صلوا على النبي محمد صلى الله عليه وسلم
ــــــــــــــــــــــــــــــــــــــــــــــــــــــــــــ
معليش على التاخير في تنزيل الرواية...
ــــــــــــــــــــــــــــــــــــــــــــــــــــــــــــ
في الساعة ثنتين الظهر
واقف عند الباب حق البيت وهو يشوف الدنيا كلها مطرر وماء بكل مكان ردد وهو يقول
/ مطرنا بفضل الله ورحمته ماشاءالله تبارك الله
يعقوب بوناسه/ الله يبه تكفى امانه بطلع العب فيه تكفى
غدير بحماس/ اي امانه نبغى نفل ام امها المطر يفتح النفس
رد مطلق بحزم/ الى اشوف رجله متعديه عتبت الباب كسرته له فاهمين؟
ضحكت الجازي/ شكل حتى انا بطلع العب معهم في ذا الجوء
ضحك عزام / خالتي تبي ترجع طفولتها ههههههههه
الجازي وهي تضحك/ اي بالله وش زينها الطفوله
وقعدوا يسولفون عن قصص قديمه صارت لهم وهم يسمعون صوت الرعد والمطر .
ــــــــــــــــ
جالس في البلكونه حقت المجلس حق الرجال وهو يحس ان المطر غسل نص همومه شاف سعود يركض جاي يمه
سعود وهو يمسح وجهه وشعره من الماء/ اوه ي قوه قسم بالله انه من زمان عن أجواء المطر.
لف بهدوء/ اي صادق ودك تكشت كشته تونس الواحد
ضحك سعود/ و ودك تفحط وتطعس في ذي الاجواء
لف بحماس/ وش رايك نكشت اذا وقف المطر ؟
سعود بحماس/ قدام اجل .
ــــــــــــــــــــ
رفع جواله الكشاف القديم/ ابك ام مشعل داقةٍ علي !
نوره بهدوء/ والله لهم فقده دق عليها شوف وش عندها
هتيف وهي تجلس ومعها قهوه وشاهي/ اما عميمه داقه ؟
لف ابوه/ اي اي داقه ثم لف يناظر أنحاء البيت باستغراب/ وين الاعيال؟
ردت بتورط/ هاه مدري
عاين فيها بنظره تخوف/ هتيف!
ردت وهي تناظر الأرض/ امم برأ يلعبون بالمطر!
وقف بغضب/ وجع يوجع العدو يبون يمرضون علينا
وقبل يطلع من الصاله شافهم داخلين مع الباب بهدوء وحذر وهي يسمعهم
ساهي بحذر وهو يخلع ثوبه ويبقاء بسروال وفنيله/ اسمع ي يعقوب رح فز لغرفتي جيب ثيابي انا والعيال قبل يشوفنا ابوي !
نواف وهو يجلس على الكرسي الي عند الباب/ ترى ابوي موب داري عننا تلقونه جالس في المجلس يتقهوه
عزام وهو يفصخ نعاله وانتم كرامه/ ابك نعالي كلها ماء
يعقوب وهو يأخذ نعال عزام/ هات هات انا اخليها تقف الحين
فتح الباب ونطلها برأ البيت
/ شوف بالله هاذا هو الذكاء ولا بلاش
عزام بغضب/ اي ذكاء ي ابو عقل مصدي برأ مطر كيف راح تجف بالله ؟
يعقوب وهو يركض/ الشمس راح تظهر وتجفف نعالك الي سارقها.
طلع ابوهم وبغضب/ تعالوا هنا تعالوا وش مطلعكم وانا قايل لكم ما تطلعون هاه؟
وبعدين وش سالفة النعال المسروقه ؟
عزام وهو يعطي يعقوب نظرات/ ابد والله طلعنا يوم شفنا الدجاج طالع من القن حقه اما سالفة النعال فتراه يكذب شاريها من بسطة ابو فيصل!
جت هتيف تركض/ يبه دوك جوالك يدق
اخذه ورد بي بشاشه وسعاده واضحة بصوته
ــــــــــــــــ
الريم بحماس/ امانه صدق عمه بتجي؟
رد بهدوء/ اي بالله بتجي
غدير بحماس وسعاده/ الله وناسه بيصير فيه فعاليات وفله واووو اشتقت لشهد الحماره ساحبه
ضحكت غصون على حماس غدير/ هدي شوي شوي لا تطيرين علينا
ضحك عزام/ خليها تعبر عن حماسها هههههه
لفت الريم الي تحاول تكون سعيده/ بس مو على حساب اذني!
ــــــــــــــــــــ
تعريف بي ام مشعل واهلها
ام مشعل اخت مطلق وسعد من الرضاع واسمها مضاوي متزوجه بس زوجها ميت وتعيش في المدينة المنورة
ولها فتره ما جت الديره
مشعل اكبر عيالها متزوج حصه وكلهم الثنين حلوين وطيبين وحياتهم عسل على مربى مره حلوين مع بعض وعندهم بس ولد واحد الي عمره اربع سنوات تقريباً واسمه صقر
خالد اصغر من مشعل كأن متزوج بس طلق وحلف انه ما عاد يتزوج رغم كونه شخص وسيم وحلو!
شهد انسانه تعطي الكل على جوه وطيبه
غازي شخص غامض وثقيل يحب الصيد والرحلات البرية
العنود هاديه لكن هاذي الي يسمونها الهدوء ما قبل العاصفة ي انها عليها شطحات
ومحد يحط نهايه لذي الشطحات غير غازي
واخر العنقود الي هم
بدر وبندر التوم المشاغب أصحاب عمر الست طعش..
ــــــــــــــــــــــــ
سجى بطفش/ بابا الديره تقرف وربي نبغى نرجع للمدينه تكفى
سعد بحزم/ المدينة موب راجعين لها الا اذا قلت انا يلا روحي نادي امك
راحت سجى بزعل
وهي طالعه شافت سعود داخل والسعادة واضحة على وجهه/ ماشاءالله شاق الابتسامه ترى نعرف ان عندك سنون
عقد حواجبه من الهجوم الي جاه/ خير ي طير وش فيك؟
ترى درينا انك معصبه!
سجى بغضب/ على زق بس سكتت على صراخ ابوها الغاضب / ما فيه احترام وتقدير لخوك الكبير اعتذاري له اشوف!
لفت سجى وهي تشوف نظرات سعود الي يحاول يمنع ضحكته وبقهر حبت راس اخوها وركضت داخل غرفتها
ــــــــــــــــ
وفي الصباح الكل صاحي من بدري يجهزون عشان ام مشعل جايه لهم وكل متنشط ومتحمس لهم
مطلق وهو يشوف عزام يفرش الفرشاة على موية المطر/ الله يلعن الشيطان ي حمار ي كلب الماء لا يجي على الفرشه لا حول ولا قوه الا بالله اعمى ما تشوف الماء انت يوم تحط الفرشه فوقه!؟
عزام وهو يبتسم/ كنت اناظر ذا الدلخ الي يسقي النخل والنخل امس جايهم مطر!
لفوا كلهم على نواف الي حاط جواله بمخبا ثوبه وارفع ثوبه ورابطه على خسره والسماعات في اذن ويسقي النخل!
فجاه الكل ضحك وهم يشوفون مطلق الي مسح نواف في الارض
وبعدها جاهم نواف معصب/ الحين بدل ما يقول ولدي الحبيب متعب نفسه ويسقي النخل جاي يسحب فيني الارض اخخ ي ظهري اخخخ بس
ساهي وهو يضحك/ هدي لا يطق لك عرق هههههههه
يعقوب وهو جالس فوق دبت السياره/ الحين سؤال يطرح نفسه
لفوا كلهم له
وكمل / ابوي قبل شوي قال جميع انواع الحيوانات لنا ي نادي ذا ويقول ي حمار ي كلب ي تيس اذا كنا حنا كذا فحنا طالعين على من؟
رد بغضب وهو يسمع كلام ولده/ وجع يوجع عدوك الحين حنا حيوانات ؟
رد يعقوب الي قمز من الخرشه/لا محشوم ما قلنا كذا
مر الوقت وهم يشتغلون ومطلق يمر عليهم يضرب ذا ويصارخ على ذا ويدعي لذا
العيال يشغلون النار ويسوون
القهوه والشاهي ويذبحون الذبايح
اما البنات يجهزون الفطور وينظفون البيت ويغسلون المواعين مع امهاتهم
أنت تقرأ
ي ابوي مثل حب متعب للريم ما انت لاقي
Romanceبلاكم ي محبين تاخذون القلوب وتخلون لنا الجسد؟ بلاكم ما تعرفون الحب الشريف؟ ... ليكن حب شريف وليكن بحدود! مشاكل ومصاعب وحب كاذب واخر حب عفيف اتمنى تعجبكم الكاتبه/ ريا العتيبي
