ي ابوي مثل حب متعب للريم ما انت لاقي

البارت 6

سمعت الصراخ وسمعت اهل الديره يقولون فيه حريقه في اسطبل الخيل!
رحت اركض ومعي هزاع ..
صدمه وش ذي النار وش ذا!
والي يصدمك اهل الديار كلها هنا يد بيد! يساعدون بعض ويتعاونون وما يشوف كذا عند اهل المدن يمكن لو تصير حريقه عندهم يجي بس واحد ثنين بس!
تنهد بضيق وراح يساعد...
صرخ ابو عزام الي يلهث من التعب/ وش فيه ي ولد عسى ما فيه احد متضرر!
لف عزام بضيق وخوف/ مننا ما فيه احد بس ي خوفي على البنات داخل!
تكلم لافي وهو يركض/ احد دق على الدفاع المدني ؟
تكلم يعقوب الي جاء يركض ووراه الحريم/دقيت عليهم وعلى الاسعاف بعد!
.
.
.
يبكون والكتمه والخنقه بدت تنتشر في جسدهم الصغير العاجز عن المقاومة!
ميثى بخوف وهي تنادي أهلها/يمههه ي صالححح تعال ي اخوي تعال ي يبه ساعدوناااا.
صالح وهو يسمع ندى اخته ميثى الي يعزها/انا اخو ميثى اخوها وراح يركض يم الخيمه بيدخل وما عليه من احد بس مسكه ابوه وهو يقول/ لو كتب الله وفقدت بناتي لا تكملها علي ي صالح!
ــــــــــــــــــــ
ساهي بسعادة/هيييي تعالوا شوفوا تعالوا فيه فتحه هنا تعالوا
راح الكل يركض له صار عندهم امل وخصوصاً تأخر بعد الدفاع المدني والاسعاف بسبب بعد المنطقه..
صرخ يعقوب اول ما وقف جنب اخوه/نقدر نطلعهم هييييي
بدوء الشياب يركضون ويدعون والحريم يجدلون الماء هاذا رايح وهذا جاي كانوا منجد يد بيد...
دخل عزام الخيمه وخلفه لافي ونواف و وافي و صالح وثامر و أخيراً هزاع وسعود!
ــــــــــــــــ
في مكان اخر عند أشخاص اول مره نزورهم...
سال بهدوء/بترجع يبه ؟
رد بهدوء/اكيدد برجع وش له ما ارجع؟ ترى انا أمير الديار ي ولد..
هز راسه وسكت لف على اخواته واخوانه الي دخلوا ليش الغرور ؟ اتوقع عشان بس ابوهم امير لحدا ديار نجد العذيه...
يمشون وكان ما فيه احد مثلهم في العالم.....
ــــــــــــــــــــــــ
كل واحد انطلق يساعد اي بنت قدامه..
لافي الي كان يدور الريم بس حصل قدامه هلا اخت ثامر واخذها
عزام اخذ ريا وساهي اخذ هتيف وافي اخذ غصون ثامر اخذ ميساء وصالح اخذ ميثى هزاع اخذ غزال ونواف اخذ غدير
وأخيراً سعود اخذ الريم!
.
.
.
مر كل شي على خير وما حد اصاب باي شيء والحريقه جاء الدفاع المدني طفاها..
والحمدلله مر اليوم على خير...
.
.
.
جالس مع ابوي اسولف واضحك
لفيت على اخوي وافي اللي جاي يركض وهو خايف مره ومتوتر
سالته/ايش فيه وش صاير وراك كذا خايف تقول مسوي مصيبه؟
رد وهو يناظر ابوي ثم لف لي/يبه عمي ابو صالح صار عليه حادث هو واهله!
طبعا ابو صالح اسمه سفر وهو اخوا مسفر
فز مسفر والتفت على ولده وافي ويساله بخوف/ صار عليهم شي؟ ليكون صار لهم شيء ؟هم بخير!
رد وافي/ما ادري عن شيء دقوا علي المستشفى وقالوا تعالوا في حادث امشي يبه خليني اشوف ايش صار..

.
.
.
في بيت ابو عزام
كان مطلق يحط قانون ان بعد الساعه 12:00 في الليل الكل يرقد واللي يصحى يعاقبه...
هتيف بهمس/اهه بس شفتيي نظرت التشمت على عيونهم؟
غدير بنفعال/اخخخ بس لو اعرف من الي شغل النار في الخيمه!
الريم بهدوء/يمكن العامل حق الإسطبل!
غصون بهدوء/لا انا سمعت ساهي يقول ان العامل مسافر من أمس لموطنه
الريم بستغراب/اجل مين؟
هتيف/ تهقين انهم فهاد وامه؟
غدير/الله يرجك ريا من اليوم وش تقول ؟
ردت غصون/اي ترى هم رايحين الرياض امس ولسا ما رجعوا...
اقعدوا البنات يفكرون في اللي شغل الحريقه من يكون.
ــــــــــــ
صرخ بغضب/طيب لو كشفوك يعرفوك وش راح يكون السبب لا تجيب لي المرض يا ولد!
رد بهدوء وبرود/اعلى ما في خيلهم يركبون
ما يهمني اطلق شنب وانا سويت كذا لان الوضع مره مقرف..
رد اخوه بغضب/كنت راح تقتل ما يقارب العشر بنات! صاحي انت صاحي ؟
رد بنفس الطريقة/عشاني صاحي سويت اللي المفروض يصير من زمان
متخيل كميه القرف ما نجحت ذي المره لكن تنجح المره الجايه..
تكلم ابو فهد بغضب/والله لو تفكر يا فهد تذبح ولا تؤذي وحده من البنات ما راح يحصل خير المره الجايه انا اللي راح اوقف ضدك.
هز فهد راسه بتسليك وهو يخطط يذبح البنات في محاوله ثانيه..
ــــــــــــــــــــــــ
يحس بصدمه من الكلام اللي اسمعه..
مات ؟
ماتوا كلهم ما بقى غير ميثى!!!
ابو صالح وام صالح وصالح وميساء كلهم ماتوا...!
ان الله وانا اليه راجعون
ردد ذا الكلام وهو يحس بحزن على فراق اخوه الكبير يحس بحزن كبيرررر
لف مسفر على ولده لافي/دق دق يا لافي على ابو عزام خليه يجيني
هز لافي راسه وهو ساكت
ــــــــــــــــــــــــ
جالسه الريم عند شباك الي في غرفتها ما جاها النوم مع ان الساعه 2:00 في الليل
تفكر في الشخص الي اخذ قلبها اي تحبه وتعشقه حيللللللللللل...

لافي نفس حال الريم
بعد ما دق لافي على عزام وقال له كل شيء جلس في حديقه المستشفى وقاعد يفكر في الريم ويحس اني مشتاق لها حيللللللل
ــــــــــــــــــــ
عزام بعد ما دق عليه لافي راح يركض لابوه يقول له كل شيء
وقام مطلق وهو يردد /لا حول ولا قوه الا بالله الله يرحمهم ويغفر لهم ان الله وان اليه راجعون..
قاموا نواف وساهي يلحقون ابوهم ...
ــــــــــــــــــــ
وفي الصباح انتشر الخبر في الديره كلها
الجازي وهي تلبس العبايه/بسرعه يا بنات ما عاد باقي وقت اخلصن علانا بنروح يا بنات
ردت الريم وهي طالعه من غرفتها/يمه شفتي نقابي ابو غطوه ذاك ما لقيته في الدرج!
ردت الجازي وهي طالعه/من اليوم وانا اصيح اقول تجهزن والحين جايه تقولين وين نقابي ذاك؟ خذي نقابي اللي في الدرج و تعالي بسرعه
راحت الريم مع امها و الحقوها نوره وبناتها

وصلوا المستشفى ودخلوا في غرفه ميثى
لقوا الغرفه مليانه من حريم الديره
اللي جت وكل وحده معها فطور
كلهم فزعات وكلهن يد بيد...
ما حد يدري كيف راح يقولون لميثى عن خبر موت اهلها
الرجال كلهم عند بيت ابو صالح يعزون والحريم عند ام صالح يعزون
.
.
.