بعد ما تغدو جا العصر الكل رجع بيته كلهم عندهم بيوت بس باتو في بيت الجد،في بيت فهد(ابو حسام)
حاكم:نجدوووو وين فروتي
جت نجد تركض تحسب صار شي له
نجد بخرعه:بسم الله وش فيك
حاكم:فروتي وينهي مالقيتها
نجد:وانا احسب في شي يمكن بالمشب بنزل اجيبها
نزلت تحت للمشب تدور فروة حاكم لقتها وراحت تعطيه إياه
نجد:امسك هاذي هي ولعد تصارخ كن صاير لك شي يالخبل
ضحك عليها لانها اكثر وحده تخاف على اخوانها رن الجرس وراحت تفتح الباب لانها تحت فتحته وهي ما عليها جلال ولا شي تحسبه واحد من اخوانها وطلع مُلهم صد عنها ورجعت ورا الباب
نجد:هلا مُلهم وش بغيت
مُلهم:ابغا حاكم ضروري
نجد:ابشر الحين اروح أناديه
راحت تناديه وهو واقف عند الباب ينتظره وراحت عند حاكم
نجد:حاكم مُلهم تحت يبيك
حاكم:وانتي وش دراتس
نجد:اءءء كنت ارتب المشب وسمعت الجرس ورحت فتحته أحسبه واحد من اخواني يلا روح لرجال ابطيت عليه
حاكم:طيب
عند مجد وامها
الام:مجد وين ابوتس
مجد:برا يمه يرتب عزبته
الام:روحي شوفي اذا كان يبي شي ونادي معتس نجد
مجد:ابشري
طلعت من المطبخ وشافت نجد بتطلع برا
مجد:تعالي وين رايحه
نجد:ناداني حاكم
مجد:بسرعه روحي شوفي وش يبي امي تبغاتس
نجد:بروح عند امي بعدين حاكم
راحت عند عند امها
نجد:هلا يمه بغيتيني
الام:رتبتي المشب والصاله زين
نجد:اي والحين بروح لحاكم
الام:ليش عنده احد
نجد:اي عنده مُلهم
الام:تغطي زين
حطت الطرحه على راسها وطلعت وقفت عند باب المشب وطقت الباب طلع حاكم
حاكم:هلا
نجد:انت ناديتني
حاكم:اي ترا بنروح مع مُلهم ابوي بياخذ سيارتي
نجد:ليش
حاكم:وش ليش من بيوديتس ياقلبي
نجد:اروح مع ابوي
حاكم:تعرفين سيارتي صغيره وبعدين بروح معه حمد
نجد:طيب تبي شي قهوه شاي
حاكم:لا بس جهزي قهوه وشاي لطريق
نجد:من عيوني
حاكم:تسلم عيونتس
دخلت تساعدهم وخلصو وقسمو الاغراض
في بيت محسن(ابو محمد)
ابو محمد:فهد وين اخوك طاس له
فهد:في بيت عمي فهد عشان ياخذ حاكم
ابو محمد:وراه ماعلمني
فهد:شافك مشغول بالعزبه وقلبي وطلع
ابو محمد:زين
ركبو الاغراض سيارتين سالم معه فهد وأبو محمد لحاله مع ام محمد وجنان
