كنت مع حاكم ولد عمي برا مع العيال نسولف جت الساعه ١٢ اليل قمت بروح البيت
حاكم:تونا بدري اقعد شوي
مُلهم:لا ياخوي فيني نوم وابي أنام بدري بكره جمعه
حاكم:اي ذكرتني اصبر بروح معك
قمنا ودخلنا كنا في بيت جدي رحنا فوق وصلت الشقه حقتنا وقعدت ادور المفتاح بجيوبي ومالقيته
حاكم:وش فيك
مُلهم:شكلي نسيت المفتاح بالبيت
حاكم:تعال عندي
مُلهم:لا بدق على وحده من خواتي
حاكم:تعال يارجال مافي احد غريب
مُلهم:طيب
دخلنا انا وياه المجلس ونمت الصباح قومني حاكم
مُلهم:الساعه ١٠:٣٠ صحني
حاكم:طيب
بعد ما راح توني بغمض عيوني احد ومن الخرشه سويت نفسي نايم
نجد:حكيمم قوم صلاة الجمعه بسرعهه
مارديت عليها مخروش لين الحين شالت البطانيه شفتها هربت بس كانت ملاك بسم الله عليها ماشاءلله قمت وشوي ودخل حاكم
حاكم:صباح الخير
مُلهم:صباح النور
حاكم:يلا بسرعه قم تروش عشان نلحق على الصف الاول
مُلهم:ابشر هذاني قايم
تروشت وخلصت وطلعنا انا والعيال لصلاه بعد الصلاه يجتمع البيت كلها جدي وجدتي وعماتي وحريم عماني والبنات والعيال بس كلهم يتغطون عن العيال هذا قانون جدي حطو القهوه والشاي وجلسو عندهم جلسه برا على الارض وجالسين زي الدائره
نجد:صبحك الله بالخير ياجدي
الجد:صبحتس الله بنور وشلونتس
نجد:بخير عساك بخير
الجد:بخير دامتس بخير،مُلهم ياولدي قم جب دواي من الغرفه
نجد:لا ياجدي انا أجيبه لك استرح يامُلهم
قامت تجيبه ورجعت كان جنب جدها حمد اخوها
نجد:حميد قم بجلس جنب جدي
حمد:اذلفي بس
الجد:ولد وش هالحكي قم يلا
قام وجلست نجد:جدي وش رايك تقولنا قصه من قصصك الزينه
الجد:ابشري بسعدتس
فهد:ياجدي سحبت علينا من جت هالدبه
نجد فتحت عيونها:جدي شوفه يقولي دبه
الجد:اعقب ياولد لحد يتكلم عن أميرتي
مُلهم:وانا وين رحت موب انا كنت الصقر حقك
الجد:انت لك معزه خاصه بقلبي
مُلهم:جعلني فدا قلبك
نجد بزعل:جدو ترا أغار منهم
الجد:ولا تزعلين انتي حبيبة جدها
حاكم:وش ذا الدلع شكل طاح كرتنا
العمه:يلا يبنات قومو حطو معنا الغدا
كل البنات قامو يجهزون الغدا.
