بعد ما رتبو اغراضهم ومشو كل الأهل في سيارة مُلهم،
وقفو عند محطه الان الطريق طويل تقريباً ياخذ من ساعه الي ثلاث ساعات نزلو حاكم ومُلهم
حاكم:تبون شي قبل لا ندخل
نجد:اي اذا ماعليك امر ينزل اخذ شي محتاجه له
حاكم:طيب وانتي يامجد
مجد:انا بنزل مع نجد
حاكم:طيب،يامُلهم
مُلهم: هلا
حاكم:انا بقعد عند السياره لما يعبي وبلبقها وبجيكم
مُلهم:زين
حاكم:انتبه لخواتي
مُلهم:ابشر
دخلو البقاله ومُلهم يمشي بالاسياب محتار وش يشتري جلس يدور لين ما جا حاكم
مُلهم:ياولد ولله مدري وش باخذ
حاكم:عطني الفصفص الي جنبك وخذ الي تبي بسرعه ترا ورانا خط طويل
مُلهم:طيب
خذا الي يبي وراح يحاسب وكان قدامه نجد والواضح انها متورطه
مُلهم: وش فيتس محتاجه شي ناقصتس شي
المحاسب:اختي محتاجه شي هاذا يضايقك
مُلهم:وش عليك انت، محتاجه شي
نجد:ناقصني كم ريال بروح اخذ من حاكم
مُلهم:انا بدفع الباقي
المحاسب:لو سمحت انت تتحرش فيها
مُلهم الي خلاص وصلت معه منه:ياخي وش فيك انت ما تفهم انا ولد عمي فكني
المحاسب:انا اسف
مُلهم:خلاص حطي اغراضتس وشوفي اختس اذا محتاجه شي انا بكمل الباقي
نجد ماتقدر تعانده:طيب،مجد تعالي
حطو اغراضهم وركبو السياره وشوي وجا مُلهم مد الأكياس لهم
مُلهم:تفضلي
نجد:الله يسعدك ليتك ما تعبت نفسك
مُلهم:مابه تعب واي شي تحتاجونه واخوانتس مو مجودين انا موجود
نجد:ماتقصر ولله الله يكثر خيرك
حاكم:شسالفه
نجد:لا بس كانت ناقصني فلوس ودفع لي مُلهم الله يسعده
مُلهم:ولو انا ولد عمك واخوتس
نجد:ماتقصر
حاكم:الله يهديتس ليش ماجيتي لي
مُلهم:انا رفضت
حاكم:كم دفعت
مُلهم:حاكم وش هالكلام
حاكم:معليه برجع لك الباقي
مُلهم:حاكم بلا هبال خلاص دفعت وخلصت بعدين عادي فلوسي فدا لها
حاكم:حتى لو ولله زعلت منتس يانجد يعني انا موجود
مُلهم:ياربي منك انا الي رفضت انا عي مالها دخل
نجد:خلاص ياخوي بعد كان ناقصني ٣ريال بس
حاكم بزعل:طيب
نجد:افا زعلت انا اسفه اذا احتجت شي يجيك انت ما رح اطلب من احد
شافتها ما رد ونطت قدام بدون وعي
نجد:حكيم يلا عاد وش ذا الدلع
حاكم لف لها وبعدها لورا ونزل وفتح الباب الي جهتها
حاكم:خير ان شاءالله وش هالحركه
نجد خافت منه:ولله بالغلط كنت بس براضيك
حاكم بعصبيه:لعد اشوفتس تسوين كذا
نجد:طيب اسفه ولله بالغلط نطيت بدون وعي
حاكم شافها شوي وتبكي حضنها
حاكم بحنيه:انا اسف اني صارخت عليتس بس شسوي أغار عليتس
نجد نزلت دمعتها:اسفه ماصيدي(مو قصدي)
حاكم:انا الي اسف يلا عاد مسحي دموعتس
رجعو يكملون طريقهم ونجد الي نامت ومجد كذالك بعد طريق طويل وصلو على وصول الباقي نزلو الاغراض وحطو الخيام كانت ٦خيام خيمة المطبخ خيمتين لنوم وخيميتن يجلسون فيها وحمام تقسمو في الخيام ألي راح يكمل نومه والي راح يتقهوه والحريم يجهزون بالمطبخ
في خيمة الرجال
الجد:اقول يافهد متى بيجي ولدك وليد
فهد:ولله يايبه اسئله اخوانه هم على تواصل معه انا بس اخذ أخباره وبس
الجد:حاكم متى بيرجع اخوك
حاكم:يقول ياجدي الاجازه بيجي بس بيرجع بعد العيد
الجد:زين
رجعو يكملون سوالف وضحك وطقطقة عند جهة العيال
فهد:اخخخخ بطني هههههههههههههههههههههههه
مجاهد:وربي أنكم فله كل هاذا بيوم
حاكم:يلا عاد من عنده موقف مضحك
فهد:انا انا
حاكم:اسلم
فهد:مره كنت بالبيت تحت قاعد واشرب شاهي واكل فصفص واتابع مباراة الهلال
مُلهم:للحين تذكرها الله يقطع بليسك ههههههههههههههههههه
فهد:وانا اقدر أنساها الزبده تدخل علي وحده من خواتي يأني انخرشت منها وإقرا اذكاري واقرا قران طبعا كانت اللمبات طافيه وقدني ببول في سروالي وانا احسبها جنيه وارجع ورا وهي تقدم لين لزقة بالجدار وانا الحين اقرأ القران ختمت القران وما اختفت قلت يعني ماني خايف(ولله ما سويت شي وش تبين مني قاعد اتابع مباراة )ولله يعيال اني ثواني وأسويها على نفسي وقسم بالله قالت
(ياغبي انا جنان)قلت لها(الله يجنن مختس ان شاءلله وش تبين)
قعدت تضحك على البنت فطست ضحك والأهل تجمعو كلهم على صوت ضحكها وصوت صراخي عليها عاد ذاك اليوم صرت مهزله عندهم كل شوي يفتحون السالفه ويضحكون علي وبس ولله
الكل:هههههههههههههههههههههههههههههههههههههه
مُلهم:وربي يعيال لو تشوفون وجهه ذاك اليوم عطيناه عصفر ولا فاد ابوي قال ودوه الشيخ يقرا عليه هههههههههههههههههههه
فهد:وانا أقولهم مافيني شي وأبوي يقول ليكون دخلتك اقوله يبه ولله مافيني شي يقول الا الا فيك بلا ودوني الشيخ وقرا علي وطلع اني مروع منهم
حاكم:هههههههههههههههههه ياحليلك يافهد الله يسعدك
يلا قومو صلاة المغرب.
