وصلو الضيوف وضيفوهم قال واحد من الجماعه
ابو حمد:اقول ياناصر ابي اخطب من عندكم
الجد:تأخذها لك ولا لعيالك
ابوحمد:لا ولله لحمد أزعجني زوجوني وزوجوني
الجد:من تبي
ابو حمد:قالي يبي من بنات فهد
الجد:اقول حمد ياولدي
حمد:سم ياجدي
الجد:سم الله عدوك، قلي من تبي من بنات فهد
حمد:ابي نجد
مُلهم بس سمع اسمها التفت له وحمد انتبه لنطراته ويحاول يتجاهلها
الجد:ولله نجد محيره لولد عمها ولد عمها اولى بها
ابتسم مُلهم وناظره حمد وعرف انه هو بس قال يتأكد
حمد:لمن ياجدي
الجد:لمُلهم
رجع يناظره وهو منصدم
ابو حمد: والثانية
الجد:كلهم محيرات لعيال عمهم
ابو حمد:والله نطمع في نسبكم بس مافي نصيب يا ابوي
غمض حمد بقهر وقام وطلع والكل لاحظه عند الحريم
البنات قاعدين برا ومسوين دائره وفي الوسط النار وسوالف وضحك
نجد: يبنات وش رأيكم نلعب
منيره:انتي متى تكبرين
نجد:كيفي انا طفله كيفي يلا قومو نلعب
كل البنات قالو ما يبون زعلت نجد وقامت من عندهم وخذت شي تلبسه فوقها وخذت الشال حقها وطلعت برا المخيم راحت عند الإسطبل
نجد:مهرتي اخخ اشتقت لتس شوفيهم زعلوني
صاحت الخيل واتجهت لها نجد
نجد:حتى انتي زعلانه من زعلتس ياعيوني ها انا زعلانه علشانهم ما يبون يلعبون معي وبعد قالو عني طفله وبزر حطموني ولله
نجد:تعالي نتمشى برا الإسطبل شوي
طلعتها وركبت عليها وراحت ماتدري وين تروح بس مشت هي والفرس الي تركض بسرعه جنونيه وشوي وهدت الفرس،
عند(بطلنا)الي مل من سوالف الشياب وطلع يتمشى برا المخيم ولقى وحده تتمشى رايحه جهة الإسطبل لحقها لانه عارف انها نجد لحقها وسمع وش تقول للفرس حقها ما يدري ليش حزن عليها شافها تطلع الفرس وركبت عليه وانطلقت وأهو ركب الخيل حقه ولحقها عند نجد الي حست انها أبعدت مرا وقفت شوي ونزلت من الفرس
نجد:شفتي يامهرتي وين وديتيني ضعنا اكيد
مُلهم من وراها:كيف تضيعين وانا موجود
صرخت نجد بقوه وطاحت على الارض ومُلهم بداخله يقول بسم الله عليتس ياقلبي بسم الله عليتس
نجد:بسم الله من وين جيت انت
مُلهم:لحقتس
نجد:لهدرجه مهمه عندك
مُلهم بنفسه:وأكثر بعد
نجد:ها قلي وش جابك
مُلهم:اءءء شفتسً تطلعين وانا كنت رايح الاسطبل وطلعتي انتي رايحه له بعد
نجد:وليش رايح
مُلهم:تضايقت وطلعت
نجد:شكلك تبي تفضفض
مُلهم:اذا ماعندتس مانع يعني
نجد:اركب الخيل حقك وتعال معي نتمشى
ركبو الخيول حقتهم حق مُلهم اسمه(رَعد)
وحقت نجد اسمها(مُهرهَ)
نجد:وش مضيقك
مُلهم:سالفه صارت بالخيمه بس خلاص
نجد:وش السالفه
مُلهم:ولله ما ودي اقولها بس عشانتس
نجد:يلا ولله فضولي بيذبحني بالعاده تفضفض لحاكم
مُلهم:حاكم مشغول مع الشياب الزبده السالفه هي كانو بيخطبونتس
نجد:وشووو ومن سعيد الحظ
مُلهم: حمد ولد عجوز قريح
نجد:وعععع مالقو يخطبوني الا لذا الشيفه
ضحك مُلهم على التشبيه:اي ولله شيفه بس جدي برد قلبي
نجد:وش قال
مُلهم:قال انتس محيره لي واستانست شفت نظرات حميد وربي بغيت اضحك عليه
نجد:يعني وش
مُلهم:يعني اني ابيتس بالحلال وأحبتس وأعشق التراب الي تمشين عليه
نجد تحاول تصرف الموضوع:اءءء خلنا تمشي اكيد امي فقدتني
في الخيمه بعد ما تعشو الرجال وراحو الضيوف دخل عليهم شخص محد توقعه(صح الي في بالكم)وليد
حاكم:حمد اقرصني ابغى اشوف الي قدامي حقيقه ولا حلم
حمد:اضربني كف بالله اتوقع اننا نحلم انا وياك
حمد قرصه مع فخذه وصرخ حاكم وضربه على راسه صرخ حمد وكل الي بالخيمه التفتو لهم
ابو حسام:علامكم وغدان انتو(بزران انتو)
حاكم:يبه الي قدامنا حلم ولا حقيقه
ابو حسام:قصدك وليد لا حقيقه
حاكم: احلف بالله يايبه
ابو حسام:بكذب مثلاً
حمد وحاكم مع بعض:وليدووووو
ضحك عليهم وليد واتجهو له وحضنوه
حاكم:وينك ساحب يالامريكي
وليد:تعرف بعد الذرائع مشغلتني كلها بأذن الله ٧شهور وارجع لموطني
حمد:يوه من احارش باه ٧شهور
وليد:نعنبو بليسك وإخوانك وعيال عمك وش يسون عندك عناد فيك بقعد ٣شهور زياده
حمد:لا لا امزح معك ياخوي بعدين انا احارشك عشاني احبك
وليد:اقول حاكم وين توأمك
حاكم:ولله مدري بس شكله يتمشى
وليد:غريبه
حمد:اي ولله غريبه لا يكون متزاعلين
حاكم:الله لا يجيب الزعل بينه وبيني صار خلاف بينا بسيط وحليناه
حمد بلقافه:وشو
حاكم:وش دخلك
نرجع الابطالنا الي دخلو الخيول ومشو للمخيم حقهم وفي طريقهم تعثرت نجد من الصخره
نجد:ايييييي
مُلهم:وش بلاتس
نجد:طحت على رجلييي اييييييي
وبدت تصيح
مُلهم:بسم الله عليتس تقدرين تقومين
نجد:لااا ايييييي ابي اميي ابي حاكمممممم يمهههه تعالي الحقيني اءءء يارجلي
مُلهم:ششش بناديه بناديه
وفجاءة طلع الكل على صياح نجد
حاكم:نجددد وش فيتسس
نجد:الحقني ياخوي رجلي اييي
انحنا لها وحضنها وبدا يسمي عليها
حاكم:خلاص الحين بوديتس المستشفى.
