Poems and Short Stories

Mga Bagay na Mananatiling Atin

Pilit mang ikulong ang liwanag,

Aalpas at mababanaag pa rin ang ilaw

Pilit mang patayin ang apoy ng ating pag-asa,

Sasayaw pa rin sa hangin ang mga dagitab

Pilit mang ibaon ang katotohanan ng kasaysayan,

Amoy pa rin ang sangsang ng kasinungalingan

Pilit mang manipulahin at baguhin ang naratibo,

Ang karanasan ng nakararami ay hindi mababago

Maraming mga bagay ang pilit nilang inaangkin,

Ngunit lagi't lagi itong mananatiling atin