[Unicode]
ပြိုင်ဘက်ကင်းအသန်မာဆုံးသခင်ကြီးစာစဉ် - ၃
အခန်း ၃၇ အန္တရာယ်ကျရောက်ခြင်း...
အရိုးဖြူနတ်ဆိုးဂိုဏ်း၏ ဂိုဏ်းချုပ်သည် အောက်ဘက်ရှိ ယွင်လီကောနှင့် ကျီဝူရှားကို စိုက်ကြည့်နေသည်။
"ငါမမှားရင် ဒီနှစ်ယောက်ကလည်း သူတော်စင်အဆင့်ရဲ့အထက် ကျင့်ကြံခြင်းနည်းစနစ်တွေပိုင်ဆိုင်ရမယ်။"
"ဘာ..."
အရိုးဖြူနတ်ဆိုးဂိုဏ်း၏ တပည့်များနှင့် အကြီးအကဲများသည် လုံးဝမေ့လဲလုနီးပါးဖြစ်သည်။
မူလက ဖုန်းထျန်းယွမ်သည် သူတော်စင်အဆင့်အထက်က ကျင့်ကြံခြင်းနည်းစနစ်ကို ပိုင်ဆိုင်ကြောင်း ကြားသိရခဲ့စဉ်ကပင် အလွန် ထိတ်လန့်တုန်လှုပ်ခဲ့ရသည်။
နောက်ဆုံးတွင်၊ သူတို့၏ဂိုဏ်းချုပ်ကိုယ်တိုင်က ယွင်လီကောနှင့် ကျီဝူရှားတို့သည်လည်း သူတော်စင်အဆင့်နှင့်အထက် ကျင့်ကြံခြင်းနည်းလမ်းပိုင်ဆိုင်ကြောင်း တကယ်ကြီး ပြောခဲ့သည်။
ဒါက လူတိုင်းကို သူတို့၏လောကအမြင်ကို ပြန်ပြီး မေးခွန်းထုတ်စေသည်။
သူတော်စင်အဆင့်၏အထက် ကျင့်ကြံခြင်းနည်းစနစ်တွေက ဘယ်တုန်းကစလို့ ဈေးထဲက ဂေါ်ဖီထုပ်တွေလို ပေါများလာရတာလဲ?
လူတိုင်း၏ ထိတ်လန့်တုန်လှုပ်မှုကို လျစ်လျူရှုပြီး အရိုးဖြူနတ်ဆိုးဂိုဏ်းချုပ်က ဆက်ပြောလာပြန်သည်။
"ဒါပေမယ့်၊ သူတို့.. ကျင့်ကြံခြင်းနည်းလမ်းတွေကိုပဲအားကိုးရင် ငါတို့ အရိုးဖြူနတ်ဆိုးဂိုဏ်းအပေါ် ဒီလောက်မောက်မောက်မာမာ ပြုမူနိုင်မှာ မဟုတ်ဘူး။ သူတို့လက်ထဲမှာရှိတဲ့ လက်နက်တွေက ကောင်းကင်ဘုံအဆင့်မြင့်လက်နက်တွေပဲဖြစ်ရမယ်။”
ဟမ်..
အားလုံးသည် သူတို့သုံးယောက် ကိုင်ဆောင်ထားသည့် လက်နက်များကို တညီတညွတ်တည်း မျက်လုံးပြူး၍ စိုက်ကြည့်ရင်း ရင်ထိတ်သွားကြသည်။
ESTÁS LEYENDO
ပြိုင်ဘက်ကင်းအသန်မာဆုံး သခင်ကြီး
Fantasíaပြိုင်ဘက်ကင်း အသန်မာဆုံး သခင်ကြီးစနစ် Eng Title - I am such an Expert; Why do I have to take Disciples Author - Wood Easily Starts Fire Genre - Action, Adventure, Fantasy ဘာသာပြန် - CHARM. Y