زينب ....
نزلت مشيت بس خطوتين وكعت رجلي محسيت بيها وكعت بلكاع حطيت ايدي وبجيت اكيد انشليت بس ليش اني حتى ماوكعت حيل من دفعتني سناء الحقيره
حسيت الباب انفتح حيل شفته عزام شافني بلكاع اجاني بساع كعد يمي ويحجي بخوف
عزام .. شبيج زينب ليش بلكاع شو باعيلي ليش تبجين
زينب بكاء ..ع ع عزام ااااني ااانشششليييت بععععد ماااكدر اااامشي
عزام ...شنو هلحجي شبيج شو كومي سحبني من ايدي
زينب ...والله رجلي اصلا ماحس بيها
عزام ...الله لا يوفقج سناء اي ليش رجليج وكعتي عليهن
زينب ... هيه ع ع عمه سناء دددفعتني بس شو ماتعورت ماادري ليش مااكدر امشي
شالني عزام حطني على الجربايه وانطاني شالي وكال.. اصيح امي واجيج
طلع واني طكيتها بجي ..يربي صدك انشليت شلون اكمل حياتي شلون ادرس
هنا جانت عطله نص السنه وراح يبدي الدوام
اجه عمو سعد وخالتي عمو شاف رجلي حتى مامتعوره بيها عمو باوع لعزام وكله
سعد ...العصر ناخذها للدكتور اخصائي
وضليت بغرفتي وعمتي اشواق جيبلي الاكل وسولفتلي على عمه سناء من الصبح عمو عمار وعمو سعد رايحيلها ومتعاركين وياه وعمو سعد حتى ضاربها وكايللها... اذا وصلتي لبيتنه بعد اكسر رجلج وهي فوك ماغلطانه تلعلع وتصيح
....بيت ابويه غصبن عليكم اجي
وللعصر بدلتلي عمتي ورحنه للدكتور عزام شالني ونزلني ومن نزلنا سمعت حسام ادنه يمه ويهمس
حسام ...خسائر قوم لقوم فوائد
عزام رد عليه بنفس الهمس ...سد حلكك
ورحنه عزام يسوق وعمو سعد كاعد يمه وخالتي راحت وياي كعدنه وره اني وياها
وسويت اشعه وكال مابيها شي سويلها رنين
وسويت رنين كال صايره عدها رخاوه بلاعصاب وهذا يصير نتيجه هبطه وخلال العلاج ترجع ان شاء الله
ومرت ايام ورجلي بدت تتحسن الحمد لله وعزام سوالي انتساب بس بالامتحانات اروح
وبيبي صارت تتعب اكثر بين يوم ويوم ينزلني عزام اشوفها لان متكدر تصعد
وجانو يجون الولد وعمتي يسوون السهره بغرفتي وجان ومره حسام رايح وعمتي اشواق للسوك واجه ناصب عليها
حسام ...اليوم واحد لاكانه بلسوك سلم على عمتي بس شنو عبالك زحف عليها ضل بس يباوع
اشواق ...ياا ياا يمصخم مو كتلك دكتور بلجامعه وياي
حسام ...اي بعديش وره ماخلصتو نضرات عود كتيله هذا ابن اخويه وتره شفتج زحفتيله
سيف ...عمه شكبرج بعد تصيرين وبعدج تزحفين
