🕊️عـــصـافــيـر غـَـرنــاطــة🕊️
𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز
"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️
🕯️الــجـــزء 2
دخل الضيف ووقع خطواتو كيوحيو على ضخامة جسمو وفنفس الوقت لياقتو البدينة خفيف فمشيتو دوا وعيونو فعين الحاج عبد الله وقال بصوت قوي مصحوب بنبرة غليضة نوعا ما : السلام عليكم!
رد عليه عبد الله السلام وقال : وعليكم السلام سلامتك واخيرا كتاب نشوفوك
الشخص دوا بنفس النبرة وغوباشتو تفكات شيئا فشيئا : تسلم الحاج يالاه جيت من السفر
عبد الله ضرب يديه ببعض مقاد جلستو بانتصاب وقال : ماعلينا يمكن عرفتي سبب دعوتي ليك.. ولا باقي؟
الشخص : خير ان شاء الله!
عبد الله : مكاين غا الخير ان شاء الله عندي سفرة لجبل طارق واحد المدة عاد غنرجع بغيتك تبقا فالرياض وتخلي عينيك على داري وولادي (مقصود منها عائلتو) ودير تجارتي حتى نجي..
الشخص بتعجب : نقدر نعرف سبب هاد الثقة ونتا عاد عرفتيني فزوج مواقف فقط!
عبد الله : يكفي سمعتك فلسان كل الناس فالاندلس من شرقها لغربها ومكاينش لي موصانيش بيك..
الشخص سكت مدة وقال : يكون خير..
عبد الله عرف بلي خاصو وقت يفكر قال : خود وقتك ولكن جاوبني بكري راني كنوجد الرحال
شاف فبنتو لي كانت مصدومة ومفاهمة والو كيبانو غا عينيها وسط ديك التغنبيرة وقال : صلاح الدين الاشبيلي من أكثر الرجال شعبية فالبلاد معروف باخلاقو وخبرتو فالبحر والتجارة لي دخليها اعوام قليلة وولا كيضاهينا فالتجارة مع الرومان وامازيغ المغرب
لي هوما رواد التجارة
لمح عيونها لي وساع بؤبؤهم اثر كلماتو هاد السمية مغريباش عليها تبهضات ميمكنش تنساه واخا دازو سنين وكانت صغيرة ساعتها
الحاج عبد الله معطاش هادشي أهمية ودار مكمل تعريفو لصلاح الدين : وهادي بنتي الوحيدة وجوهرتي عفاف عقلها خفيف ومثقفة تقدر تفيدك فبزاف فغيابي راه عندها غاع حساباتي ومأمنها على غاع اسراري تقدر تقول هي يدي ليمن
صلاح الدين حرك راسو ملامح مكتوحي على والو حروفو السوداء وعيونو المبهمة لغز مغتفهمووش كراكطيرو مختالف على الرجال لي بحالو قليل هضرة وكيبغي غير المفيد ومعندوش مع الحديث بزااف الزمان علمو يسكت ويسمع كثر مايدوي نطق بنفس النبرة وهاد المرة كانت اخفت من قبل خلات جسد عفاف يقشاعر بلا هواه
صلاح الدين :خليت ليكم الراحة
كان جواب غريب بعد كلام عبد الله لي بقا كيشوف وراه متبع اثرو وراسو كيخيط ويعبر فهاد الانسان لي متفهمش ليه كيفاش قدر يوصل لهادشي كامل بهاد التصرفات
أنت تقرأ
عصافير غرناطة
Historical Fictionكتابة و تأليف: زجل يلدز و دعاء بينيس (douae jenner) ⚜"من رحم الحرب ولدت قصة حب عظيمة"⚜ 🕊 #عصافير_غرناطة🕊 ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
