بعد طريق طويل وصلو نجد واتجهو للمخيم حقهم وصلو المخيم وقد الباقي واصلين نزل مُلهم وحاكم ومجد تصحي نجد
مجد: نجد قومي وصلنا
نجد: وأخير
اًنزلو وراحو خيمة الحريم
الجده:يا مرحبا ومسهلا بنجدي تعالي يا امي عندي
نجد:يالبى جدتي ولله اجيتس ليش لا
راحت جنب جدتها وهي ما شبعت نوم انسدحت على رجول جدتها وتمسح على شعرها بهدوء ولطف وشوي وغفت نجد،بدو يتقهوون ويسولفون دخل مؤيد
مؤيد:جده العيال بيدخلون يسلمون
الجده:دقيقه يامجد تعالي غطي نجد
امال: لا ياخالتي خليها تقوم داخل
الجده:خليها عندي انا ابيها
بعد ماتغطو دخلو العيال
سالم:السلام عليكم
ردو السلام وباس راس جدته والباقي سلمو جلسو يتقهوون مع الجده والعمات ويسولفون
الجده:اقول يعيال ما ودكم تتزوجون نفرح بعيالكم
حاكم:انا مابي زواج خلوني كذا مستقل
الجده:انا داريه انت اصلاً مافيك طب
الجده:وانتي يامُلهم
مُلهم:ولله يالغاليه ما بعد افكر بزواج خليني عايش حياتي
صرخ فهد وقاعد يهاوش حمد الي كب عليه القهوه
الجده:بس انت وياه البنت نايمه
حاكم: وين ما اشوف احد نايم
الجده:أختك نايمه على رجولي
فهد:وراه ياجده مخليه الدبه على رجيلاتس
قال حاكم الي جاي يفزع لاخته: اقول حدك على اختي ماشفت كرشك لازم تروح النادي صح يامُلهم
مُلهم الي يموت في مناقرتهم: صح ياولد العم
الكل يعرف علاقة مُلهم وحاكم كأنهم اخون الروح بروح يعززون لبعض يفهمون لبعض كل أسرارهم عند بعض
حاكم: كفو يابعد حيي يلا ياجده حنا نستأذن بنطلع عند الرجال
الجده:الله معكم،طلعو ونجد الي ما حست بشي في سابع نومه
الجده:نجد يا امي روحي داخل
امال:مجد تعالي خذي نجد جوا
جت مجد الي تتأفف بس عشان كل شي يسونه للأميرة نجد على قولتها قومتها ودخلو داخل.
