🕊️عـــصـافــيـر غـَـرنــاطــة🕊️
𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز
"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️
🕯️الــجـــزء 3
خرج صلاح الدين بثقالة من قصرهوم و ركب اللور فالكوتشي الفاخر ديالو، اتاجه بيه السائق ديالو مباشرة لدارو لي ما كانتش بعيدة بزااف ..
دخل و لقاها متكية فإحدى الصالات بقفطانها اليدوي و شال حريري طوييل احمر مع زينة فوق راسها..مغمضة عينيها و بين يديها تسبيح من العقيق كاتستغفر ..
بقا وااقف كايشوف فيها من طبعو كايرد البال لادق التفاصيل و اكييد ماخافاوش عليه التجاعيد لي بدات كاتزحف على ملامحها...
اما هي فتحات عينيها و بتاسمات ليه:
جيتي ا ولدي؟قرب قرب ماتوقفش فالعتبة..
فالبلاصة تقدم عندها هي الوحييدة لي كايفك معاها غوباشتو و ماكايبقاش عاقدهوم حداها، تحنى باس ليها يديها بجوج المصبوغين بالحناء و داز طبع قبلة اخرى على راسها، استنشق عطرها الامومي الخاص من صغروو و هي معرووفة برائحة الياسمين الممزوجة بالعود مزيج عربي مية فالمية ..
جلس حداها بلا حتا كلمة كايتفحصها غير بعيونو السودااء حتا عاودات هضرات:
فين كنتي اولدي مارحتييش البارح بالليل تسنيتك حتى عييت واش مابتيشاي فالدار ياك ؟
صلاح الدين: لا بقيت غارق فالخدمة فاش ساليت لقيت الظلمة طاحت و ووقت الرجعة فات.
ناض واقف بنظرة مبهمة : ردي البال لصحتك ا الواليدة شوية و نهبط عندك..
طلع مباشرة من بعدها للجناحو الفوق و دخل للمكتبة لي كانت أسطورية بمعنى الكلمة، فنا جزء من عمرو لي ماكايتجاوزش الثلاثين و هو كايبحث على انذر انواع الكتب بمختلف اللغات...
و بفضل هاد الهواية و البحث المستمر لي كايسهر فيه لياالي قدر يكون ثقافة كبيرة و متنوعة عااوناتو بزااف فشغلو و حياتو...
مد يديه لاحد الرفوف جبد كتاب ديال الامام الغزالي و جلس فالمكتب كايقرا و يسجل بتمعن مهنني باالو....
لي قرات تخلي vote و تعليق❤
أنت تقرأ
عصافير غرناطة
Historical Fictionكتابة و تأليف: زجل يلدز و دعاء بينيس (douae jenner) ⚜"من رحم الحرب ولدت قصة حب عظيمة"⚜ 🕊 #عصافير_غرناطة🕊 ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
