شالها وركبها السياره
حاكم:مُلهم شغل السياره بسرعههه
مُلهم توتر وأرتبك وكل شعور سئ داهمه خوف حزن زعل ضيق شغل السياره وانطلقو للمستشفى وفي المخيم الكل خايف الطريق ظلمه ونجد متوترين نرجع للي بالسياره
نجد:اييي بيقطعون رجليي
حاكم الي على اعصابه:لا مارح يقطعونها ياقلبي انتي بس هدي شوي ونوصل المستشفى
بعد نص ساعه وصلو المستشفى ودخلوها عند الدكتور كشف عليها وكل شي دخل حاكم
حاكم:دكتور وش صار
الدكتور:زي ماتوقعت شعر
حاكم:يعني
الدكتور:يعني مافي شي خطير بنلفها لها وبكتب لها مسكن وكلها كم اسبوع لما يلتأم الكسر ان شاءالله
حاكم:يعطيك العافيه
الدكتور:الله يعافيك
طلع عند مُلهم الي واضح على وجهه التوتر
حاكم:وش صار
مُلهم التفت له:كنت اتمشى برا وشفتها ركبت مُهره ولحقتها وأبعدت مرا عشان كذا لحقتها وسولفنا شوي بعدين رجعنا وهي كانت بتدخل وتعثرت بالصخره وطاحت بس
حاكم:يعني ما صار شي
مُلهم:وش بيصير
حاكم:طيب يقول الدكتورشعر بيلفونها لها
مُلهم:الحمدالله جت على كذا وما قالو متى بيطلعونها
حاكم:لا ولله معك جوالك نسيت جوالي في المخيم
مُلهم:اي دقيقه بروح أجيبه من السياره
طلع لسياره وخذا الجوال ورجع ما لقاه بالسيب وضن انه جوا الغرفه
قبل لا يدخل طق باب الغرفه، عند نجد الي كانت منسدحه وتناظر السقف طق الباب
نجد:مين
مُلهم:انا مُلهم
نجد:دقيقه حطت الطرحه على راسه وتغطت
نجد:ادخل
دخل مُلهم وهو منزل راسه بالارض
مُلهم:السلام عليكم الحمدالله على السلامه
نجد:وعليكم السلامه الله يسلمك وين حاكم
مُلهم:ضنيته عندتس عشان يبي يتصل
حاكم من وراه:هذاني
فز مُلهم:الله يخرشك
حاكم:هههههههههههههههه ايوه وش تسوي هنا
مُلهم:كنت ادورك ضنيتك جوا هنا
حاكم:لا رحت اجيب مويه اتصلت عليهم
مُلهم:لا قاعد انتظرك
حاكم:فاهي انت اتصل الحين تلقاهم قد مشو
مُلهم:يلا يلا
اتصل على ابوه وقاله ان ماهي شي خطير بينومونها يوم وقال الجد نرجع لرياض وبالفعل حملو اغراضهم ومشو،جلس مُلهم بعيد عنها وحاكم جلس على السرير
حاكم:توأمي وين سجيت
مُلهم:هلا معكم معكم بس اهوجس
حاكم:وش تفكر فيه
مُلهم:في حياتي لا زوجه ولا شغل اغلب وقتي في البر ولا عند الخيول ماعندي حياه
حاكم:ربك يعين
عند نجد الي كانت تفكر بكلام مُلهم يعني يحبها وغفت وهي ما تحس شافها حاكم نامت وطلعو برا
حاكم:مُلهم روح البيت واضح عليك التعب
مُلهم:مافيني شي خلني كذا
حاكم:ياولد ترا من امس ما نمت ولا اكل شي روح البيت ريح وبكره بتصل عليك تجي تاخذنا
مُلهم:كيف تتصل علي وما معك جوال خلني كذا بنزل تحت اشتري لي شاي تبي
حاكم:طيب على راحتك جيب معك
بعد يوم طلعت نجد من المستشفى ورجعو بيت الجد لانهم متجمعين هناك،في بيت الجد كانو الحريم برا مع الجده والجد والعيال والرجال رايحين يعزون واحد من جماعتهم دخلت نجد البيت وأصواتهم علت الحمدالله على السلامه واخر الأوجاع ان شاءالله
نجد:ماله داعي شعر بس
الجده:ولو انتي غاليه وياقلبي
نجد راحت عندها وحضنتها:يابعد عمري ياجده والله اشتقت لتس حيل يومين ما شفتس
الجده:ابي اعرف وش وداتس برا
نجد:ولله ياجده ضقت شوي وطلعت اتمشى عند الخيول
الجده:من مضيقتس جعله الي مانيب قايله
نجد استغلت الوضع:حفيداتس ياجده ترضين يقولو عني عانس وطفله
الجده:لا ولله ما ارضى علميني من الي قايل لتس
نجد طلعت يدها وقاعده تعددهم:مجد ومنيره
البنات فتحو عيونهم على الآخر من الصدمه
منيره:ولله ياجده انها تسذوب ولله
مجد:ياجده تصدقين الطفله هاذي
نجد شهقت:شفتي ياجده تقول عني طفله
الجده ضحكت عليها:وأحلا طفله بعد
نجد:جدهه زعلت منتس
دخل الجد عليهم
الجد:افا من مزعل اميرتي
نجد:شفهم ياجدي يقولون عني طفله وجده تضحك علي ترضاها
الجد:افا ياذا العلم تقولون لأميرتي طفله
نجد:اي اغسل شراعهم ياجدي كفو
الجد:وجدتس ما كذبت يوم قالت احلا طفله
نجد بوزت:جدييي
حضنها وباسها على راسها وانتهى يومهم بسوالف والضحك والطقطقة .
