هنصعد سلم الالتزام معا🥺💜🌸

العيال_والقرآن

#العيال_وسنينهم
#العيال_والقرآن 3 ((شقلباظات العيال))
#خبرة_لا_يستهان_بيها_طاوعوني 😂✋🏻

✋🏻أطول وأدسم مقال لإني عملت استفتاء على صفحتي نحط كل الشقلباظات  في حتة واحدة والا نقسمه، 90% قال نحط كله في حتة واحدة كمرجع واحد سهل الرجول إليه..
=====

🍄1/ هتقوليلي: أنا عملت كل إللي قلتي عليه يا أسماء في مقال العيال والقرآن1و2، ولسة برضو  مش راضي يحفظ 😑
👈🏻يبقى غالبا ابنك كبر وبقى محتاج شغل جديد وتجديد في الخطاب الديني😁 .. إزاي؟ —— هتزودي وتكثفي الحواديت المتعلقة بالقرآن وفضله وفضل أهله -تابعي مقال العيال_والقرآن6 عن حملة القرآن وخدي منه واشحني ابنك- ليل نهار قياما وقعودا وعلى جنوبهم بمناسبة وبدون مناسبة 🌹
وهتكرري عليه أهدافنا إللي قلناها لحفظ القرآن في مقال1 بردو.. #ماتستهينيش_بالتكرار

👌🏻وهديكي نماذج حوارية تحميسية، نوّعي بينها كل مرة:
🌿عارفين ليه يا ولاد بعض العلماء قالوا إن عدد درجات الجنة بعدد آيات القرآن؟ —-عشان النبي قال "يُقَالُ لِصَاحِبِ الْقُرْآنِ : اقْرَأْ وَارْتَقِ وَرَتِّلْ ، كَمَا كُنْتَ تُرَتِّلُ فِي الدُّنْيَا ، فَإِنَّ مَنْزِلَكَ عِنْدَ آخِرِ آيَةٍ تَقْرَؤُهَا"، فقال بعض العلماء "إذن آخر درجة عند آخر آية في القرآن". وعشان كدة عاوزين نحفظ القرآن.

🌿طب عارفين يا ولاد ليه بنتعب عشان نثبت الحفظ كتييير؟ —-عشان نضمن نسكن إن شاء الله في أعلى درجة دي في الجنة، إللي فوقيها على طول عرش الرحمن، بحيث يوم القيامة لما ييجي علينا الدور في التسميع نسمَّع بسهولة وما ننساش ولا آية وما نقفش، عشان كل مرة بنقرأ ونسمَّع آية بنطلع درجة، فلما نوصل لآية "من الجِنَّةِ وَالنَّاسِ" نبص يمين وشمال نلاقي النبيين والصديقين والشهداء وأبو بكر وعمر وأمهات المؤمنين وغيرهم من أهل الدَّرجاتِ الُعُلَى، "وحسُن أولئك رفيقا"، يعني أحسن ناس نقعد معاهم يا ولاد ❤️ ، طب لو نسينا الحفظ يوم القيامة؟ هنقف طبعا ☹️ .. طب لو وقفنا؟ هي دي الدرجة إللي هنقف عندها في الجنة، -إلا طبعا لو فيه عمل تاني ربنا كتبنا بسببه من أهل الدرجات العُلَى بفضله ورحمته ودي حاجة في علم الغيب- وإللي مش هينسى=هو إللي تعب في المراجعة.. وعشان كدة هو يستحق الفضل الخاص دة جدا ❤️ .. متخيلين يا ولاد قمة الإحساس باللذة والمتعة وإنت عمال تقرا بصوت جميل أحلى كلام في الوجود وكل ما تقرا تطلع سلمة وتقرب أكتر من أحلى نعيم وأحلى صحبة أكتر وأكتر 💚.. #الفردوس_يستاهل ❤️

🌿وإوعَى تقول لي يا ضنايا مش مهم يا ماما أي حتة في الجنة جميلة وخلاص إنتي قلتيلي إن الجنة مفيهاش زعل خالص😌.. عشان هقولك النبي حبيبك ﷺ قال " فَإِذَا سَأَلْتُمْ اللَّهَ فَاسْأَلُوهُ الْفِرْدَوْسَ" دي الجنة العليا إللي موجودة فوق كل الجنات ومنها بتتفجر أنهار الجنة كلها 🌹. وشفت النبي ﷺ قال إيه؟ قال: يقال لـ"صاحب القرآن" ❤️ ... أيوة إنت يا حبيبي.. ومش هتبقى  صاحبه إلا لو حطيته ف عينك وقلبك كل يوم وطبقت نصايحه👌🏻 ..  #القرآن_صاحبي  ..