجه و تسبها ....
وليد : مش مهم خلصنا و بقينا دكاترة ..
كريم : اه بقينا .. تعالي بص هنا ....

جه وليد و بص علي الملف بكل تركيز .. كانت الحالة اللي قدامه دي كنسر في المخ و في الرحلة الأخيرة و نسبة النجاح فيها ٢١ % ....

كريم : عاوز بس أسفره ألمانيا بسرعة ...
وليد : طب ليه ..؟!
كريم : مش عارف .. بس عاوز أعمله كده ....
وليد : انت هتستهبل ياض ولا ايه .. ما تقول .....!
كريم : والله مش عارف بس حاسس كده بمسئولية .. يمكن علشان ملوش حد في الدنيا دي ...
وليد : ربنا يجعله في ميزان حسناتك يا كريم .. هطير أنا علشان عندي عملية .. تمام ..!
كريم : أمال جاي ليه يا زفت ...
وليد : كنت جاي بس علشان أشوفك يا معلم .. قلقت عليك علشان تليفونك مقفول و مبتردش عليا ...
كريم : حبيبي يا أخويا .. يلا غور ..
وليد : ماشي يا عبعال 😆 .

و سابه وليد و خرج و ساب كريم فقعد علي الكرسي و رجع برأسه لورا و فكر وقتها و سرح ....
__________________♡__________________

يا تري ايه اللي هيحصل ...؟ و يا تري كريم هيعمل ايه في الحالة اللي معاه دي و ليه صعبان عليه بالشكل ده ..؟ و يا تري عاصم هيعمل ايه في حور و دا بعد ما قفش اللي كانت بتعمله ..؟ و يا تري هتتصرف معاه ازاي من هنا و رايح في المعسكر ..؟ و يا تري المعسكر ده هيخلص علي ايه ..؟ و يا تري ايه الأحداث اللي لسه هتحصل تاني ..؟

50 Vote + 50 Comments = New part.

❤❤❤❤❤

# El Tag # ♡.